Տոմաշ Սեմոնյակ

	Տոմաշ Սեմոնյակ
Կուսակցություն՝	Քաղաքացիական հարթակ, Liberal Democratic Congress? և Ազատության միություն
Կրթություն՝	Վարշավայի տնտեսության դպրոց և II Liceum Ogólnokształcące im. Hugona Kołłątaja w Wałbrzychu?
Մասնագիտություն՝	տնտեսագետ, քաղաքական գործիչ և մենեջեր
Ծննդյան օր	հուլիսի 2, 1967 (57 տարեկան)
Ծննդավայր	Վալբժիխ, Լեհաստան
Քաղաքացիություն	Լեհաստան
Պարգևներ	Honorary Medal for services to the Military Police? և honorary citizen of Gmina Mszana Dolna?
Tomasz Siemoniak

Տոմաշ Սեմոնյակ (լեհ.՝ Tomasz Siemoniak, հուլիսի 2, 1967(1967-07-02), Վալբժիխ, Լեհաստան^[1]), լեհ պետական և քաղաքական գործիչ։ Լեհաստանի ազգային պաշտպանության նախարար (2011-2015) և Լեհաստանի փոխվարչապետ 2014 թվականի սեպտեմբերից մինչև 2015 թվականի նոյեմբեր։

Կրթություն

Ավարտել է Վարշավայի տնտեսագիտության դպրոցի արտաքին առևտրի ֆակուլտետը, եղել է Դույսբուրգի համալսարանի կրթաթոշակառու^[1]։

Գործունեություն

Դեռ ուսման ընթացքում եղել է ուսանողների անկախ միության անդամ, Վարշավայի տնտեսագիտության դպրոց��ւմ ուսանողական կառույցի ղեկավար։ 1990-ական թվականներին հաջորդաբար անդամակցել է Լիբերալ-դեմոկրատական կոնգրեսին (KLD) և «Ազատության ունիային», այնուհետև՝ «Քաղաքացիական պլատֆորմ» կուսակցությանը։

1994-1996 թվականներին աշխատել է լեհական հեռուստատեսությունում, այդ թվում՝ որպես 1-ին ծրագրի տնօրեն։

1997 թվականին համակարգել է ԶԼՄ-ների աշխատանքը հասարակական գործերի ինստիտուտում։

1998-2000 թվականներին զբաղեցրել է ազգային պաշտպանության նախարարության մամուլի և տեղեկատվության դեպարտամենտի տնօրենի, այնուհետև՝ 2002 թվականին լեհական մամուլի գործակալության ղեկավարի տեղակալի պաշտոնը։

2000 թվականի դեկտեմբերից մինչև 2002 թվականի հունիս եղել է Վարշավայի փոխնախագահ։

2002-2006 թվականներին աշխատել է լեհական ռադիոյում։

2007 թվականին եղել է Մազովեցյան վոևոդության փոխխոսնակ։

2007 թվականի նոյեմբերի 26-ին նշանակվել է ներքին գործերի նախարարության պետական քարտուղար։

2011 թվականի օգոստոսի 2-ին նշանակվել է Դոնալդ Տուսկի առաջին կառավարությունում պաշտպանության նախարարի պաշտոնում։

2011 թվականի նոյեմբերի 18-ին զբաղեցրել է նույն պաշտոնը Տուսկի նոր կաբինետում։

2014 թվականի սեպտեմբերի 22-ին Եվա Կոպաչի ղեկավարած կառավարությունում նշանակվել է փոխվարչապետ և պաշտպանության նախարար։

Ընտանիք

Ամուսնացած է, ունի որդի և դուստր։

Ծանոթագրություններ

↑ ^1,0 ^1,1 «Minister of National Defence». Ministry of National Defence. Արխիվացված է օրիգինալից 2012 թ․ հունիսի 10-ին. Վերցված է 2012 թ․ սեպտեմբերի 8-ին.

Արտաքին հղումներ

Լեհաստանի ազգային պաշտպանության նախարարության պաշտոնական կայք

Վիքիպահեստն ունի նյութեր, որոնք վերաբերում են «Տոմաշ Սեմոնյակ» հոդվածին։

[MON-1] 1,0 ^1,1 «Minister of National Defence». Ministry of National Defence. Արխիվացված է օրիգինալից 2012 թ․ հունիսի 10-ին. Վերցված է 2012 թ․ սեպտեմբերի 8-ին.

[1]