Թագավորական ինժեներական ակադեմիա

Թագավորական ինժեներական ակադեմիա;
Տեսակ	մասնագիտական միություն և engineering society?
Երկիր	Միացյալ Թագավորություն
Հիմնադրված	1976
Գլխադասային գրասենյակ	Լոնդոն, Միացյալ Թագավորություն
Պաշտ. լեզու(ներ)	անգլերեն
Անձնակազմ	▲130 մարդ (2021)
Կայք	raeng.org.uk

Թագավորական ինժեներական ակադեմիա (անգլ.՝ Royal Academy of Engineering), բրիտանական կրթական-լուսավորչական կազմակերպություն բնական գիտությունների բնագավառում։

Պատմություն

Ակադեմիան հիմնադրվել է 1976 թվականին և ի սկզբանե կոչվել է «Ինժեներների ընկերակցություն»։ Թագավորական հրովարտակը հրապարակվել է 1983 թվականին, «Թագավորական ինժեներական գիտությունների ակադեմիա» անվանումն ընդունվել է 1992 թվականին։

Ակադեմիայի գործունեություն

Աջակցություն ինժեներիային վերաբերող ազգային կարգավորման զարգացմանը
Աջակցություն ինժեներական ուսումնառությանը
Աջակցություն ինժեներական հետազոտություններին
Լուսավորչական գործունեություն

Այս պահին Ակադեմիայի նախագահի պաշտոնը զբաղեցնում է լորդ Բրաունի Մեդինգլին (անգլ.՝ Lord Browne of Madingley ): Ակադեմիան գտնվում է արքայազն Ֆիլիպի` Էդինբուրգի դուքսի հովանավորության ներքո։ Ակադեմիան հրատարակում է «Ingenia» ամսագիրը, ինժեներական տարբեր ոլորտներին վերաբերվող ոգևորիչ հոդվածներով։

Պարգևներ

Ակադեմիայի կողմից շնորհվող մեդալներ և մրցանակներ^[2]`

Մակրոբերտի ամենամյա մրցանակ (1969 թվականից) - բարձրագույն պարգևը £50,000 դրամական մրցանակով
Ինժեներ-էլեկտրիկների ամենամյա մրցանակ (2006 թվականից) - դրամական մրցանակ £10,000 գումարած £30,000 գաղափարի ներդրման համար։
Ինժեներիայի բնագավառում նվաճումների համար, ամենամյա հատուկ մրցանակ։
Էներգոխնայողական տեխնոլոգիաների համար (2005 թվականից) ամենամյա մրցանակ։
Սըր Ջորջ Մակֆարլենի մրցանակ երիտասարդ ինժեներներին (2008 թվականից)։
Արքայազն Ֆիլիպի Ոսկե մեդալ (1991 թվականից` երկու տարին մեկ անգամ)։
Արծաթյա նախագահական մեդալ (1987 թվականից)։
Սըր Ֆրենկ Ուիթլի ամենամյա մեդալ (2002 թվականից)։
Միջազգային մեդալ։
Ամենամյա Արծաթե մեդալ (1994 թվականից)։
Ռուկի ամենամյա մեդալ ինժեներիայի մասսայականացման համար (2002 թվականից)։
Ելիզավետա II թագուհու մրցանակ ինժեներական գործի բնագավառում (2013 թվականից)։

Բացի այդ, ամեն տարի Մեծ Բրիտանիայի ուսանող-ինժեներներից ընտրվում են Առաջնորդական մրցանակի մի քանի դափնեկիրներ։

BEST ծրագիր

Ակադեմիան համակարգում և կոորդինացնում է BEST (Bette engineering, sciense, technology) ծրագիրը, որն ուղղված է ինժեներիայի և տեխնոլոգիական գիտությամբ զբաղվող բոլոր տարիքի երիտասարդների հավաքագրմամբ։ Ծրագրի ակտիվ գործընկերներից են նաև Airbus ավիաշինական ընկերությունը և Գատսբի Բարեգործական ֆոնդը (անգլ.՝ Gatsby Charitable Foundation): Ներկայումս ծրագրի շրջանակներում իրականացվում են 9 տարբեր ուղղություններով գիտական աշխատանքներ, որոնցից «Մեկ տարի արդյունաբերությունում» ենթածրագիրը հնարավորություն է տալիս երիտասարդ մարդկանց մեկ տարի պրակտիկա անցկացնել ձեռնարկություններում, մինչև ինստիտուտ ընդունվելը։

Անդամակցություն ակադեմիայում

Ակադեմիան հրավիրում է Մեծ Բրիտանիայի առավել նշանավոր ինժեներներին։ Ամեն տարի ակադեմիայի իսկական անդամների ներկայացմամբ ընտրվում և ընդունվում են շուրջ 60 նոր անդամներ։ Ակադեմիայի պատվավոր անդամները և արտասահմանյան անդամները ընդունվում են ընտրության հիմունքներով։ 1976 թվականին 137 ինժեներների անդամակցության առաջարկություն է արվել, որոնցից 129-ը ընդունել են հրավերը։ 2011 թվականի փետրվարին ակադեմիայում հաշվառված էին 1390 իսկական անդամներ։ Ակադեմիայի անդամները կոչվում են FREng (Fellow of The Royal Academy of Engineering):

Ակադեմիայի նշանավոր անդամներ

Վլադիմիր Եվգենևիչ Ֆորտով (РАН փոխնախագահ) - ակադեմիայի արտասահմանյան անդամ 2003 թվականից^[3]։
Բրայան Սպոլդինգ (РАН արտասահմանյան անդամ) - ակադեմիայի իսկական անդամ 1989 թվականից։
Ջոն Ֆոքս Ուիլյամս (Քեմբրիջի համալսարանի պրոֆեսոր, Կոնկորդ գերձայնային ուղևորատար ինքնաթիռի ստեղծողներից մեկը) - ակադեմիայի իսկական անդամ 1988 թվականից։
Մորիս Ուիլկս (համակարգչային գիտության բնագավառի բրիտանացի գիտնական) -1976 թվականին անդամակցության համար առաջին 129 հրավիրվածներից մեկը
Էնն Դոուլինգ (Քեմբրիջի ինժեներական դեպարտամենտի ղեկավար^[4]) - ակադեմիայի իսկական անդամ 1996 թվականից, ակադեմիայի նախագահ (1999-2002)

Ծանոթագրություններ

↑ ROR Data — v1.19 — 2023. — doi:10.5281/ZENODO.7644942
↑ «Prizes». The Royal Academy of Engineering. Արխիվացված է օրիգինալից 2012 թ․ հուլիսի 22-ին.
↑ «Академик Владимир Фортов избран членом Королевской Инженерной Академии Великобритании». Российская Академия Наук. 24.11.2003.
↑ «Professor Dame Ann Dowling to head Cambridge University Engineering Department». cambridgenetwork.co.uk. 2-10-2009.(չաշխատող հղում)

Արտաքին հղումներ

Պաշտոնական կայք

[_e6a2aff9c941464f-1] ROR Data — v1.19 — 2023. — doi:10.5281/ZENODO.7644942

[2] «Prizes». The Royal Academy of Engineering. Արխիվացված է օրիգինալից 2012 թ․ հուլիսի 22-ին.

[3] «Академик Владимир Фортов избран членом Королевской Инженерной Академии Великобритании». Российская Академия Наук. 24.11.2003.

[4] «Professor Dame Ann Dowling to head Cambridge University Engineering Department». cambridgenetwork.co.uk. 2-10-2009.(չաշխատող հղում)

[1]