უნგრული ფორინტი

უნგრული ფორინტი უნგრ. forint
20 000 უნგრული ფორინტი
კოდი ISO 4217	HUF
ქვეყანა	უნგრეთი
ოფიციალური მომხმარებლები	უნგრეთი
შედგება	100 ფილერი
სიმბოლო	ƒ • Ft • F
მონეტები	5, 10, 20, 50, 100, 200 ფორინტი;
ბანკნოტები	500, 1000, 2000, 5000, 10 000, 20 000 ფორინტი;
ცენტრალური ბანკი	უნგრეთის ეროვნული ბანკი
საიტი	[3]
გაცვლითი კურსი (2011 15 თებერვალი თვის)
1 USD	= 197,90 HUF
1 EUR	= 269,68 HUF
1 GBP	= 319,99 HUF

უნგრული ფორინტი (უნგრ. forint) — ფულის ერთეული უნგრეთში.

• 1 უნგრული ფორინტი შედგება 100 ფილერისგან;
• კოდი ISO 4217 — HUF;
• გრაფიკული სიმბოლო — ƒ • Ft • F;
• ამჟამად მიმოქცევაშია ბანკნოტები ნომინალით: 500, 1000, 2000, 5000, 10 000, 20 000 ფორინტი;
• მონეტები ნომინალით: 5, 10, 20, 50, 100, 200 ფორინტი;

შუა საუკუნეების ევროპული ვაჭრობის ერთ-ერთი ყველაზე მსხვილი ცენტრი ფლორენცია იყო. სწორედ აქ იჭრებოდა დიდი რაოდენობით ოქროს მონეტები და სწორედ ამ ქალაქის სახელს უკავშირდება თანამედროვე უნგრეთის ფულის ერთეულის, ფორინტის სახელწოდებაც. 1252 წლიდან ფლორენციაში მოჭრილ ოქროებს «Florino d’oro» ეწოდებოდა, რაც მოგვიანებით უნგრეთშიც გავრცელდა და უნგრულ ოქროს ვალუტას “ფლორენტინუსი” ეწოდა. აღნიშნულმა სახელმა თანდათან სახეცვლილება განიცადა და თანამედროვე ჟღერადობა - ფორინტი მიიღო. XIX საუკუნის მეორე ნახევარში ამ სახელწოდებით ავსტრია-უნგრეთის იმპერიის ვალუტა გამოდიოდა. მას ხშირად ავსტრო-უნგრულ გულდენს ან ავსტრიულ ფლორინსაც უწოდებდნენ.

ფორინტი 1946 წლის 18 აგვისტოს უნგრეთის კომუნისტური პარტიის ინიციატივით აღადგინეს, რომელიც აღნიშნულ პერიოდში მინისტრთა კაბინეტს აკონტროლებდა. ფორინტის ხელახალ შემოღებამდე უნგრეთის ვალუტას პენგო ერქვა, რომელიც ფორინტზე ასტრონომიული კურსით გაიცვალა. გაცვლითი კურსი პრაქტიკულად წარმოსახვითი იყო, რადგან მისი მიხედვით 1 ფორინტი მანამდე მიმოქცევაში არსებული ფულის ანუ პენგოს სრულ მოცულობაზე მეტი იყო.

ხელახლა გამოჩენის შემდეგ, ფორინტი გარკვეული პერიოდი სტაბილურობას ინარჩუნებდა, თუმცა შემდეგ, სოციალისტური სახელმწიფო სისტემის ეფექტურობის დაცემასთან ერთად, საკუთარი მსყიდველობითი უნარის კარგვა დაიწყო. 80-იანი წლების ბოლოს დემოკრატიული გარდაქმნების პარალელურად, ფორინტი ინფლაციის საკმაოდ მაღალი ნიშნულით 35 %-ით გამოირჩეოდა, რის გამოც ფაქტობრივად ხმარებიდან გაქრა ფორინტის მონეტები. თუმცა მძიმე ეკონომიკური სიტუაციის გაუმჯობესება მაინც მოხერხდა საბაზრო ეკონომიკის კუთხით გადადგმული მკვეთრი ნაბიჯების ხარჯზე.

2012 - 2014 წლებს შორის ქვეყანაში ეკონუმიკური სიტუაციის მიხედვით ფორინტი შეიძლება შეიცვალოს ევროთი. 2008 წლის 26 თებერვლიდან ფორინტი მიბმულია ევროზე.

1946 წელს მიმოქცევაში შევიდა მონეტები ნომინალით 2, 10, 20 ფილერი და 1, 2, 5 ფორინტი. 5 ფრინტიანი ვერცხლის მონეტა მიმქცევაში შევიდა მხოლოდ მომდევნო წელს, მაგრამ მოგვიანებით ის მიმოქცევიდან ამოიღეს. 5 და 50 ფილერი 1948 წელს გამოუშვეს. 1967 წელს 5 ფრინტიანი მონეტა აღადგინეს, შემდეგ 1971 წელს გამოუშვეს 10 ფორინტიანი მონეტა, 1982 წელს კი 20 ფორინტი.

1992 წელს მიმოქცევაში შევიდა მონეტების ახალი სერია ნომინალით: 2, 5, 10, 20, 50 ფილერი და 1, 2, 5, 10, 20, 50, 100 ფორინტი, ასევე 200 და 500 ფორინტი, რომელიც იჭრებოდა ვერცხლისგან. 1992 წელს შეწყდა 2 და 5 ფილერის გამოშვება, ხოლო 1999 წლიდან ფილერი მიმოქცევიდან ამოიღეს.

