Ճնճղուկներ

Թագավորություն	Կենդանիներ
Տիպ	Քորդավորներ
Դաս	Թռչուններ
Կարգ	Ճնճղուկանմաններ
Ընտանիք	Ճնճղուկներ

Լատիներեն անվանում

Passeridae
Sundevall, 1836

Դասակարգումը
Վիքիցեղերում

Պատկերներ
Վիքիպահեստում

ITIS 179626
NCBI 135446

Ճնճղուկներ (լատին․՝ Ploceidae), ճնճղուկանմանների կարգի թռչունների ընտանիք։

Հայտնի է 200, Հայաստանում՝ 6 տեսակ՝ դաշտային ճնճղուկ, ժայռային ճնճղուկ, իսպանական ճնճղուկ, կարճամատ ճնճղուկ, ձյան ճնճղուկ, տնային ճնճղուկ։ Ձագուկները ձվից դուրս գալուց 10 օր հետո դուրս են թռչում բնից։ Ընդհանրապես ճնճղուկները սնվում են սերմերով, հատիկներով ու փշրանքներով։ Ճնճղուկների կյանքի տևողությունը կազմում է մոտ 1-2 տարի։ Ճնճղուկը կարող է ընդամենը 2 օր սոված մնալ։ Ճնճղուկները շատ թեթև են կշռում` մոտավորապես 20-35 գրամ։ Ճնճղուկների սիրտը շատ արագ է բաբախում, մարդու սրտից մոտ 10 անգամ ավելի արագ։ Մեկ ամառվա ընթացքում հասցնում են 2 անգամ ձու դնել , ամեն անգամ միջինը 5-7 ձու։ Ճնճղուկը թուխս է նստում 13 օր։

Արտաքին կառուցվածք

Մարմինն ամրակազմ է, երկարությունը՝ 7,6—30 սմ։ Թևերի երկարությունը՝ 14-17 սմ, կենդանի զանգվածը՝ 20-35 գ։ Փետրածածկը խիտ է՝ բաց մոխրագույն, շագանակագույն, դեղնադարչնագույն՝ սպիտակ գծերով։ Գլուխը կլորավուն է, պարանոցը՝ կարճ, կտուցը՝ սուր կոնաձև։ Թևերը կարճ են, կլորավուն։ Գունավորումը կախված է բնակավայրից։

Հանդիպում են Աֆրիկայում, որը նրանց կենտրոնական բնակատեղին է, Եվրոպայում, Ասիայում, Ավստրալիայում։

Դասակարգում

Ճնճղուկների ընտանիքը նեռառում է 17 ցեղ՝

Amblyospiza albifrons
Anaplectes
Anomalospiza
Brachycope
Bubalornis
Dinemellia
Euplectes
Foudia
Histurgops
Malimbus
Philetairus
Plocepasser
Ploceus
Pseudonigrita
Quelea
Sporopipes

Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։