Ռոդոլֆո Գուչի
| Ռոդոլֆո Գուչի | |
|---|---|
 | |
| Ծնվել է | հուլիսի 16, 1912 |
| Ծննդավայր | Ֆլորենցիա, Իտալիայի թագավորություն |
| Մահացել է | մայիսի 15, 1983 (70 տարեկան) |
| Մահվան վայր | Միլան, Իտալիա |
| Քաղաքացիություն | .svg){kind=small} Իտալիա և _crowned.svg){kind=small} Իտալիայի թագավորություն |
| Մասնագիտություն | դերասան և կինոդերասան |
| Ամուսին | Սանդրա Ռավել |
| Ծնողներ | հայր՝ Գուչիո Գուչի |
| Երեխաներ | Մաուրիցիո Գուչի |
 Maurizio D'Ancora Վիքիպահեստում | |
Ռոդոլֆո Գուչի (անգլ.՝ Rodolfo Gucci, հուլիսի 16, 1912, Ֆլորենցիա, Իտալիայի թագավորություն - մայիսի 15, 1983, Միլան, Իտալիա), առավել հայտնի է Մաուրիցիո Դ’ Անկոր բեմական անվամբ, իտալացի դերասան և գործարար, որը 1929-1946 թվականների ընթացքում խաղացել է ավելի քան 40 ֆիլմում։ Դերասանուհի Սանդրա Ռավելի ամուսինը և Մաուրիցիո Գուչիի հայրը։
Պատանեկություն
[խմբագրել | խմբագրել կոդը]Ռոդոլֆո Գուչին ծնվել է 1912 թվականին Ֆլորենցիայում՝ Իտալիայում՝ Գուչիո Գուչիի և Աիդա Քալվելի ընտանիքում[1]։ Ունեցել է հինգ եղբայր և մեկ քույր։
Նրան նկատել է Ալֆրեդ Լինդը, որը էլ 1929 թվականին առաջարկել է նկարահանվել ֆիլմում։ Նույն թվականին նկարահանվել է Մարիո Կամերինի «Ռելսներ» ֆիլմում, որով սկսել է դերասանի կարիերան[2]։ Օգտագործել է Մաուրիցիո Դ’ Անկորա կեղծանունը։
Գուչիի տուն
[խմբագրել | խմբագրել կոդը]Նա Գուչիո Գուչիի՝ Gucci նորաձևության տան հիմնադրի հինգ որդիներից մեկն էր։ 1953 թվականին թողել է դերասանի գործունեությունը և հոր մահից հետո վերադարձել է ընտանեկան բիզնես։ 1952 թվականին Ռոդոլֆոն և եղբայրները՝ Ալդոն և Վասկոն գնացել են Նյու Յորք, որտեղ հոր մահից երկու շաբաթ առաջ բացել են Իտալիայի սահմաններից դուրս առաջ��ն խանութը։ 1967 թվականին ստեղծել է Gucci Flora շարֆը Գրեյս Քելլիի համար։
1974 թվականին եղբոր՝ Վասկոյի մահից հետո Ռոդոլֆոն և Ալդոն բիզնեսը 50/50 բաժանել են իրար մեջ[3]։ Սակայն Ալդոյի որդիները կարծում էին, որ Ռոդոլֆոն բավարար չափով չի նպաստել բիզնեսի աճին։ Փորձելով մեծացնել իր շահույթը՝ Ալդոն հիմնել է օծանելիքի դուստր ընկերություն և տնօրինել է իր սեփականության 80%-ը՝ իր և երեք որդիների համար։ Այդ մրցակցությունը, ի վերջո, վերաճել է ընտանեկան պատերազմի։
Անձնական կյանք
[խմբագրել | խմբագրել կոդը]«Մթության մեջ միասին» ֆիլմի նկարահանումների ժամանակ ծանոթացել է ապագա կնոջ՝ Սանդրա Ռավելի հետ[4]։ Նրանք ամուսնացել են 1944 թվականին Վենետիկյում, Իտալիա[4][5]։ Նրանց միակ որդին՝ Մաուրիցիո Գուչին, ծնվել է 1948 թվականին և անվանվել է հոր բեմական կեղծանվամբ։
Մահ
[խմբագրել | խմբագրել կոդը]Ռոդոլֆո Գուչին մահացել է 1983 թվականին Միլանում[6]։ Նրա մահից հետո որդին՝ Մաուրիցիո Գուչին, ժառանգել է ընկերության բաժնետոմսերի վերահսկիչ փաթեթը և դարձել մեծամասնական բաժնետեր։
Մասայական մշակույթում
[խմբագրել | խմբագրել կոդը]Ռիդլի Սքոթի «Գուչիի տունը» գեղարվեստական ֆիլմի հերոսներից մեկն է, որի դերակատարը Ջերեմի Այրոնսն է։
Ծանոթագրություններ
[խմբագրել | խմբագրել կոդը]- ↑ «Guccio Gucci». Fashion Elite (ամերիկյան անգլերեն). 2016 թ․ սեպտեմբերի 20. Արխիվացված է օրիգինալից 2021-11-04-ին. Վերցված է 2020 թ․ հոկտեմբերի 12-ին.
- ↑ Landy, Marcia (1998). The Folklore of Consensus: Theatricality in the Italian Cinema, 1930–1943. SUNY Press. էջ 182. ISBN 9780791438039.
- ↑ Moore, Claire (2006 թ․ հունվարի 6). «PrimeTime: Gucci, Glamour and Greed». ABC News (անգլերեն). Վերցված է 2020 թ․ հոկտեմբերի 12-ին.
- ↑ 4,0 4,1 Forden, Sara G. (2012 թ․ մայիսի 8). The House of Gucci: A Sensational Story of Murder, Madness, Glamour, and Greed (անգլերեն). Harper Collins. էջ 16. ISBN 978-0-06-222267-1.
- ↑ «Guccio Gucci». The Florentine (ամերիկյան անգլերեն). 2009 թ․ հունիսի 17. Արխիվացված է օրիգինալից 2020 թ․ հոկտեմբերի 12-ին. Վերցված է 2020 թ․ հոկտեմբերի 12-ին. «the Flora scarf, created in 1967 by his son, Rodolfo, for Grace Kelly.»
- ↑ «Rodolfo Gucci Is Dead at 71; Brother in Leather Goods Firm (Published 1983)». The New York Times (ամերիկյան անգլերեն). 1983 թ․ մայիսի 16. ISSN 0362-4331. Վերցված է 2020 թ․ հոկտեմբերի 12-ին.
 | Վիքիպահեստն ունի նյութեր, որոնք վերաբերում են «Ռոդոլֆո Գուչի» հոդվածին։ |
| ||||||||||
