Майқайың

Кент
Майқайың
Әкімшілігі
Ел	ҚазақстанҚазақстан
Статусы	Кенттік әкімдік орталығы
Облысы	Павлодар
Ауданы	Баянауыл
Кенттік әкімдігі	Майқайың
Тарихы мен географиясы
Координаттары	51°27′20″ с. е. 75°47′54″ ш. б. / 51.45556° с. е. 75.79833° ш. б. / 51.45556; 75.79833 (G) (O) (Я)Координаттар: 51°27′20″ с. е. 75°47′54″ ш. б. / 51.45556° с. е. 75.79833° ш. б. / 51.45556; 75.79833 (G) (O) (Я)
Құрылған уақыты	1915
Уақыт белдеуі	UTC+5:00
Тұрғындары
Тұрғыны	▼7459 адам (2021)
Сандық идентификаторлары
Автомобиль коды	14
Майқайың Майқайың
Майқайың шекарасы

Майқайың — Павлодар облысы Баянауыл ауданындағы кент (1937 жылдан), Майқайың кенттік әкімдігі орталығы.

Аудан орталығы – Баянауыл ауылынан солтүстікке қарай 72 км-дей жерде, құрғақ дала белдемінде орналасқан.

Іргесі 1915 жылы ағылшын концессионерлік қоғамының осы маңдағы полиметалл кені өндіруіне байланысты қаланған. Кеңес өкіметі жылдарында полиметалл кенін игеру кеңінен қолға алынып, “Майқайың алтыны” деп аталатын комбинаты салынды. Қазіргі Майқайың қазақ полиметалл кентасын өндіру мен байытудың маңызды орталығы және ол Майқайың алтын АҚ-ның иелігінде. Құрамында ашық кеніш пен байыту фабрикасы, дизелдік электр станциясы бар. Ол Екібастұз ГРЭС-інің электр беру желісімен байланысқан. Мұнда мыстың, қорғасынның, мырыштың, алтынның және күмістің концентраттары шығарылады. Олардан басқа республикадағы лак-бояу заттарына арналған шикізат есебінде барит кені өндіріледі.

Басқа өнеркәсіп орындарынан Майқайыңда нан зауыты, лимонад цехы, қабырғалық құрылыс материалдар блоктары зауыты, машина жөндеу шеберханасы, автобаза, мұнай базасы бар.

Білім беру мен денсаулық сақтау мекемелерінен 2 орта, 1 орталау мектеп, 2 балалар бақшасы, кеншілер клубы, кинотеатр, 3 кітапхана, аурухана, санэпидстанция, бірнеше дәріханалар жұмыс істейді. Ауыз су және техникалық сулармен Ертіс-Қарағанды каналынан тартылған су құбыры мен ұңғымалар арқылы қамтамасыздандырылады. Майқайың арқылы Павлодар-Шымкент мұнай құбыры өтеді.