სუონსი სიტი (საფეხბურთო კლუბი)

სუონსი სიტი
Swansea City

სრული სახელი	Swansea City Association Football Club
მეტსახელი	The Swans (გედები)
დაარსდა	1912 (როგორც „სუონსი თაუნი“)
სტადიონი	ლიბერთი სთედიუმი სუონსი, უელსი (ტევადობა: 21,008)
პრეზიდენტი	ჰიუ ჯენკინსი
მწვრთნელი	პოლ კლემენტი
კაპიტანი	ლეონ ბრიტონი
ლიგა	პრემიერლიგა
2016-17	მე-15 ადგილი
ძირითადი ფორმა რეზერვის ფორმა მესამე ფორმა

საფეხბურთო კლუბი „სუონსი სიტი“ (უელს. Clwb Pêl-droed Dinas Abertawe) — უელსური პროფესიონალური საფეხბურთო კლუბი, ქალაქ სუონსიდან, რომელიც პრემიერლიგაში თამაშობს. გუნდი საშინაო მატჩებს ლიბერთი სთედიუმზე მართავს.

კლუბი დაარსდა 1912 წელს, როგორც „სუონსი თაუნი“ და საფეხბურთო ლიგას 1921 წელს შეუერთდა. 1969 წელს კლუბმა სახელი შეიცვალა და „სუონსი სიტი“ გახდა, რადგან ქალაქ სუონსის ქალაქის სტატუსი მიენიჭა.^[1] გუნდი 1981 წელს ინგლისის პირველ დივიზიონში აღზევდა. შემდეგ სეზონში გუნდს ჩემპიონის ტიტულის მოგება შეეძლო, თუმცა მხოლოდ მეექვსე ადგილს დასჯერდა, რაც დღემდე კლუბის რეკორდია. სეზონის შემდეგ გუნდი კვლავ ქვედა ლიგაში დაქვეითდა, რამდენიმე წელში კი მეოთხე დივიზიონში აღმოჩნდა. 2003 წელს „სუონსი სიტი“ კინაღამ ინგლისის კონფერენციაში გავარდა. 2005 წელს სუონსის მაშინდელი მოედანი, „ვეჩ ფილდი“ დაიხურა და გუნდი „ლიბერთი სთედიუმზე“ გადავიდა. სუონსი სიტის მხარდამჭერთა საზოგადოება გუნდის აქციების 20%-ს ფლობს.

2013 წლის 24 თებერვალს, „სუონსიმ“ 2012-2013 წლების ლიგის თასის ფინალში „ბრედფორდი“ დაამარცხა, ანგარიშით 5-0. მოიგო ისტორიაში პირველი სერიოზული ტიტული და 2013-2014 წლების ევროპის ლიგაზე მოახერხა გასვლა.^[2] თასმა „სუონსი სიტი“ ერთადერთ უელსურ კლუბად აქცია, რომელიც ამ ტურნირზე გავიდა და მეორე უელსურ კლუბად, რომელსაც ევროტურნირებზე უთამაშიათ.

„სუონსი სიტის“ მთავარი მეტოქე „კარდიფ სიტია“. ეს შეხვედრა აღიარებულია, როგორც ბრიტანეთის ყველაზე მტრული დაპირისპირება^[3]. და მას მეორენაირად სამხრეთ უელსის დერბისაც ეძახიან. ხშირად ორივე გუნდის ფანებისთვის ყველაზე დასამახსოვრებელი მატჩი სეზონში სწორედ ეს შეხვედრაა ხოლმე. „სუონსის“ შედარებით სუსტი მეტოქეობა აკავშირებს „ბრისტოლ სიტისთან“, „ბრისტოლ როვერსთან“ და „ნიუპორტთან“. თუმცა „სუონსი“ „ნიუპორტს“ ძალიან იშვიათად ხვდება, რადგან გუნდებს ოთხი დივიზიონი აშორებს. მათი დაპირისპირების შესუსტების კიდე ერთი მიზეზი არის ის, რომ ორივე გუნდს საერთო მეტოქე, „კარდიფ სიტი“ ჰყავს.

სამხრეთ უელსურ დერბიში, დღემდე სუონსიმ 20 მატჩში იმარჯვა. „კარდიფს“ 18 გამარჯვება აქვს, 16 მატჩი კი ფრედ დასრულდა.

შენიშვნა: დროშა აღნიშნავს ეროვნულ ნაკრებს რომელიც განსაზღვრულია ფიფა-ს წესებით. მოთამაშეები შესაძლოა რამდენიმე ფიფა-ს არაწევრ ქვეყანას/ტერიტორიას მიეკუთვნებოდნენ.

