Մերի Ուիքս

Մերի Ուիքս
Ծնվել է	հունիսի 13, 1910
Ծննդավայր	Սենթ Լուիս, Միսսուրի, ԱՄՆ
Մահացել է	հոկտեմբերի 22, 1995 (85 տարեկան)
Մահվան վայր	Լոս Անջելես, ԱՄՆ
Կրթություն	Վաշինգտոնի համալսարան Սենտ Լուիսում և Beaumont High School?
Քաղաքացիություն	ԱՄՆ
Մասնագիտություն	հեռուստատեսային դերասանուհի, ձայնային դերասանուհի, թատրոնի դերասանուհի, կինոդերասանուհի, երգչուհի և դերասանուհի

Մերի Ուիքս (անգլ.` Mary Wickes, Մերի Իզաբել Վիկենհաուզեր (անգլ.՝ Mary Isabelle Wickenhauser), հունիսի 13, 1910(1910-06-13)^[1]^[1]^[2], Սենթ Լուիս, Միսսուրի, ԱՄՆ - հոկտեմբերի 22, 1995(1995-10-22)^[1]^[1]^[2], Լոս Անջելես, ԱՄՆ), ամերիկացի դերասանուհի։

Կենսագրություն

Մերի Ուիքսը ծնվել է Սենթ Լուիս քաղաքում` գերմանական և իռլանդական արմատներ ունեցող ընտանիքում^[4]^[5]։ 18 տարեկանում նա ավարտել է Սենթ Լուիս քաղաքի Վաշինգտոնի համալսարանը, քաղաքագիտության աստիճանով։ 1934 թվականին նա առաջին անգամ հանդես է եկել Բրոդվեյ թատրոնում Ֆենրի Ֆոնդայի հետ «Ֆերմերը կին է ընտրում» բեմադրության մեջ։ Նրա կարիերան սկսվել է 1930-ական թվականների վերջին, և Ուիքսը առաջին գլխավոր դերը խաղացել է 1942 թվականին, «Ընթրիքի եկած մարդը» ֆիլմում։ Նույն թվականին նկատելի դարձավ նրա մարմնավորած դերերը` Բեթթ Դևիսի հետ բուժքրոջ դերը «Առաջ, ճանապարհորդ» դրամայում, ինչպես նաև Էբոտի և Կոստելոի հետ «Ո՞վ արեց դա» կատակերգության մեջ։ Հաջորդ տասնամյակում Մերի Ուիքսը շարունակեց էկրանին հայտնվել երկրորդ պլանի դերերում՝ մարմնավորելով սրամիտ և զվարճալի հերոսուհիների։ 1949 թվականին նա խաղացել է «Մերի Փոփինս» գրքի հեռուստաշոուի ժամանակ։

1950-ականներին Մերի Ուիքսը տեղափոխվել է հեռուստատեսություն, որտեղ նա հետագայում հայտնվել է բազմաթիվ սերիալներում և հեռուստաշոուներում, որոնց թվում են` «Ես սիրում եմ Լյուսիին», «Դորիս Դեյի շոուն», «Դաուլինգի հոր գաղտնիքները» և շատ ուրիշներ։

Իր կինոյի կարիերայի վերջին տարիներին Մերի Ուիքսը առավելապես հայտնի էր իր դերերով`«Բացիկներն անդունդի եզրից» ֆիլմում (1990), որտեղ նա խաղում էր հերոսուհի Շիրլի Մակլեյնի մոր դերը, «Գործիր, քույրիկ» (1992) և «Գործիր քույրիկ 2» (1993) ֆիլմերում, խաղացել է միանձնուհի Մարիա Լազարի դերը։ Իր վերջին կինոնկարից մեկ տարի անց դերասանուհին առողջական լուրջ խնդիրներ ունեցավ։ Նրա մոտ ախտորոշվել են կրծքագեղձի քաղցկեղ, երիկամային անբավարարություն, ստամոքսաաղիքային արյունահոսություն, ծանր հիպոթոնիա, իշեմիկ կարդիոմիոպաթիա և սակավարյունություն, որոնք նրա մահվան պատճառը դարձան։ Նա մահացել է 1995 թվականի հոկտեմբերի 22-ին։ Դերասանուհին թաղվել է ծնողների կողքին՝ Իլինոյսի նահանգի Շիլոխ գյուղում։

Մերի Ուիքսը երբեք չի ամուսնացել, և իր ամբողջ կարողությունը՝ 2 մլն դոլլար և մեծ կալվածք կտակել է հեռուստատեսությանը, կինոյի և թատրոնի գրադարանային հիմնադրամին։

Ծանոթագրություններ

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 Internet Broadway Database — 2000.
↑ ^2,0 ^2,1 ^2,2 ^2,3 ^2,4 Discogs — 2000.
↑ Mary Wickes : Her Life and Legacy — Washington University in St. Louis.
↑ U.S. Census, 1920, State of Missouri, City of St. Louis, enumeration district 410, p. 18-B, family 470.
↑ U.S. Census, 1880, State of Missouri, City of St. Louis, enumeration district 333, p. 160-A, family 147.

Գրականություն

Taravella, Steve. Mary Wickes: I Know I've Seen That Face Before. — Univ. Press of Mississippi, 2013. — (Hollywood Legends Series). — ISBN 9781604739053

Վիքիպահեստն ունի նյութեր, որոնք վերաբերում են «Մերի Ուիքս» հոդվածին։

[_c339eaaa085ecda3-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 Internet Broadway Database — 2000.

[_5b7da06aa0ae2b6d-2] 2,0 ^2,1 ^2,2 ^2,3 ^2,4 Discogs — 2000.

[_efebac06defe11ab-3] Mary Wickes : Her Life and Legacy — Washington University in St. Louis.

[4] U.S. Census, 1920, State of Missouri, City of St. Louis, enumeration district 410, p. 18-B, family 470.

[5] U.S. Census, 1880, State of Missouri, City of St. Louis, enumeration district 333, p. 160-A, family 147.

[1]