Պաուլա Սելինգ

Պաուլա Սելինգ
Բնօրինակ անուն	ռումիներեն՝ Paula Seling
Ծնվել է	դեկտեմբերի 25, 1978 (46 տարեկան); Բայա Մարե, Մարամուրեշ, Ռումինիա
Երկիր	Ռումինիա
Ժանրեր	փոփ
Մասնագիտություն	երգչուհի, երգերի հեղինակ և դիջեյ
Երգչաձայն	սոպրանո
Գործիքներ	դաշնամուր և վոկալ
Կրթություն	Faculty of Journalism and Communication Sciences of the University of Bucharest?
Կայք	paulaseling.ro
	Paula Seling Վիքիպահեստում

Պաուլա Սելինգ (ռումիներեն՝ Paula Seling, դեկտեմբերի 25, 1978(1978-12-25)^[1], Բայա Մարե, Մարամուրեշ, Ռումինիա), ռումինացի երգչուհի, երգահան և ռադիո-դիջեյ։ Սելինգն Օսլոյում Օվիի հետ զուգերգով ներկայացրել է Ռումինիան Եվրատեսիլ 2010 երգի մրցույթում և զբաղեցրել երրորդ հորիզոնականը։ Իսկ ավելի ուշ՝ Եվրատեսիլ 2014 երգի մրցույթում (կրկին Օվիի հետ զուգերգով), որտեղ զբաղեցրել է 12-րդ հորիզոնականը։

Կենսագրություն

Պաուլա Սելինգը ծնվել է 1978 թվականի դեկտեմբերի 25-ին Բայա Մարեում։ 1997 թվականի հունիսին Պաուլան ավարտել է «Gheorghe Sincai National College»-ը^[3]^[4]։ Նաև ուսանել է Բուխարեստի «Şcoala Superioară de Jurnalism»-ում։ 6 տարեկանում սովորել է նվագել դաշնամուր։

2002 թվականի աշնանը Պաուլան «Golden Stag Festival» փառատոնի հաղթանակից հետո կնքել է պայմանագիր «Roton Records»-ի հետ։ Ինչպես նաև 2002 թվականին հաղթել է ռումինական MTV-ի «Լավագույն երգչուհի» և «Լավագույն երաժշտական տեսահոլովակ» անվանակարգերում։ 2005 թվականին Սելինգը, հայրը և եղբայրն աշխատեցրել են սեփական ձայնագիր լեյբլը՝ «Unicorn Records Romania»-ը։

Պաուլան զուգերգեր ունի Ալ Բանոյի և Անիտա Դելսի (2 Unlimited) հետ։ Ելույթ է ունեցել Ջոան Բաեզի, Չիկ Կորիայի, Մայքլ Բոլթոնի և Բիյոնսեի հետ։ Պաուլայի վերջին ալբոմը՝ «Believe»-ը, թողարկվել է 2009 թվականին։ Այդ ալբոմի առաջին սինգլը՝ «Believe»-ը, ռումինական թոփ 100-ում հասավ 40-րդ հորիզոնական։ Ալբոմի պաշտոնական ցուցադրումը եղել է 2009 թվականի հունիսի 10-ին Բուխարեստի «Siver Church Club»-ում։

2009 թվականի օգոստոսից մինչև դեկտեմբեր Պաուլան շրջագայել է Կանադայով և Արևմտյան Եվրոպայով։ Միաժամանակ նույն թվականին Պաուլան նորից մասնակցություն է ունեցել «Golden Stag Festival»-ում, բայց արդեն մրցատյանի դերում։

Եվրատեսիլ 2010

«Golden Stag Festival» փառատոնից հետո երգիչ Օվիդիու Չեռնեուցյանուն՝ առավել հայտնի որպես Օվի Մարտին կամ ուղղակի Օվի, Պաուլային առաջարկել է համագործակցում։ Նոյեմբերին Պաուլան և Օվին մասնակցել են «Selectia Nationala»-ին՝ Եվրատեսիլի ռումինական ընտրությանը։ Նրանք ձայնագրել են «Playing With Fire» երգի բնօրինակ տարբերակը՝ գրված Օվիի կողմից, և գրանցվել նախնական ընտրությանը։ Նրանք ընտրության մասնակիցներ են ընտրվել 2010 թվականի հունվարի 27-ին^[5]^[6], իսկ մարտի 6-ին հաղթել են ընտրությունը և իրավունք ստացել ներկայացնել Ռումինիան «Եվրատեսիլ 2010» երգի մրցույթում։

