Златан Ибрагимович

	Златан Ибрагимович
Жалпы мағлұмат
Лақап аттары	Ибра, Ибракадабра
Туған күні	3 қазан 1981 (43 жас)
Туған жері	Мальмё, Швеция
Азаматтығы	Швеция
Бойы	195 см
Салмағы	95 кг
Позиция	шабуылшы
Жастар клубы
Жастар клубы
1987—1991	Мальмё BI
1989—1995	FBK Balkan
1995—1999	Мальмё
Клуб карьерасы
Ұлттық құрамы
	↑ Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады. ; ↑ Ресми матчтарда ұлттық құрамда болған ойындары мен голдар саны. ;
	Бұл үлгіні: көру • талқылау • өңдеу

Златан Ибрагимович (босн. Zlatan Ibrahimović; 1981 жылы 3 қазанда туған, Мальме, Швеция) — бұрынғы швециялық футболшы, Швеция құрамасының шабуылшысы. Ол мансабында 570-тен астам гол соқты, оның ішінде клуб үшін 500-ден астам гол^[3] және соңғы төрт онжылдықтың әрқайсысында гол соққан^[4]^[5]. Өзінің мансабы үшін 31 олжаны жеңіп алды^[6].

Өмірбаяны

Әкесі Шефик – босниялық мұсылман болса, шешесі Юрка – босниялық хорват қызы. Сол кездегі саяси жағдайларға байланысты олар Швецияда кездесіп, үйленген. 8 жасында Златан Балқан түбегінің өкілдерініен құрылған «Балкан» деген жастар футбол командасына алынады. Бірде оны үлкендер командасына ауыстырған соң, бір ойында бапкер оны негізгі құрамға шығармай қояды. Бірінші тайм аяқталғанда балкандықтар 0:4 есебімен ұтылып жатады. Екінші кезеңде алаңға жұлқынып шыққан Ибрагимович бірінің артынан бірін 8 гол соғады. Сөйтіп қорытынды есепте оның командасы 8:4 есебімен жеңіске жетеді.

«Мальме»

1995-98 жылдары Златан «Мальменің» жастар командасына алынды. Ал 1999-жылы негізгі командада тұсаукесер жасады. Сол алғашқы жылы ол 6 ойында алаңға шығып бір доптың авторы атанады. Дәл осы жылы «Мальме» 63 жылдан соң бірінші лигадан шығып қалады. 2000-жылы ол 12 гол ұрып, командасының жоғарғы лигаға қайта оралуына үлкен көмек көрсетеді. Жақсы ойынымен көзге түскен Златанды «Арсеналдың» бапкері Арсен Венгер бірдін өзіне шақырады. Бірақ тағы да жарты жыл Швецияда жүре тұрған Ибрагимович түбінде «Аякске» ауысады. Трансфер құны 7,8 миллион долларды құрады. Ондай ақша Швецияның деңгейінде ең қымбатқа саналатын.

«Аякс»

Голландияға келісімен Златан ойын тәжірибесіз қалды. Бас бапкер Ко Адриансе оны негізгі құрамға көп шығара бермеді. Бірақ ұзақ өтпей Адриансе өз орнынан босап, қызметін Рональд Куманға тапсырды. Куман Златтанның бойынан шабуылшылық талант көре білген болуы керек, әр матч сайын оны негізгі сапқа қоятын болды. 2001/02-жылғы маусымда «Аякс» Голландия чемпионы атанады.

Келер жылы Ибрагимович өзін Еуропаға толықтай таныстырды. Чемпиондар лигасындағы «Лионға» қарсы өткізген алғашқы кездесуінде ол 2 гол ұрады. Жалпы сол жылы Еуропаның басты клубтың турнирінде «Аякс» ¼ финалға дейін жетеді. Онда олар болашақ чемпион «Миланға» жол береді. Ал чемпионатта «ПСВ-дан» ұпай санынан кемдеу қалып, екінші орынға табан тірейді.

2003/04-жылы «Аякс» қайта чемпион болады. Бірақ Чемпиондар лигасында топтық кезеңнен ары аса алмайды. 2004 жылдың 22 тамыз күні ол «Бреда» қақпасына ғаламат гол ұрады. Кейіннен оны «Еуроспорт» арнасының көрермендері жылдың ең үздік голы деп анықтайды. Трансферлік терезенің ең соңғы күні, 31 тамызда ол 19 миллион долларға «Ювентусқа» ауысады.

«Аяксте» өткізген үш жыл оған екі чемпиондық атақ, бір кубок, 38 соғылған гол және Швеция ұлттық құрамасынан орын әпереді.

«Ювентус»

Алғашқыда ол тағы да туриндік клубтың қосалқы құрамында жүрді. Көп ойынды қосалқылар орындығынан көрді. Бірақ сол жылды ол 16 голмен аяқтады. Жаман емес. Ал келер жылы ол «Ювентус» жанкүйерлерінің ойынша команданың үздік футболшысы деген атаққа қол жеткізеді. Сондай-ақ ол Швецияның «Алтын доп» сыйлығын да жеңіп алады. Туриндік әріптестерінің қойған лақап аты бойынша «Сыған» 70 кездесуде 23 доп соғыпты. Кейін сыбайлас-жемқорлыққа жол берді деген айыппен «Юентустен» чемпиондық атақ алынып тасталды. Және клуб екінші дивизионға түсірілді. Онда ойнағысы келмеген Ибрагимович 2006 жылды «Интер» сапында бастады. Трансферлік құны – 24,8 миллион доллар.

