Tíbet

Tíbet (kínverska: 西藏; rómönskun: Xīzàng Zìzhìqū) er land í Asíu eða sjálfstjórnarhérað í Kína (eftir því hvernig er á það litið). Vegna þess hve landið liggur óvenjulega hátt yfir sjávarmáli er það oft kallað þak heimsins en Tíbeska hásléttan sem er í um 4500 metra hæð nær yfir megnið af landinu. Höfuðborg Tíbet er Lasa. Í Tíbet hallast íbúarnir að tíbeskum búddisma. Samkvæmt manntali Kína frá árinu 2020 voru íbúar 3,6 milljónir.