№ პოზიცია ქვეყანა მოთამაშე 1 მეკარე  პოლონეთი ლუკაშ ფაბიანსკი 2 მცველი  ესპანეთი ჟორდი ამატი 3 თავდამსხმელი  განა ჯორდან აიუ 4 ნახევარმცველი  სამხრეთი კორეა კი სონ იონი 5 მცველი  ნიდერლანდები მაიკ ვან დერ ჰორნი 6 მცველი  ინგლისი ელფი მოუსონი 7 ნახევარმცველი  ინგლისი ლეონ ბრიტონი 8 ნახევარმცველი  ნიდერლანდები ლეროი ფერი 9 თავდამსხმელი  ესპანეთი ფერნანდო ლიორენტე 10 თავდამსხმელი  ესპანეთი ბორხა ბასტონი 12 ნახევარმცველი  ინგლისი ნეითან დაიერი 13 მეკარე  შვედეთი კრისტოფერ ნორდფელდტი 15 ნახევარმცველი  ინგლისი უეინ რუტლეჯი 16 მცველი  შვედეთი მარტინ ულსონი

№ პოზიცია ქვეყანა მოთამაშე 19 მეკარე  ავსტრალია მარკ ბირიგიტი (კაპიტანი) 20 ნახევარმცველი  ეკვადორი ჯეფერსონ მონტერო 22 მცველი  ესპანეთი ანხელ რანხელი 23 თავდამსხმელი  ისლანდია გილფი სიგურდსონი 24 ნახევარმცველი  ინგლისი ჯეკ კორკი 25 მეკარე  გერმანია გერჰარდ ტრემელი 26 ნახევარმცველი  ინგლისი კაილ ნოტონი 28 ნახევარმცველი  ნიდერლანდები ლუჩანო ნარსინგი 33 მცველი  არგენტინა ფედერიკო ფერნანდესი 35 მცველი  შოტლანდია სტივენ კინგსლი 42 ნახევარმცველი  ინგლისი ტომ ჯეროლი 56 ნახევარმცველი  შოტლანდია ჯეი ფულტონი 62 თავდამსხმელი  შოტლანდია ოლივერ მაკბერნი

ანგარიშის ყველა გრაფაში პირველი წერია „სუონსის“ გატანილი გოლების რაოდენობა.

სეზონი	ტურნირი	ეტაპი	მოწინააღმდეგე	შინ	გასვლითი	ჯამში	სქოლიო
1961–62	თასების მფლობელთა თასი	შესარჩევი ეტაპი	მოტორი იენა	2–2	1–5	3–7	[4]
1966-67	თასების მფლობელთა თასი	პირველი ეტაპი	სლავია სოფია	1–1	0–4	1–5	[5]
1981-82	თასების მფლობელთა თასი	პირველი ეტაპი	ლოკომოტივი ლაიპციგი	0–1	1–2	1–3	[6]
1982-83	თასების მფლობელთა თასი	შესარჩევი ეტაპი	ბრაგა	3–0	0–1	3–1	[7]
		პირველი ეტაპი	სლიემა უონდერერსი	12–0	5–0	17–0	[8]
		მეორე ეტაპი	პარი სენ-ჟერმენი	0–1	0–2	0–3	[9]
1983-84	თასების მფლობელთა თასი	შესარჩევი ეტაპი	მაგდებურგი	1–1	0–1	1–2	[10]
1989-90	თასების მფლობელთა თასი	პირველი ეტაპი	პანათინაიკოსი	2–3	3–3	5–6	[11]
1991-92	თასების მფლობელთა თასი	პირველი ეტაპი	მონაკო	1–2	0–8	1–10	[12]
2013-14	უეფა-ს ევროპის ლიგა	მე-3 საკვალიფიკაციო ეტაპი	მალმე	4–0	0–0	4–0	[13]
		პლეი-ოფი	პეტროლული	5–1	1–2	6–3	[14]
		ჯგუფური ეტაპი	კუბანი კრასნოდარი	1–1	1–1	მე-2 ადგილი	[15]
			სანქტ-გალენი	1–0	0–1		[15]
			ვალენსია	0–1	3–0		[15]
		1/32 ეტაპი	ნაპოლი	0–0	1–3	1–3	[16]

• ოფიციალური საიტი
• სუონსი სიტი Twitter-ზე
• კლუბის პროფილი Soccerway-ზე
• კლუბის პროფილი Transfermarket-ზე
• სუონსი სიტი, პლეი-ოფების რეოკრდი დაარქივებული 2012-04-24 საიტზე Wayback Machine.