Қаратайқыз мұнай кен орны

Қаратайқыз мұнай кен орны — Атырау облысы, Мақат ауданы, Доссор темір жол стансасының шығысынды 85 км жерде, Каспий маңы ойпатының шығысында орналасқан. Кен орны 1948-1960 жылдары барланып ашылған.

Кен қосқанатты тұз күмбезді құрылымнан тұрады.

• Неокомда 6, юрада 1 мұнайлы қабат барланған. Неоком қабаттары құрылым шоқтығында 260 м, юранікі 359 м тереңдікте.
• Иірімдердің биіктігі 11, кеуектілігі 20 м.
• Мұнайлы қабаттар терригендік таужыныстардан түзілген, коллекторлары кеуекті.
• Қабаттардың мұнайға қаныққан қалыңдығы 16 м (неоком) және 5 м (юра)

• Коллекторлардың ашық кеуектілігі 25-30%.
• Мұнайға қанығу коэффициенті 0,9.
• Мұнайдың тығыздығы 894-899 кг/м³.
• Күкірті аз - 0,32%.
• Парафині аз - 0,64%.
• Шайырлылығы жоғары - 28%.