1998 წელს ვერცხლის 200 და 500 ფორინტის გამოშვება შეწყდა (იმის გამო, რომ მათი ნომინალური ღირებულება საკმაოდ დაბალი იყო ძვირფასი ლითონის ღირებულებასთან შედარებით). მონეტები 1 და 2 ფორინტი მიმოქცევაში იმყოფებოდა 2008 წლის 29 თებერვლამდე^[1] 2009 წლის 15 ივნისს ახალი მონეტამ 200 ფორინტის ნომინალით შეცვალა იმავე ნომინალის ბანკნოტი.

1946 წელს უნგრეთის ეროვნულმა ბანკმა (Magyar Nemzeti Bank) გამოუშვა ბანკნოტები 10 და 100 ფორინტი. უფრო მაღალი ხარისხის ბანკნოტების ახალი სერია (10, 20 და 100 ფორინტი) მიმოქცევაში შევიდა 1947 - 1948 წლებში. 1953 წელს დაემატა 50 ფორინტიანი ბანკნოტი, 1970 წელს 500 ფორინტი, 1983 წელს 1000 ფორინტი და 1991 წელს 5000 ფორინტი.

1997 წელს მიმოქცევაში შევიდა სრულიად ახალი დიზაინის ბანკნოტების სერია ნომინალით: 200, 500, 1000, 2000, 5000, 10 000 და 20 000 ფორინტი. ყოველ ბანკნოტის ავერსზე გამოსახულია უნგრელი ლიდერები ან პოლიტიკოსები, ხოლო რევერსზე მასთან დაკავშირებული ადგილი ან ღონისძიებები. არცერთ ბანკნოტზე არ არის ჭვირნიშანი, მაგრამ ჩაშენებული არის უსაფრთხოების ვერტიკალური ხაზი. 1000, 5000, 10 000 და 20 000 ფორინტი დაცულია ჰოლოგრაფიული დამცავი ფენით, რომლის საერთო ზომა 154 × 70 მმ შეადგენს. ბანკნოტები იბეჭდება უნგრეთში ქალაქ ბუდაპეშტში «Hungarian Banknote Printing Shareholding Company»^[2] მიერ.

ამჟამად მიმოქცევაში არსებული ბანკნოტები
სურათი		ნომინალი	ფერი	გამოშვების თარიღი
ავერსი	რევერსი
		500	ნარინჯისფერი	1 დეკემბერი 1998
		1000	ცისფერი	10 აპრილი 2006
		2000	ყავისფერი	1 თებერვალი 1998
		5000	იასამნისფერი, მწვანე	1 აპრილი 1999
		10 000	წითელი	1 ივლისი 1997
		20 000	ნაცრისფერი	1 თებერვალი 2001

მოქმედი სამახსოვრო ბანკნოტები
სურათი		ნომინალი	ზომა	ფერი	Description			თარიღი
ავერსი	რევერსი				ავერსი	რევერსი	ღონისძიება	დაბეჭდვის თარიღი	გამოშვების თარიღი
		500 ფორინტი	154 × 70 მმ	ნარინჯისფერი	ფერენც რაკოზი II	უნგრეთის პარლამენტის შენობა და 1956 წლის აჯანყების დროშა	1956 წელს უნგრეთის აჯანყების 50 წლის თავი	2006	20 ოქტომბერი 2006
		1000 ფორინტი	154 × 70 მმ	ცისფერი	მეფე მათიაშ I	ჰერკულესის შადრევანი ვიშეგრადის სასახლეში.	მილენიუმი	2000	1 ნოემბერი 2000
		2000 ფორინტი	154 × 70 მმ	ყავისფერი	წმინდა იშტვანის გვირგვინი	ძულა ბენცური სურათი: «იშტვან I»	მილენიუმი უნგრეთის ისტორია	20 აგვისტო 2000	20 აგვისტო 2000

მსოფლიოს ვალუტები

• უნგრეთის ეროვნული ბანკი
• უნგრული ბანკნოტების კატალოგი დაარქივებული 2013-03-30 საიტზე Wayback Machine.
• უნგრული მონეტების კატალოგი

ხ • გ • რ ევროპის ვალუტები ევროზონა : ევრო ჩრდილოეთი ევროპა : დანიური კრონი, : (ფარერის კუნძულების კრონი), : ისლანდიური კრონი, : შვედური კრონი, : ნორვეგიული კრონი; დიდი ბრიტანეთი : გირვანქა სტერლინგი, (: გერნსული გირვანქა, : ჯერსული გირვანქა, : მენური გირვანქა, : შოტლანდიური გირვანქა); ცენტრალური ევროპა : უნგრული ფორინტი, : ზლოტი, : ჩეხური კრონა, : შვეიცარიული ფრანკი, : ლიხტენშტაინური ფრანკი; აღმოსავლეთი ევროპა : ბელარუსული რუბლი, : ყაზახური ტენგე, : მოლდავური ლეი, : რუსული რუბლი, : გრივნა; ბალკანეთის ნახევარკუნძული : ალბანური ლეკი, : ბულგარული ლევი, : მაკედონიური დენარი, : კონვერტირებადი მარკა, : რუმინული ლეი, : სერბული დინარი, : ხორვატული კუნა; ხმელთაშუა ზღვა : გიბრალტარული გირვანქა, : თურქული ლირა; კავკასია : აზერბაიჯანული მანათი, : ლარი, : სომხური დრამი;