Մասնակից:Gevorg Ghazaryan/Միխայիլ Բուշնով
 |
|---|
Միխայիլ Իլյիչ Բուշնով (ռուս.՝ Михаил Ильич Бушнов, ), խորհրդային և ռուս թատերական գործիչ, կինեմոտոգրաֆ, թատրոնի ռեժիսոր, մանկավարժ, հասարակական գործիչ: ԽՍՀՄ ժողովրդական արտիստ (1985):
Կենսագրություն
[խմբագրել | խմբագրել կոդը]Միխայիլ Բուշնովը ծնվել է 1924 թվականի հոկտեմբերի 21-ին Դոնի Ռոստովում՝ ծառայողների ընտանիքում:
1942 թվականի վերջին զորակոչվել է ԲԳԿՀ, մասնակցել է պատերազմին:
1945 թվականի հուլիսից մինչև հոկտեմբերը ծառայել է 37-րդ բանակի անսամբլում, 1945 թվականի հոկտեմբերից մինչև 1946 թվականի հոկտեմբերը՝ 10-րդ մեքենավորված բանակի անսամբլի մենակատար: Զորացրվել է 1947 թվականին:
1951 թվականին ավարտել է Մոսկվայի Բորիս Շուկինի անվան բարձրագույն թատերական ուսումնարանը (այժմ՝ Բորիս Շուկինի անվան թատերական ինստիտուտ): Սովորել է Վերա Լվովայի և Լեոնիդ Շիխմոտովի մոտ:
1951-1957 թվականներին եղել է Ռոստովի կատակերգության թատրոնի դերասան, իսկ 1957-1962 թվականներին՝ Լենինյան կոմերիտմիության անվան Ռոստովի երիտասարդական դրամայի թատրոն, որը ստեղծվել է Կատակերգության թատրոնի բազայում (այժմ՝ Ռոստովի մարզային երիտասարդական ակադեմիական թատրոն):
1962 թվականից՝ Մաքսիմ Գորկիի անվան Ռոստովի դրամայի թատրոն[1]: Թատրոնում գրեթե կեսդարյա աշխատանքի ընթացքում դասական և խորհրդային խաղացանքի ներկայացումներում ստեղծել է մոտավորապես 200 դեր: Որպես ռեժիսոր կազմակերպել է ոչ քիչ թատերախաղեր[2]: Երկար տարիներ եղել է թատրոնի գեղարվեստական խորհրդի անդամ:
1961 թվականից զբաղվել է մանկավարժական գործունեությամբ, դասավանդել է Ռոստովի թատերական ուսումնարանում (այժմ՝ Ռոստովի արվեստների քոլեջ): 1968 թվականից բարձրագույն ուսումնական հաստատություններում դասավանդել է դերասանության վարպետություն: Հրատարակել է դերասանական հինգ կուրս: 1998 թվականից՝ Սանկտ Պետերբուրգի մշակույթի և արվեստների համալսարանի (այժմ՝ Սանկտ Պետերբուրգի պետական մշակույթի համալսարան) մասնաճյուղ գեղարվեստական-ստեղծագործական դիսցիպլինների ամբիոնի պրոֆեսոր: Նրա աշակերտներից են եղել Ալեքսանդր Կայդանովսկին, Նիկոլայ Սորոկինը, Գալինա Ստարոդուբցևա-Բուշնովան, Ալեքսանդր Օլեշնյան, Սերգեյ Լոզովենկոն[3], Նատալյա Գորդինսկայան, Եկատերինա Կիրչակը, հայտնի գրող Իրինա Պոլյանսկայան:
«Թատերական կյանք» ամսագրի և տեղի մամուլի հոդվածների հեղինակ:
1953 թվականից եղել է Ռուսաստանի Դաշնության թատերական գործիչների միության անդամ, 1983-2011 թվականներին՝ այդ միության Ռոստովի բաժնի նախագահ: 1969 թվականից՝ կառավարման անդամ, 1981-ից՝ նախագահական կազմի անդամ, 1986-ից՝ քարտուղարության բյուրոյի անդամ և քարտուղար, 1991-ից՝ Ռուսաստանի Դաշնության թատերական գործիչների միության կառավարման անդամ:
Խորհրդային Միության կոմունիստական կուսակցության անդամ 1959 թվականից:
Միխայիլ Բուշնովը մահացել է 2014 թվականի հունիսի 12-ին Դոնի Ռոստովում՝ 90 տարեկան հասակում[4]: Հուղարկավորված է Հյուսիսային գերեզմանատանը:
Ընտանիք
[խմբագրել | խմբագրել կոդը]- Հայր, Բուշնով Իլյա Նիկոլաևիչ (ծնվ. 1892)
- Մայր, Վոլկովա Ելիզավետա Սերգեևնա (ծնվ. 1898)
