Տիգրանուհի Տեր-Մարկոսյան

Տիգրանուհի Տեր-Մարկոսյան
Ծնվել է	մարտի 10, 1950(1950-03-10) (74 տարեկան)
Ծննդավայր	Երևան, Հայկական ԽՍՀ, ԽՍՀՄ
Կրթություն	Սայաթ-Նովայի անվան երաժշտական դպրոց, Վ․ Բրյուսովի անվան պետական համալսարան և Երևանի պետական գեղարվեստա-թատերական ինստիտուտ
Քաղաքացիություն	ԽՍՀՄ և  Հայաստան
Մասնագիտություն	դերասանուհի, ռեժիսոր և թարգմանչուհի
Աշխատավայր	Եղիշե Չարենցի անվան թիվ 67 դպրոց, Գյումրիի Վարդան Աճեմյանի անվան պետական դրամատիկական թատրոն և Հակոբ Պարոնյանի անվան պետական երաժշտական կոմեդիայի թատրոն
Ակտիվ շրջան	1975-ից մինչ օրս

Տիգրանուհի Տեր-Մարկոսյան (մարտի 10, 1950(1950-03-10), Երևան, Հայկական ԽՍՀ, ԽՍՀՄ), հայ դերասանուհի, ռեժիսոր։

Սովորել է Սայաթ-Նովայի անվան երաժշտական դպրոցի դաշնամուրի բաժնում, 1967-1971 թվականներին՝ Երևանի Վալերի Բրյուսովի անվան լեզվաբանական համալսարանի անգլիական ֆակուլտետում։ Անգլերեն է դասավանդել Երևանի Չարենցի անվան և Գյումրու թիվ 35 միջնակարգ դպրոցներում։ 1973 թվականին ամուսնությունից հետո տեղափոխվել է Գյումրի, որտեղ Ուսուցչի տանը եղել է դասատու, դերասանուհի և ռեժիսոր։ Ուսուցչի տան թատրոնում խաղացել է Անույշ, Սողոմե, Շողակաթ՝ Հակոբ Պարոնյանի «Պաղտասար աղբար», «Մեծապատիվ մուրացկաններ», Քլեյա՝ Ֆիգեյրեդոյի «Եզովպոս», Ֆիլումենա Մարտուրանո՝ Ֆիլիպպոյի «Ֆիլումենա Մարտուրանո», Անկա՝ Բարանգայի «Խելքի եկ, Քրիստափոր», Եվփիմե՝ Օտյանի «Չարշըլը Արթին աղա. խնդանք` անցնինք» և այլ դերեր։ Բեմադրել է Մոլիերի «Սկապենի խաբեությունները», Ֆիլիպպոյի «Դոն Ռաֆայելեն` տրոմբոնահար», «Ուրվականները», Տեր-Գրիգորյանի «Զգուշացե'ք, նա դեռ կա» ներկայացումները։ 1979-1984 թվականներին սովորել է Երևանի թատրոնի և կինոյի պետական ինստիտուտի ռեժիսորական բաժնում։ 1984 թվականից աշխատել է Գյումրու Աճեմյանի անվան պետական դրամատիկական թատրոնում, 1998 թվականից՝ Երևանի Պարոնյանի անվան երաժշտական կոմեդիայի պետական թատրոնում։ Համատեղության կարգով աշխատել է նաև Երևանի Մհեր Մկրտչյան արտիստական թատրոնում։ Նկարահանվել և նկարահանվում է գեղարվեստական ֆիլմերում և սերիալներում^[1]։ Դասավանդել է Երևանի թատրոնի և կինոյի պետական ինստիտուտում, կատարում է թարգմանություններ։

Դերերը Գյումրու Լուսավորչական թատրոնում

• Անույշ, Սողոմե` «Պաղտասար աղբար»
• Շողակաթ` «Մեծապատիվ մուրացկաններ»
• Քլեյա` «Եզովպոս»
• Ֆիլումենա` «Ֆիլումենա Մարտուրանո»
• Անկա` «Խելքի եկ, Քրիստափոր»
• Եվփիմե` «Չարշըլը Արթին աղա. խնդանք` անցնինք»
• Ուստիան՝ «Զգուշացեք, նա դեռ կա»

Դերեր Գյումրիի Վարդան Աճեմյանի անվան պետական դրամատիկական թատրոնում

• Անժելա՝ «Գնա մեռի, արի սիրեմ»
• Սիրարփի՝ «Քո վերջին հանգրվանը»
• Նազիկ՝ «Թիկունք»
• Կին, Տարեց Կին, Հարևանուհի՝ «Աստղերից իջած մարդը»
• Ժակինետտա՝ «Սիրո ապարդյուն ճիգերը»
• Անահիտ՝ «Իրական պատմություն»
• Պիերետ` «Ութ սիրագորով կանայք»
• Բերսաբե` «Փախուստ»
• Մայր` «Նամուս»
• Սանամ` «Հարսանիք թիկունքում»

