Միասին երիտասարդական շարժում

Միասին երիտասարդական շարժում
Տեսակ	հասարակական կազմակերպություն
Երկիր	Հայաստան
Հիմնադրված	2008

Միասին երիտասարդական շարժում, երիտասարդական կազմակերպություն, որը գործունեություն է իրականացրել Հայաստանում։ Ստեղծվել է 2008 թվականին^[1]։

Համաձայն մամուլի հրապարակումների՝ Միասին շարժումը ստեղծվել է ՄԻԱԿ կուսակցության կողմից^[2]։

Միասին երիտասարդական շարժումը Հայաստանի պետական կառույցների և բարձրաստիճան պաշտոնյաների հովանավորությամբ և նրանց հետ սերտ համագործակցությամբ իրականացրել է մի շարք ծրագրեր, որոնք առնչվել են հասարակական որոշակի խնդիրների^[3][4][5]։

Միասին երիտասարդական շարժման գործունեությունն ընդգրկում է երիտասարդների համար ճամբարների կազմակերպումը։

2009 թվականին ճամբարի տևողությունը եղել է 5 օր, ճամբարին մասնակցել է 500 հոգի։ Կրթական ֆորումի թեման եղել է Զանգվածային ակցիաները։

2010 թվականանին ճամբարը կազմակերպվել է 2 հոսքով 10 օր տևողությամբ, որին մասնակցել է 600 հոգի։ Կրթական ֆորումի թեման եղել է Բիզնես ինովացիան։ «Միասին» 2010 կրթական ֆորումի շրջանակներում ՀՀ Վարչապետ Տիգրան Սարգսյանի հետ քննարկվել է Հայաստանում երիտասարդների նորարարական գաղափարների հիման վրա մշակված բիզնես ծրագրերին աջակցող կազմակերպության ստեղծման հարցը։

2011 թվականին ճամբարը կազմակերպվել է 3 հոսքով 15 օր տևողությամբ, որին մասնակցել է 1500 հոգի։ Կրթական ֆորումի թեման եղել է Ընտրական մոդելը։

2012 թվականին ճամբարի տևողությունը եղել է 5 օր, որին մասնակցել է 400 հոգի։ Կրթական ֆորումի թեման եղել է Գենդերային հավասարությունը։

2013 թվականին ճամբարի տևողությունը եղել է 5 օր, որին մասնակցել է 300 հոգի^[6]։ Կրթական ֆորումի թեման եղել է Արատավոր երևույթների դեմ պայքարը։

• 
• 
  Միասին երիտասարդական շարժման իրականացրած ֆլեշմոբը Հայաստանում Մարտի 8-ի առթիվ
• 
  Միասին երիտասարդական շարժման իրականացրած ֆլեշմոբը մայրության և գեղեցկության տոնի առթիվ
•