Երկրորդ կիսաեզրափակչում Պաուլան և Օվին ներկայացել են 10-րդ համարի ներքո՝ Նիդերլանդներից հետո և Սլովենիայից առաջ։ Քվեարկությունների արդյունքներով՝ նրանք հավաքել են 104 միավոր և անցել եզրափակիչ՝ կիսաեզրափակչում զբաղեցնելով 4-րդ հորիզոնականը։

Եզրափակչում Պաուլան և Օվին ներկայացել են 19-րդը՝ Ֆրանսիայից հետո և Ռուսաստանից առաջ։ Քվեարկությամբ նրանք հավաքել են 162 միավոր (այդ թվում՝ նրանց առավելագույն՝ 12 միավոր տրվել է մեկ անգամ) և զբաղեցրել 3-րդ հորիզոնականը^[7]։

Եվրատեսիլ 2014

2014 թվականի մարտի 1-ին հայտարարվել է Օվիի հետ միասին Ռումինիան «Եվրատեսիլ 2014» երգի մրցույթում ներկայացնելու մասին, որտեղ պետք է կատարեին «Miracle» երգը^[8]։ Կիսաեզրափակչում զուգերգը զբաղեցրել է երկրորդ հորիզոնականը՝ ըստ միավորների հանրագումարի՝ տրված հեռուստադիտողի և մրցատյանի կողմից, և անցել եզրափակիչ։ Իսկ եզրափակչում երգը զբաղեցրել է 12-րդ հորիզոնականը։

Ծանոթագրություններ

↑ ^1,0 ^1,1 Discogs — 2000.
↑ https://paulaseling.ro/biografie/
↑ «Biografie | Paula Seling». Paulaseling.wordpress.com.
↑ «Centrul Cultural Reduta – paula, reduta, concert, trupa». Centrulculturalreduta.ro. 2013 թ․ հունիսի 5. Արխիվացված է օրիգինալից 2013 թ․ հուլիսի 13-ին.
↑ «Interview with Paula Seling & Ovi from Romania | Video | Eurovision Song Contest – Malmö 2013». Eurovision.tv.
↑ «Arena - cotidian online călărăşean de politică, administraţie, economie, sport şi publicitate». Arenamedia.ro. Վերցված է 2014 թ․ մայիսի 27-ին.(չաշխատող հղում)
↑ «Paula Seling & Ovi – Playing With Fire (Romania 2010) | Participant Profile | Eurovision Song Contest – Malmö 2013». Eurovision.tv.
↑ «Paula and Ovi to represent Romania!»

Արտաքին հղումներ

Վիքիպահեստն ունի նյութեր, որոնք վերաբերում են «Պաուլա Սելինգ» հոդվածին։

[_c9986e559b0985e9-1] 1,0 ^1,1 Discogs — 2000.

[_7075fb7d3c09ce83-2] ttps://paulaseling.ro/biografie/

[3] «Biografie | Paula Seling». Paulaseling.wordpress.com.

[4] «Centrul Cultural Reduta – paula, reduta, concert, trupa». Centrulculturalreduta.ro. 2013 թ․ հունիսի 5. Արխիվացված է օրիգինալից 2013 թ․ հուլիսի 13-ին.

[5] «Interview with Paula Seling & Ovi from Romania | Video | Eurovision Song Contest – Malmö 2013». Eurovision.tv.

[6] «Arena - cotidian online călărăşean de politică, administraţie, economie, sport şi publicitate». Arenamedia.ro. Վերցված է 2014 թ․ մայիսի 27-ին.(չաշխատող հղում)

[7] «Paula Seling & Ovi – Playing With Fire (Romania 2010) | Participant Profile | Eurovision Song Contest – Malmö 2013». Eurovision.tv.

[8] «Paula and Ovi to represent Romania!»

[1]