Դերեր Երևանի Մհեր Մկրտչյան արտիստական թատրոնում

• «Սիրային Նախատինք՝ բազկաթոռին նստած ամուսնուն»
• «Օրփեոս և Էվրիդիկե»

Դերեր Երևանի Հակոբ Պարոնյանի անվան երաժշտական կոմեդիայի պետական թատրոնում

• Կին՝ «Լիսիստրատե»
• Քաբատո՝ «Խանումի արարքները»
• Սոֆիկ՝ «Գնա մեռի, արի սիրեմ»
• Թերեզա՝ «Շողոքորթն»
• Միսս Պեդդի՝ «Տարօրինակ միսիս Սևիջը»
• Քեթևան՝ «Խաթաբալա»
• Ֆլիպոտ` «Շրջազգեստով գեներալները»
• Անարդա՝ «Պարտիզպանի շունը»
• Կլավդիա Վասիլևնա՝ «Երջանկություն որոնելիս»
• Ռոզալիա Սոլիմենե՝ «Ֆիլումենա Մարտուրանո»
• Սողոմե` «Պաղտասար աղբար»
• Բալզամինովա՝ «Հարուստի աղջիկը տգեղ չի լինում»
• Մրրիկ` «Նապոլեոն Կորկոտյան»
• Օրիորդ Վարսենիկ՝ «Ֆայտոն Ալեքը»
• Ամազոն՝ «Չարենցի ուղղիչ տունը»
• Տարեց կին` «Տե՛ր, մի թող մեզ անտեր»
• Մայր` «Մեռնելու էլ իրավունք չունեմ»
• Գրետա` «Լոմբարդ»
• Արմենի բարեկամ` Տիգրան Չուխաջյան «Կարինե»
• Մարթա՝ «Ատամնաբույժն արևելյան»
• Տարեց բուժքույր՝ «Պարոն Բաբիկը և ուրիշները»
• Սավկա՝ «Տիկին մինիստրուհին»
• Տիկին Ժուժու`«Մորգանի խնամին»
• Մարթա՝ «Ուշ լինի,նուշ լինի»
• Անուշ՝ «Վաղը ուշ կլինի»
• Տիկին՝ «Սիրելիներից մի բաժանվեք»
• Թալանված տիկին, դրախտի քարտուղարուհի «Գողը դրախտում»
• Արուս Գրիգորևնա` «Չինացին էլ կարող է հայ լինել...»
• Քուրնից մայրիկ` «Յոնքերսում մոլորվածները»
• Դարյա` «Սեանս հոգեթերապևտի մոտ»
• Մայրանուշ` «40 օր համբառնալուց առաջ»
• Մանյա՝ «Արևի մարդիկ»

• «Համամիութենական» մրցանակ` Քլեայի («Եզովպոս») դերակատարման համար
• Մշակույթի նախարարի պատվոգիր «Թատերարվեստի ոլորտում ներդրած ավանդի, սերունդների կրթման, գեղարվեստական արժեքների ստեղծման ու տարածման համար», 2011
• Երևանի քաղաքապետի «Ոսկե մեդալ», 2019
• Արտավազդ մրցանակ «Թատերարվեստին մատուցած անբասիր ծառայության համար», 2022

Գյումրու թատրոնից է եկել բեմական հետաքրքիր կենսագրություն ունեցող, շատ շնորհալի դերասանուհի Տիգրանուհի Տեր-Մարկոսյանը։ Նա թատրոնի առաջատարներից ու ամենազբաղվածներից է։ Արագ ձեռք բերած հաջողությունը գալիս է նախկին թատրոնում ունեցած 15 տարիների բեմական հարուստ փորձից և անշուշտ թատերական ինստիտուտից, ուր նա ավանդում է դերասանի վարպետություն առարկան։ Բազմաժանր և ընդգրկուն է շնորհալի դերասանուհու դերացանկը երաժշտական կոմեդիայի պետական թատրոնում։Բնական է, որ այս ամենի հիմքում կերպարանափոխման արվեստին տիրապետելն է, արտիստական ու առօրյա կերպարանքի խիստ զանազանությունը, յուրաքանչյուր կերպարի համար` դերասանուհու գտած համապատասխան խաղակերպը։ - Սերգեյ Առաքելյան