Օդրի Դալթոն
 անգլ.՝ Audrey Dalton | |
|---|---|
 | |
| Ծնվել է | հունվարի 21, 1934 (90 տարեկան) |
| Ծննդավայր | Դուբլին, Իռլանդական ազատ պետություն |
| Կրթություն | Դրամատիկական արվեստի թագավորական ակադեմիա (1952)[1] |
| Քաղաքացիություն |  Իռլանդիա և  ԱՄՆ |
| Մասնագիտություն | դերասանուհի և կինոդերասանուհի |
Օդրի Դալթոն (անգլ.՝ Audrey Dalton, հունվարի 21, 1934, Դուբլին, Իռլանդական ազատ պետություն), իռլանդացի դերասանուհի։ Ծնվել է Դուբլինում, Իռլանդիայի Հանրապետության հերոս Էմեթ Դալթոնի ընտանիքում։ Երբ ընտանիքը դեռ ապրում էր Իռլանդիայում, նա սովորել է Դուբլինի Սուրբ Սրտի վանքին կից դպրոցում, իսկ Լոնդոն տեղափոխվելուց հետո ընդունվել է Դրամատիկական արվեստի թագավորական ակադեմիա։
1952 թվականին դերասանուհին տեղափոխվել է ԱՄՆ[2], որտեղ մեկ տարի անց գաղտնի ամուսնացել է Կալիֆոռնիայի համալսարանի ուսանող և բեյսբոլիստ Ջեյմս Հ. Բրաունի հետ, որը հինգ երեխաների հայր է դարձել։ Նույն տարում առաջնելույթ է ունեցել «Իմ զարմիկ Ռեյչելը» մելոդրամում։ Մեկ տարի անց Օդրի Դալթոնը հայտնվել է «Տիտանիկ» աղետ-ֆիլմի գլխավոր դերերից մեկում, որն արժանացել է «Օսկար» մրցանակի լավագույն սցենարի համար։ Դրան հաջորդել են դերերը «Կազանովայի մեծ գիշերը» (1954 թվական), «Թմբուկի մարտը» (1954 թվական), «Անառակ որդին» (1955 թվական), «Առանձին սեղանների շուրջ» (1958 թվական) և «Պարոն ծաղրաբան» (1961 թվական) ֆիլմերում։
Դերասանուհին նաև ակտիվ կարիերա է ունեցել հեռուստատեսությունում, որտեղ նա հայտնվել է «Մեծ հովիտ», «Բոնանզա», «Կրաֆտի հեռուստաթատրոն», «Ծուխ փողից», «Փերի Մեյսոն» և «Կին ոստիկան» հեռուստասերիալներում։ 1977 թվականին Դալտոնը և Բրաունը ամուսնալուծվել են, 1979 թվականից մինչ օրս ամուսնացած է ինժեներ Ռոդ Ֆ. Սիմենսի հետ, ում հետ ամուսնացած է մինչև այժմ[3]։
Ծանոթագրություններ
[խմբագրել | խմբագրել կոդը]- ↑ Student & graduate profiles — Royal Academy of Dramatic Art.
- ↑ nndb.com
- ↑ «glamourgirlsofthesilverscreen.com». Արխիվացված է օրիգինալից 2017-12-01-ին. Վերցված է 2021-03-19-ին.
Արտաքին հղումներ
[խմբագրել | խմբագրել կոդը]- Одри Далтон (անգլ.) Internet Movie Database կայքում