«Интер»

2006-жылдың 10 тамызынан бері Златан «Интер» сапында өнер көрсетіп келді. Ол 2007,2008,2009-жылдардың чемпионы атанды және 2008/09-жылғы маусымның үздік бомбардирі деп танылды. Сондай-ақ ол осы кездері ең үлкен жалақы алды – 12 миллион жылына.

«Барселона»

27 маусым күні (2009-жылдың) Ибрагимович «Барселонамен» бес жылға келісімшартқа отырды. Миланның «Интері» шабуылшы үшін 46 милион доллар мен 20 миллионға бағаланған Самуэль Это,Оны алды.

Ол келмей жатып «Барса» тарихындағы екі рекордты жаңартты. Бірінші ол – клубтың ең көп ақшаға сатып алған ойыншысы. Екінші – оның команда жанкүйерлеріне таныстыру салтанатына 62 мың көрермен келген.

2009/10-жылғы маусымның алғашқы турында Златан «Хихон» қақпасына гол соқты. Бұл сұрмергеннің «Барселона» сапында соққан тұсаукесер добы еді. Одан кейін де швед алған бетінен қайтпады. Бірінің артынан бірін 5 тур қатарынан ол қарсыластар қақапасын нысанаға дәл алып отырды.

Ұлттық құрама

2002-жылғы Әлем біріншілігінде Златан ұлттық құрама сапында небәрі 7 минут өнер көрсетті. Ол матч Аргентинаға қарсы өткен кездесу. Ал Еуро-2004-те Швецияның шабуыл өтін Ибрагимовичсіз көзге елестету қиын еді. Топтық кезеңдегі Италияға аяғының сырт жағымен соққан керемет добы командасын ¼ финалға алып шыққан-тын. Онда шведтерге Голландия қарсылас болып барлығы ойын соңындағы пенальтиден шешілді. Өз кезегінде 11-метрлікті аспанға тепкен Златан, командасымен бірге турнирмен қош айтысты. 2006-жылғы әлем біріншілігінде Златан гол ұрмады. Соның салдарынан Швеция 1/8 финалдан қайтты. 2008-дің Еуропа кубогы алдында «Сыған» тізесін жарақаттап алды. Бірақ сонда да алаңға шыққан ол гректер мен испандардың қақпаларына екі гол ұрып кетті. Ибрагимович қазіргі күннің өзінде де ұлттық құраманың негізгі ойыншысы саналады.

Жетістіктері

Командалық

«Аякс»

Нидерланд чемпионы (2): 2001/02, 2003/04
Нидерланд кубогы: 2001/02
Нидерланд суперкубогы: 2003

«Интернационале»

Италия чемпионы (3): 2006/07, 2007/08, 2008/09
Италия суперкубогы (2): 2006, 2008

«Барселона»

Испания чемпионы: 2009/10
Испания суперкубогы (2): 2009, 2010
УЕФА суперкубогы: 2009
Клубтар әлем чемпионаты: 2009

«Милан»

Италия кубогы: 2010/11
Италлия суперкубогы: 2011

«Пари Сен-Жермен»

Франция чемпионы (4): 2012/13, 2013/14, 2014/15, 2015/16
Франция кубогы (2): 2014/15, 2015/16
Лига кубогы (3): 2013/14, 2014/15, 2015/16
Франция суперкубогы (3): 2013, 2014, 2015

«Манчестер Юнайтед»

Лига кубогы: 2016/17
Англия кубогы: 2016
УЕФА Еуроопа лигасы: 2016/17

Жеке

Италия чемпионатының үздік мергені (2): 2008/09, 2011/2012
Франция чемпионатының үздік мергені (3): 2012/2013, 2013/2014, 2015/2016
Швециядағы жыл футболшысы (11): 2005, 2007, 2008, 2009, 2010, 2011, 2012, 2013, 2014, 2015, 2016
Италия чемпионатының үздік футболшысы (3): 2007, 2008, 2010
Франция чемпионатының үздік футболшысы (3): 2012/2013, 2013/2014, 2015/2016
Чемпиондар лигасының үздік асистенті: 2012/2013
Швеция чемпионаты тарихындағы үздік мерген: 62 гол
Ференц Пушкаш сыйлығының иегері: 2013

Дереккөздер

↑ Goal.com сайтындағы профилі
↑ ^a ^b Zlatan Ibrahimovic (итал.). AC Milan.
↑ 500 Club Goals for Ibrahimovic! (7 February 2021).
↑ Zlatan Ibrahimovic: LA Galaxy striker scores 500th career goal with spinning volley, BBC Sport (17 September 2018).
↑ Four different decades – Zlatan hits scoring landmark.
↑ After Zlatan Ibrahimovic's 32nd trophy win, who are the most decorated players in football?, The Daily Telegraph (27 February 2017).

[club-3] Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.

[national-4] Ресми матчтарда ұлттық құрамда болған ойындары мен голдар саны.

[1] Goal.com сайтындағы профилі

[acmilan-2] Zlatan Ibrahimovic (итал.). AC Milan.

[5] 500 Club Goals for Ibrahimovic! (7 February 2021).

[D500-6] Zlatan Ibrahimovic: LA Galaxy striker scores 500th career goal with spinning volley, BBC Sport (17 September 2018).

[four_decades-7] Four different decades – Zlatan hits scoring landmark.

[8] After Zlatan Ibrahimovic's 32nd trophy win, who are the most decorated players in football?, The Daily Telegraph (27 February 2017).

[1]