Ուզում եմ պոզահարել

Ուզում եմ պոզահարել
Տեսակ	կարճամետրաժ մուլտիպլիկացիոն ֆիլմ
Հիմնված է	գրական ստեղծագործության էկրանավորում
Ռեժիսոր	Լեոնիդ Ամալրիկ
Սցենարիստ	Սերգեյ Միխալկով
Հնչյունավորում	Գեորգի Վիցին[1] և Վերա Օռլովա
Օպերատոր	Միխայիլ Դրույան
Երկիր	ԽՍՀՄ
Լեզու	ռուսերեն
Ընկերություն	Սոյուզմուլտֆիլմ
Թվական	1968

Ուզում եմ պոզահարել (ռուս.՝ Хочу бодаться!), խորհրդային նկարված մուլտիպլիկացիոն ֆիլմ^[2], որը ստեղծվել է 1968 թվականին, ռեժիսոր-մուլտիպլիկատոր Լեոնիդ Ամալրիկի կողմից։

Մուլտֆիլմը բաղկացած է երեք պատմություններից, որոնք իրար հետ կապված չեն։ Բոլոր երեք պատմվածքները հիմնված են հայտնի մանկագիր Սերգեյ Միխալկովի հեքիաթների վրա։

Պատրաստակամը

Կարճ պատմությունը պատմում է, թե ինչպես է Որմզդեղնը որոշում քնել տաք ցերեկը և խնդրում է պատահականորեն հանդիպած Նապաստակին, որ կես ժամից արթնացնի իրեն։ Նապաստակն այնքան է ուրախանում, որ ինչ-որ մեկը նրա օգնության կարիքը ունի, և անմիջապես նա սկսում է Որմզդեղին տալ խնամքի ավելորդ և կպչուն նշաններ` բերել անկողնային պարագաներ, հեքիաթ պատմել, օրօրոց երգել, մինչդեռ Որմզեդղնն անհաջող կերպով փորձում է քնել։ Ի վերջո նա չի դիմանում, թքում է Նապաստակի կողմն ու հեռանում է։

Ընկերներն արշավի ժամանակ

Երեք զբոսաշրջիկ ընկերները` Վարազը, Աղվեսը և Ջրշունը, երգելով արշավ են գնում։ Վարազը և Աղվեսը առանց բեռ էին, իսկ Ջրշունը ծանր, հսկայական ուսապարկով, որը լցված է բոլոր պաշարներով և իրերով։ Հասնելով թույլ կամրջով գետին` երկչոտ Վարազը և խորամանկ աղվեսը համոզում են Ջրշանը, որ նա գնա առաջինը։ Բայց կամուրջը չի դիմանում, կոտրվում է և Ջրշունը ուսապարկով ընկնում է գետը։ Աղվեսն ու Վարազը, չցանկանալով թրջվել, խուճապահար սկսում են վիճել, թե նրանցից ով պետք է փրկի Ջրշանը։ Քանի դեռ նրանք վիճում են, Ջրշունն ինքը կարողանում է լողալ և դուրս գալ և դեռ դուրս է հանում ուսապարկը։ Զարմացած աղվեսը և Վարազը գովաբանում են նրան և առաջարկում են վերանորոգել կամուրջը` ճանապարհորդությունը շարունակելու համար։ Բայց Ջրշունը, համոզվելով, որ նրանք անվստահելի ընկերներ են, որոնց հետ նա կարող է կորչել, կտրականապես մերժում է և պայուսակը նրանց վրա նետելով` հեռանում է։

Ուզում եմ պոզահարել

Փոքրիկ, անհանգիստ, պոզահարող այծիկը վազում է տիրոջ բակի շրջակայքում և անհաջող կերպով փորձում է պոզահարել բոլոր բնակիչներին` հնդկահավի, խոզին և ոչխարներին, որոնք չեն ցանկանում այդպիսի հիմար խաղ խաղալ։ Եվ միայն բնի մեջ հանգիստ քնած շնիկն է ընդունում կռվարարի հրավերը, բայց սկսում է իր «շնային» խաղը և կծում է այծիկի ոտքը։ Այծիկը տարակուսած հարցին ի պատասխան` Շնիկը բղավում է. «Իսկ ես ուզում եմ կծել», և սկսում է հետապնդել նրան...

• Սցենարի հեղինակ` Սերգեյ Միխալկով
• Ռեժիսոր` Լեոնիդ Ամալրիկ
• Բեմադրող նկարիչներ` Նադեժդա Պրիվալովա, Տատյանա Սազոնովա
• Օպերատոր` Միխայիլ Դրույան
• Կոմպոզիտոր` Բորիս Սավելև
• Հնչյունային օպերատոր` Գեորգի Մարտինյուկ
• Խմբագիր` Զ. Պավլովա
• Ֆիլմի տնօրեն` Ֆյոդոր Իվանով
• Նկարիչ-մուլտիպլիկատորներ` Օլեգ Սաֆրոնով, Ռենատա Միրենկովա, Յուրի Բուտիրին, Ալեքսանդր Դավիդով, Ելիզավետա Կոմովա, Իվան Դավիդով, Ե. Մուխանովա, Վ. Ռոգով, Վ. Մաքսիմովիչ
• Նկարիչ-դեկորատորներ` Լիդիա Մոդել, Իրինա Տրոյանովա
• Օգնականներ` Գալինա Անդրեևա, Մարիա Տրուսովա, Ն. Նայաշկովա
• Դերերը հնչյունավորել են`
  • Նապաստակ` Գեորգի Վիցին
  • Որմզդեղն` Ալեքսանդր Խանով
  • Վարազ` Ստեփան Բուբնով
  • Աղվես` Վերա Օռլովա
  • Ջրշուն` Եվգենի Լեոնով
  • Այծիկը` Յուլյա Յուլսկայա
  • Շնիկը` Յուրի Խրժանովսկի

1990-ականների սկզբին ԽՍՀՄ-ում և Ռուսաստանում մուլտֆիլմը թողարկվել է VHS ձևաչափով, «Խոշոր պլան» կինոմիավորման կողմից։ 2009 թվականի նոյեմբերի 10-ին կայացել է մուլտֆիլմի թողարկ��ւմը DVD ձևաչափով։ Ձայնագրման ընթացքում օգտագործվել է պատկերի և ձայնի թվային վերականգնում. ձայն` Dolby Digital 5.1, Dolby Digital 1.0 Mono; պատկեր` Standart 4: 3 (1.33: 1); գույն - PAL:

• Михалков С. В. Хочу бодаться!. — Астрель, 2012. — 48 с. — (Союзмультфильм представляет: впервые — легендарные мультфильмы в книгах). — ISBN 978-5-271-43839-4

• «Ուզում եմ պոզահարել» «Հայրենական կինոյի հանրագիտարան» կայքում
• «Ուզում եմ պոզահարել»(անգլ.) ֆիլմը Internet Movie Database կայքում

Թեմատիկ կայքեր Internet Movie Database · Animator.ru