ზაზა აბაშიძე
ზაზა (ზაალ) აბაშიძე (დ. 28 ნოემბერი, 1957, თბილისი, საქართველო) — ქართველი ისტორიკოსი, საქართველოს ეროვნული ბიბლიოთეკის ყოფილი დირექტორი, საეკლესიო-საენციკლოპედიო ცენტრის გამგეობის თავმჯდომარე; ხელნაწერთა ეროვნული ცენტრის ხელმძღვანელი.
| ზაზა აბაშიძე | |
|---|---|
| დაბადების თარიღი |
28 ნოემბერი, 1957 თბილისი, საქართველო |
| მოქალაქეობა |
 საქართველო |
| პროფესია | ისტორიკოსი |
| მშობლები | მამა: დოდო აბაშიძე |
| ჯილდოები | ისტორიის მეცნიერებათა კანდიდატი, დოცენტი |
ბიოგრაფია
რედაქტირება1979 წელს დაამთავრა თბილისის სახელმწიფო უნივერსიტეტის ისტორიის ფაკულტეტი; 1975 წელს მოსკოვის სახელმწიფო ისტორია-არქივმცოდნეობის ინსტიტუტის ისტორია-არქივმცოდნეობის ფაკულტეტი. ისტორიის მეცნიერებათა კანდიდატი, დოცენტი. მსახიობ დოდო აბაშიძის შვილი.
1980-1981 წწ. მუშაობდა თბილისის სახელმწიფო უნივერსიტეტის ისტორიის კათედრის ლაბორანტად. 1981-1983 წწ. ამავე უნივერსიტეტის ტოპონიმიკის ცენტრის უმცროს მეცნიერ-თანამშრომლად; 1983-1991 წწ. საქართველოს ისტორიის კათედრის უმცროს მეცნიერ-თანამშრომლად; 1991-2001 წწ. საქართველოს ისტორიის კათედრის მასწავლებლად; 1993-1995 წწ. მუშაობდა საქართველოს საგარეო საქმეთა სამინისტროში სახვადასხვა თანამდებობებზე. 1997-1988 წწ. გაიარა სტაჟირება ოქსფორდის უნივერსიტეტში რელიგიის მცოდნეობის სპეციალობით, ხოლო 2000 წ. რეგენსბურგის აღმოსავლეთის ეკლესიათა ინსტიტუტში აღმოსავლეთის ეკლესიათა ისტორიის სპეციალობით. 2001-2005 წწ. თსუ-ს საქართველოს ისტორიის კათედრის დოცენტი. 2005-2006 წწ. საქართველოს პარლამენტის ეროვნული ბიბლიოთეკის გენერალურ დირექტორი. 2007 წ. საქართველოს ეროვნული არქივის თავმჯდომარის მრჩევლი. 2006 წლიდან დღემდე არის საქართველოს საპატრიარქოს საეკლესიო-საენციკლოპედიო ცენტრის ხელმძღვანელი. 2009 წლიდან დღემდე მუშაობს საქართველოს საპატრიარქოს წმ. ანდრიას სახელობის ქართული უნივერსიტეტის საეკლესიო ისტორიისა და სამართლის სამაგისტრო პროგრამის ხელმძღვანელად. არის სრული პროფესორი. გამოქვეყნებული აქვს 30 სამეცნიერო ნაშრომი.