Վիքիպեդիայից՝ ազատ հանրագիտարանից
Միլան Յովանովիչ (չեռնոգոր.՝ Милан Јовановић / Milan Jovanović, հուլիսի 21, 1983(1983-07-21), Չաչակ, Կրալևո, Սերբիայի Սոցիալիստական Հանրապետություն, ՀՍՖՀ), չեռնոգորցի ֆուտբոլիստ, պաշտպան։ Խաղացել է Չեռնոգորիայի ազգային հավաքականում։
Միլա Յովանովիչն իր ֆուտբոլային կարիերան սկսել է իր հայրենի քաղաքի «Բորաց» ակումբում, որի կազմում անցկացրել է երկու մրցաշրջան և 26 խաղում խփել մեկ գոլ։ Հայրենիքում նա խաղացել է նաև Լուչանիի «Մլադոստ», «Ժելեզնիկ» և Նովի Բեոգրադի «Ռադնիչկի» ակումբներում։ 2004 թվականին տեղափոխվել է ռումինական «Վասլույ», որի կազմում անցկացրել է ընդամենը 9 հանդիպում և խփել 2 գոլ։ «Վասլույից» հետո Յովանովիչը տեղափոխվել է Կրայովայի «Ունիվերսիտատյա»:Սակայն նոր ակումբում քիչ է խաղացել և 2005 թվականին վերադարձել է հայրենիք, որտեղ մեկ մրցաշրջան անցկացրել է Նիշ քաղաքի «Ռադնիչկի» ակումբում, որը հանդես էր գալիս Առաջին լիգայում։ 200ի թվականին Յովանովիչը վերադարձել է Ռումինիա, որտեղ խաղացել է Ուրզիչենի «Ունիրյա» և Կլուժի «Ունիվերսիտատյա» ակումբենրում։ 2009 թվականի հունիսի 8-ին տեղափոխվել է Վիեննայի «Ռապիդ», որի կազմում հանդես է եկել մինչև 2010 թվականը։ 2010 թվականի օգոստոսի 5-ին Յովանովիչը եռամյա պայմանագիր է կնքել ռուսական «Սպարտակ-Նալչիկ» ակումբի հետ[1]։ Նոր ակումբում նորամուտը նշել է օգոստոսի 14-ին՝ Սիբիրի դեմ հաղթական խաղում[2]։ «Սպարտա Նալչիկում» իր առաջին գոլը խփել է օգոստոսի 28-ին «Ռուբինի» հետ տնային խաղում՝ 70 մետրից գրավելով Սերգեյ Ռիժիկովի դարպասը[3][4]։ 2012 թվականի մայիսի 5-ին կողմերի փոխադարձ համաձայնությամբ հայտարարվել է խաղացողի հետ «Սպարտակի» ընթացիկ պայմանագրի վաղաժամկետ դադարեցման մասին[5]։ 2012 թվականի հուլիսի 4-ին հայտարարվել է, որ ֆուտբոլիստը պահմանագիր է կնքել «Ցրվենա Զվեզդա» սերբական ակումբի հետ[6]։
Չեռնոգորիայի ազգային հավաքականի կազմում նորամուտը նշել է 2007 թվականի մարտի 24-ին՝ Հունգարիայի դեմ ընկերական խաղում։
Յովանովիչի խաղերն ու գոլերն ազգային հավաքականում
Ընդհանուր՝ 30 հանդիպում / 0 գոլ, 14 հաղթանակ, 6 ոչ-ոքի, 10 պարտություն
(
- 2012 թվականի մայիսի 26-ի դրությամբ)
Չեռնոգորիա.svg){kind=small}
.svg){kind=small}
.svg){kind=small}
