Հուսեյին Ավնի Մութլու

	Հուսեյին Ավնի Մութլու
Կրթություն՝	Ստամբուլի համալսարանի իրավաբանական ֆակուլտետ
Մասնագիտություն՝	քաղաքական գործիչ
Ծննդյան օր	1956
Ծննդավայր	Ֆընդըքլը, Ռիզեի մարզ, Թուրքիա
Քաղաքացիություն	Թուրքիա
Hüseyin Avni Mutlu

Հուսեյին Ավնի Մութլու (թուրքերեն՝ Hüseyin Avni Mutlu, ծնվ. 1956, Ֆընդըքլը, Ռիզեի մարզ, Թուրքիա), թուրք քաղաքական գործիչ։ 2010- 2014 թվականներին զբաղեցրել է Ստամբուլի մարզապետի պաշտոնը։ Մինչ այդ եղել է նաև Սղերդի և Դիարբեքիրի մարզպետ։

Կենսագրություն

Ծնվել է 1956 թվականին Ֆընդըքլը քաղաքում։ Ընտանիքը բաղկացած է եղել չորս երեխաներից։ Տարրական կրթությունը ստացել է Ֆաթիհում։ Ավարտել է Ստամբուլի համալսարանը։

Աշխատել է Գերեդե և Քարղը քաղաքների քաղաքապետի տեղակալի պաշտոնում։ 1988 թվականին նշանակվել է Բույուքօրհանի քաղաքապետ։

1991 թվականին մեկնել է ԱՄՆ, որտեղ մեկ տարվա ընթացքում սովորել է անգլերեն։ Թուրքիա վերադարձից հետո նշանակվել է Սիլոպիի քաղաքապետ։ Այդ պաշտոնին մնացել է մինչ 1994 թվականը։ 1994- 1995 թվականներին եղել է Շըրնաքի մարզի փոխմարզպետ։ 1997- 2002 թվականներին եղել է Էջեաբաթի քաղաքապետ։ 2003- 2005 թվականներին եղել է Բաղջըլարի քաղաքապետ։

2005- 2007 թվականին եղել է Սիիրթի մարզպետ, իսկ 2007- 2010 թվականներին եղել է Դիարբեքիրի մարզպետ։ 2010- 2014 թվականներին եղել է Ստամբուլի մարզպետ։

Ձերբակալություն

2016 թվականին հուլիսի 17-ին կասկածվեց հուլիսի 15-ին տեղի ունեցած հեղաշրջման փորձի կազմակերպման մեջ։ Նրան նաև կասկածում էին Ֆեթուլլահ Գյուլենի հետ ունեցած կապի մեջ։ Սակայն հուլիսի 26-ին բավարար ապացույցներ չլինելու պատճառով ազատ են արձակում։ Այդուհանդերձ օգոստոսի 5-ին ձերբակալվում է՝ մեղադրվելով Թուրքիայի օրինական իշխանության տապալման փորձի համար։

Անձնական կյանք

Մութլուի կինը պատմության ուսուցչուհի է։ Ունի երկու որդի։

Վիքիպահեստն ունի նյութեր, որոնք վերաբերում են «Հուսեյին Ավնի Մութլու» հոդվածին։