Սուրբ Հարություն եկեղեցի (Կրասնոյարսկ)
| Սուրբ Հարություն եկեղեցի | |
|---|---|
 | |
| Հիմնական տվյալներ | |
| Տեսակ | եկեղեցի |
| Երկիր |  Ռուսաստան |
| Տեղագրություն | Կրասնոյարսկ |
| Դավանանք | Հայ Առաքելական Եկեղեցի |
| Թեմ | Ռուսաստանի և Նոր Նախիջևանի թեմ |
| Հիմնական ամսաթվերը | 2008 |
| Ճարտարապետական ոճ | Հայկական եկեղեցական ճարտարապետություն |
| Հիմնադրված | 2008 |
 | |
 | |
Անվան այլ կիրառումների համար տե՛ս՝ Սուրբ Հարություն եկեղեցի (այլ կիրառումներ)
Սուրբ Հարություն եկեղեցի, Կրասնոյարսկ քաղաքում գտնվող կրոնական կառույց։ Պատկանում է Մայր Աթոռ Սուրբ Էջմիածնի Ռուսաստանի և Նոր Նախիջևանի հայոց թեմին, գտնվում է Ռուսաստանի Կրասնոյարսկի երկրամասում։ Համակարգում է Կրասնոյարսկում բնակվող առաքելական ռուսահայության հոգևոր կյանքը։ Քաղաքի երկու հայկական եկեղեցիներից է։
Պատմություն
[խմբագրել | խմբագրել կոդը]Կրասնոյարսկի երկրամասի հայ համայնքը կազմավորվել է 1980-ական թվականներին: Համայնքի ազգային կյանքը կազմակերպում է 1988 թվականի դեկտեմբերի 20-ին Կրասնոյարսկ քաղաքում ստեղծված «Սուրեն Սպանդարյան» հասարակական կազմակերպությունը: Զբաղվում են հիմնականում շինարարությամբ, շիննորոգման աշխատանքներով, առևտրով: Կան հայտնի մարդիկ գիտության, բժշկության, գործարարության բնագավառներում. ՌԴ վաստակավոր ճարտարապետ, Ռուսաստանի գեղարվեստի ակադեմիայի թղթակից անդամ Արեգ Դեմիրխանովը, ճարտարապետ և քանդակագործ Իշխանովը, Հյուսիսի բժշկական հիմնախնդիրների ինստիտուտի գլխավոր բժիշկ Գասպարովը, գործարարներ Հարություն Մուրադյանը, Ալեքսանդր Խուրշուդյանը, Բորիս Սարգսյանը, «Եղբայրություն» հայկական ազգային-մշակութային ինքնավարության նախագահ Խաչիկ Խաչատրյանը, ջութակահար Վարդան Մարկոսյանը և ուրիշներ։
Եկեղեցի
[խմբագրել | խմբագրել կոդը]Կրասնոյարսկի սուրբ Սարգիս եկեղեցու կառուցումից[1] մի քանի տարի անց՝ 2008 թվականի հունվարի 10-ին, բացվում է նոր հայկական կրոնական կառույց, որը ևս կառուցվել է սուրբ Գրիգոր Լուսավորչի շքանշանակիր Սարգիս Մուրադյանի բարերարությամբ[2]։ Օծման արարողությունը կատարել է Նոր Նախիջևանի և Ռուսաստանի հայոց թեմի առաջնորդ տեր Եզրաս եպիսկոպոս Ներսիսիյանը, առընթերակայությամբ Կրասնոյարսկի հոգևոր հովիվ տեր Շահան քահանա Մովսիսյանի և Բառնաուլի հայոց հոգևոր հովիվ տեր Մաշտոց քահանա Հակոբյանի[3]:
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ Красноярск: Впервые за Уралом состоялась церемония освящения храма Святого Саркиса Армянской Апостольской Церкви
- ↑ Նոր Նախիջևանի և Ռուսաստանի հայոց թեմի Կրասնոյարսկ քաղաքում օծվեց Սուրբ Հարություն եկեղեցին // Մայր Աթոռ Սուրբ Էջմիածնի Հրատարակչական բաժին : ամսագիր. — Էջմիածին
- ↑ «Կրասնոյարսկում այսօր օծվել է Սուրբ Հարություն նորակառույց եկեղեցին». armenpress.am. Նոյեմբերի 18, 2008.
Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայ Սփյուռք» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|