- Կին, Բուշնով Գալինա Գիորգիևնա (ծնվ. 1954), Մաքսիմ Գորկիի անվան Ռոստովի դրամայի թատրոնի դերասանուհի, Ռուսաստանի Դաշնության վաստակավոր դերասանուհի
- Որդի, Բուշնով Մաքսիմ Միխայիլովիչ (ծնվ. 1978)
- Որդի, Բուշնով Ալեքսանդր Միխայիլովիչ (ծնվ. 1958)
Կոչումներ և մրցանակներ
[խմբագրել | խմբագրել կոդը]- ՌԽՖՍՀ վաստակավոր արտիստ (15.07.1968)
- ՌԽՖՍՀ ժողովրդական արտիստ (05.09.1974)
- ԽՍՀՄ ժողովրդական արտիստ (11.05.1985)
- Կոնստանտին Ստանիսլավսկիի անվան ՌԽՖՍՀ պետական մրցանակ (1976)[3]
- «Հայրենիքին մատուցած ծառայությունների համար» 4-րդ աստիճանի շքանշան (20.05.2004)[5]
- Հայրենական պատերազմի II աստիճանի շքանշան (1985)
- Ժողովուրդների բարեկամության շքանշան (1981)
- Կարմիր Աստղի շքանշան (1944)
- «Մարտական ծառայությունների» մեդալ (1944)
- «1941-1945 թթ. Հայրենական մեծ պատերազմում Գերմանիայի դեմ տարած հաղթանակի համար» մեդալ (1945)
- Հայրենական մեծ պատերազմի հաղթանակի 20-ամյակ» հոբելյանական շքանշան
- Հայրենական մեծ պատերազմի հաղթանակի 30-ամյակ» հոբելյանական շքանշան
- Հայրենական մեծ պատերազմի հաղթանակի 40-ամյակ» հոբելյանական շքանշան
- Հայրենական մեծ պատերազմի հաղթանակի 50-ամյակ» հոբելյանական շքանշան
- Հայրենական մեծ պատերազմի հաղթանակի 60-ամյակ» հոբելյանական շքանշան
- Հայրենական մեծ պատերազմի հաղթանակի 65-ամյակ» հոբելյանական շքանշան
- Ժուկովի մեդալ
- «ԽՍՀՄ զինված ուժերի 50-ամյակ» մեդալ
- «ԽՍՀՄ զինված ուժերի 60-ամյակ» մեդալ
- «ԽՍՀՄ զինված ուժերի 70-ամյակ» մեդալ
- «Ռոստովի մարզին մատուցած ծառայությունների համար» շքանշան (2013)
- «Տարվա մարդ» «Տարավ դերասան» անվանակարգում (1998)
- «Ռուսաստանի լավագույն դերասան» (2011)
- Ռուսաստանի Դաշնության թատերական գործիչների միութայն 125-ամյակի արծաթե մեդալ:
- Դոնի Ռոստովի պատվավոր քաղաքացի (1997):
Հիշատակ
[խմբագրել | խմբագրել կոդը]- Դերասանի 75-ամյակին «Դոնի դերասաններ» սերիայում հրատարակվել է «Միխայիլ Բուշնով» գիրքը, որը նվիրված է եղել նրա կյանքին և ստեղծագործությանը:
Ծանոթագրություններ
[խմբագրել | խմբագրել կոդը]- ↑ народный артист СССР Михаил Бушнов на сайте РАТД имени Максима Горького
- ↑ Бушнов Михаил Ильич — Ростов-на-Дону
- ↑ 3,0 3,1 Бушнов Михаил Ильич в энциклопедии «Кругосвет»
- ↑ «В Ростове похоронят народного артиста СССР Михаила Бушнова». Արխիվացված է օրիգինալից 2014-09-12-ին. Վերցված է 2014-06-16-ին.
{{cite web}}: Unknown parameter|deadlink=ignored (|url-status=suggested) (օգնություն) - ↑ «Агентство культурной информации». Արխիվացված է օրիգինալից 2012-03-08-ին. Վերցված է 2012-02-06-ին.
{{cite web}}: Unknown parameter|deadlink=ignored (|url-status=suggested) (օգնություն)
Արտաքին հղումներ
[խմբագրել | խմբագրել կոդը]- Михаил Бушнов на сайте Ростовского театра драмы
- Михаил Бушнов: Люблю ростовского зрителя
- [https://web.archive.org/web/20160304070651/http://tvtambov.ru/?p=8977 V Межрегиональный театральный фестиваль им. Н. Х. Рыбакова (г. Тамбов). Интервью
нар. арт. СССР М. И. Бушнова и засл. арт. РФ Н. Н. Гординской. ТК «Новый век» 18. 05. 2011]