Kierch Schous
| ||||
|---|---|---|---|---|
 Filialkierch vu Schous (2014) | ||||
| Uertschaft / Plaz | Schous | |||
| Par | Par Miersch Saint-François | |||
| Dekanat | Zentrum | |||
| Numm / Patréiner | Hl. Johannes | |||
| Baujoer | 1823 | |||
| Koordinaten | 49° 44’ 59.7’’ N 06° 10’ 12.6’’ O | |||
| Kierchen - Kapellen | ||||
D'Kierch zu Schous ass eng kathoulesch Kierch, déi zur Par Miersch Saint-François, zum Dekanat Zentrum an zu der Gemeng Fëschbech gehéiert.
De Patréiner vun der Kierch ass den hellege Johannes den Deefer, deem säi Fest de 24. Juni gefeiert gëtt.
Si steet an der Rollengerstrooss (CR120) net wäit vun der Kräizung mat der Haaptstrooss (CR120, respektiv CR120A).
Den 11. Februar 2022 gouf s'als nationaalt Monument klasséiert.[1]
Zur fréierer Par Fëschbech gehéieren ausser der Filialkierch vu Schous och nach d'Parkierch vu Fëschbech an d'Kapell vu Weyer.
Geschicht
[änneren | Quelltext änneren]D'Kierch gouf 1823 gebaut. Iwwer dem Kiercheportal ass eng Skulptur vum Jang dem Deefer vu 1470, déi aus enger Virgängerkapell hierkënnt, a vun engem Här vu Meesebuerg gestëft gewiescht soll sinn. Och vun enger fréierer Klaus goufen Elementer mat verbaut. Den spéitbarocken Altor aus dem spéiden 18. Joerhonnert ass och aus enger anerer Kierch.
1962 gouf de Verbotz op der Säit vum Portal ewechgemaach a bannenan e Verbotz opgedroen. Den Daach gouf gehéicht a verlängert, d'Entrée méi breet gemaach an d'Fläch tëscht dem Tuerm an dem Portal gouf ervirgehuewen a krut en Ustrach.[2]
Biller
[änneren | Quelltext änneren]-
D'Kierch vun der Rollengerstrooss aus gesinn -
D'Kierch vun der Schoulstrooss aus gesinn -
Den Agank vun der Kierch op der Ostsäit vum Tuerm
Kuckt och
[änneren | Quelltext änneren]- Lëscht vu reliéise Gebaier zu Lëtzebuerg
- Lëscht vun de Lëtzebuerger Paren
- Lëscht vun de fréiere Lëtzebuerger Paren
Um Spaweck
[änneren | Quelltext änneren]| Commons: Kierch Schous – Biller, Videoen oder Audiodateien |
- Websäit vum Parverband Miersch op cathol.lu
- Websäit vum Parverband Miersch
- D'Fënstere vun der Kierch vu Schous op der Websäit vun der Stiftung Forschungsstelle Glasmalerei des 20. Jh. e. V. (de)
- D'Kierch Schous an der Facebookgrupp Patrimoine religieux Luxembourg - Reliéisen Ierwen Lëtzebuerg [sic]
Referenzen
[Quelltext änneren]- ↑ Institut national pour le patrimoine architectural: Liste des immeubles et objets bénéficiant d'une protection nationale. (Lescht Versioun vum 3. Juli 2024).
- ↑ Ministère de la Culture, Service des Sites et Monuments: Nationale Inventarisierung der Baukultur im Großherzogtum Luxemburg: Kanton Mersch, Gemeinde Fischbach. Luxemburg 2018, S.186-189.