Ֆրանսուա Ժիրարդոն
| Ֆրանսուա Ժիրարդոն ֆր.՝ François Girardon | |
|---|---|
 | |
| Ծնվել է | մարտի 17, 1628[1][2][3][…] |
| Ծննդավայր | Տրուա, Շամպան — Արդեն[4] |
| Մահացել է | սեպտեմբերի 1, 1715[1][3][5][…] (87 տարեկան) |
| Վախճանի վայրը | Փարիզ[4] |
| Քաղաքացիություն |  Ֆրանսիա |
| Ուսուցիչ | François Anguier? |
| Ստեղծագործություն(ներ) | Bassin de la Pyramide (Park of Versailles)?, Bassin Plat fond? և Bassin de Saturne, ou de l'Hiver? |
| Ոճ | կլասիցիզմ և բարոկկո |
| Մասնագիտություն | քանդակագործ և վիզուալ արտիստ |
| Ամուսին | Catherine Duchemin?[6] |
| Անդամություն | Գեղանկարի և քանդակի ակադեմիա |
 François Girardon Վիքիպահեստում | |
Ֆրանսուա Ժիրարդոն (ֆր.՝ François Girardon, մարտի 17, 1628[1][2][3][…], Տրուա, Շամպան — Արդեն[4] - սեպտեմբերի 1, 1715[1][3][5][…], Փարիզ[4]), ֆրանսիացի քանդակագործ։
Եղել է Լ. Մասկերի և Ֆրանսուա Անգեի աշակերտը։
Կենսագրություն
[խմբագրել | խմբագրել կոդը]
1648-1650 թվականներին ավարտել է նկարչական կրթությունը Հռոմում՝ Լորենցո Բերնինիի մոտ։ 1651 թվականին՝ Փարիզ վերադառնալուց հետո, ձեռք է բերել այդ ժամանակաշրջանի ֆրանսիական արվեստի ամենահզոր ներկայացուցիչներից մեկի՝ նկարիչ Շառլ լը Բրենի բարեհաճությունը, ինչի արդյունքում կարողացել է ստանալ բազմաթիվ նոր պատվերներ։
Ժիրարդոն պատվերները կատարում էր տեխնիկական մեծ վարպետությամբ և արտաքին ազդեցիկությամբ, սակայն առանց արտահայտչականության խորության, վերամբարձ, թատերական ոճով, որը գերիշխում էր Լյուդովիկ XIV-ի ժամանակաշրջանում։
Իտալիայից վերադառնալուց հետո նրա առաջին աշխատանքները գտնվում էին Վո լը Վիկոնտ ամրոցում։ 1663-1664 թվականներին Ժիրարդոնն իրականացրել է Լուվրի Ապոլլոնի պատկերասրահի քանդակագործական բաժնի աշխատանքները։
1666 թվականից սկսած՝ երկար ժամանակ աշխատել է Վերսալում։ Այստեղ են ստեղծվել քանդակների հետևյալ խմբերը՝ «Պրոզերպինայի առևանգումը Պլուտոյի կողմից» (1977), «Ապոլոնը և հավերժահարսերը» (1666-1673), «Լողացող հավերժահարսերը» (1675) ջրամբարի բարձրաքանդակը, «Պերսեփոնեի առևանգումը» (1677-1699), «Ֆրանսիայի հաղթանակը Իսպանիայի նկատմամբ» (1680-1682), «Ձմեռ» (1675-1683) քանդակը և այլն։
Ստեղծագործություն
[խմբագրել | խմբագրել կոդը]Քանդակագործի լավագույն աշխատանքներից է Լյուդովիկոս XIV-ի ձիու արձանը (1683), որը զարդարում էր Փարիզի Վանդոմի հրապարակը և ոչնչացվել է Ֆրանսիական հեղափոխության ժամանակ (1789-1799)։ Քանդակի բրոնզե փոքրացված տարբերակը պահպանվում է Լուվրում[7]։
Նշանավոր աշխատանքներից են նաև Ռիշելյե կարդինալի տապանքարի հուշարձանը (1675-1672), որն իրականացվել է Լեբրենի նկարի հիման վրա (Փարիզի Սորբոնա եկեղեցի), արքայադուստր Կոնտիի գերեզմանաքարը (մոտ 1672-1675), «Անխիզ և Էնեյ» խումբը և Լուվրի թանգարանի Ապոլոնի սրահի քանդակները։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 Jal A. Dictionnaire critique de biographie et d'histoire : errata et supplément pour tous les dictionnaires historiques d'après des documents authentiques inédits (ֆր.) — 1 — Paris: Plon, 1867. — P. 641.
- ↑ 3,0 3,1 3,2 3,3 3,4 François Girardon (նիդերլ.)
- ↑ 4,0 4,1 4,2 4,3 4,4 4,5 Жирардон Франсуа // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.
- ↑ 5,0 5,1 5,2 François Girardon — OUP, 2006. — ISBN 978-0-19-977378-7
- ↑ Jal A. Dictionnaire critique de biographie et d'histoire : errata et supplément pour tous les dictionnaires historiques d'après des documents authentiques inédits (ֆր.) — 1 — Paris: Plon, 1867. — P. 642.
- ↑ "Le Muse", De Agostini, Novara, 1965, vol.5 pag.285
Գրականություն
[խմբագրել | խմբագրել կոդը]- А. С—в. Жирардон, Франсуа // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1894. — Т. XII. — С. 9—10.
- Chisholm, Hugh, ed. (1911). "Girardon, François". Encyclopædia Britannica (11th ed.). Cambridge University Press.
 | Վիքիպահեստն ունի նյութեր, որոնք վերաբերում են «Ֆրանսուա Ժիրարդոն» հոդվածին։ |
| ||||||||||||||||
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 287)։ 
|