Մոտկան (հնավայր)

Անվան այլ կիրառումների համար տե՛ս՝ Բնակատեղի (այլ կիրառումներ)

Մոտկան, Մոտկանբերդ
Դիրք	Ուջան գյուղի մոտ, նրա հյուսիսային կողմում, Արագածոտնի մարզ, Հայաստան
Մոտակա քաղաք	Աշտարակ
Ձևավորվել է	մ.թ.ա. 3-րդ հազարամյակ - մ․թ․ 15-րդ դար
Հիմնադրվել է	մ.թ.ա. 3-րդ հազարամյակ

Մոտկան (նաև՝ Մոտկանբերդ), հնավայր, քաղաքատեղի^[1] Հայաստանի Արագածոտնի մարզում, Ուջան գյուղի մոտ, նրա հյուսիսային կողմում։ Քաղաքատեղիի ամրոցը ներառված է՝ Ուջանի պատմության և մշակույթի անշարժ հուշարձանների ցանկում^[2][3]։

Քաղաքատեղին թվագրվում է մ․թ․ա․ 3-րդ հազարամյակով։ Այն փռված է երեք բլուրների վրա։ Կենտրոնական բլուրը, որը միառժամանակ եղել է միջնաբերդ շրջապատված է եղել մի քանի շարք բազալտե խոշոր քարերով շարված պարիսպներով, որոնք տեղ-տեղ ունեցել են 6 մետր բարձրություն^[1]։ Միջնաբերդում նկատելի են մոնումենտալ ճարտարապետական շինությունների ավերակներ, ճանապարհների առանձին հատվածներ։ Ուշադրության արժանի է հատկապես միջնաբերդի հոյսւսիային մուտքի համար բազալտի ժայռի մեջ փորված մոտ 150 մ երկարությամբ, 4 մ լայնությամբ ու 3 մ խորությամբ ճանապարհահատվածը^[1]։ Հնավայրը զբաղեցնում է ավելի քան 50 հեկտար տարածություն, իսկ մեկ այլ տեղեկությամբ՝ 100 հեկտար տարածություն^[1][4]։ Քաղաքատեղին կազմված է՝ մ․թ․ա․ 3-րդ հազարամյակով թվագրվող «Մոտկան բերդ» ամրոցով ու նրանից հյուսիս և հյուսիս-արևելք գտնվող դամբարանադաշտով^[2][3]։

• 
  Քաղաքատեղիի պարիսպները
• 
  Հատված քաղաքատեղիից
• 
  Տեսարան միջնաբերդից․ առաջին պլանում Ուջան գյուղն է
• 
  Պարսպաշարերի խոշոր քարերը
• 
  Քաղաքատեղին միջնաբերդից
• 
  Կոթողի պատվանդան
• 
  Քաղաքատեղիի միջնաբերդը՝ Մոտկան բերդ
• 
  Հատված քաղաքատեղիից
• 
  Ուշ շրջանի խաչքար
• 
  Ուշ շրջանի խաչքարաբեկոր
• 
  հարակից դամբարանադաշտը