Էրլ Լեոնարդ Նելսոն

Էրլ Լեոնարդ Նելսոն
Էրլ Լեոնարդ Նելսոն
Ծննդյան ամսաթիվ	մայիսի 12, 1897
Ծննդավայր	Սան Ֆրանցիսկո, Կալիֆոռնիա, ԱՄՆ
Քաղաքացիություն	ԱՄՆ
Մահվան ամսաթիվ	հունվարի 13, 1928 (30 տարեկան)
Մահվան վայր	Վինիպեգ, Կանադա
Մահվան պատճառ	կախաղան հանելը
Պատիժ	մահապատիժ
Սպանություն

Էրլ Լեոնարդ Նելսոն (անգլ.՝ Earle Leonard Nelson, մայիսի 12, 1897(1897-05-12), Սան Ֆրանցիսկո, Կալիֆոռնիա, ԱՄՆ - հունվարի 13, 1928(1928-01-13), Վինիպեգ, Կանադա), ամերիկացի սերիական մարդասպան։

Կենսագրություն

Նելսոնի մանկությունը եղել է դժվար։ Նելսոնի ծնողները մահացել է սիֆիլիսից, երբ Նելսոնը եղել է ընդամենը երկու տարեկան։ Երեխայի դաստիարակությամբ զբաղվել է մայրական տատը՝ որը եղել է հոգեգալստության հետևորդը^[1]։ 10 տարեկան հասակում Նելսոնը հեծանիվ վարելիս ընկել է տրամվայի տակ և դժբախտ պատահարից հետո վեց օր մնացել անգիտակից վիճակում։ Ապաքինվել է, սակայն նրա վարքագիծը դարձել է անկայուն, նրան տանջել են գլխացավերը և տառապել է հիշողության կորստով^[2]։ Տատիկի մահից հետո Նելսոնին մեծացրել է մորաքույր Լիլիանը^[3]։

Նելսոնը վաղ խնդիրներ ուներ օրենքի հետ։ 1915 թվականին դատապարտվել է երկու տարվա ազատազրկման Սան Քվենտինի բանտում^[3]։ Ավելի ուշ Էրլը տեղափոխվեց Նապայի հոգեբուժարան՝ Միացյալ Նահանգների նավատորմում կարճատև աշխատանքի ժամանակ անկանոն և ոչ պատշաճ պահվածքի պատճառով։ Նելսոնին հաջողվել է երեք անգամ փախչել հիվանդանոցից, մինչ հիվանդանոցի անձնակազմը դադարեցրել է նրան հիվանդանոց վերադարձնելու փորձերը։

21 տարեկանում փորձել է բռնաբարել 12-ամյա Մերի Սամերսին, բայց աղջիկը բղավել է, Նելսոնին բռնել և նորից տեղափոխել Նապայի հոգեբուժարան^[4]։ Բուժումից, մի քանի փախուստից և փախուստի անհաջող փորձերից հետո 1925 թվականին ազատ է արձակվել։

1926-1927 թվականներին սպանել է մի շարք կանանց։ Նրա առաջին զոհը եղել է՝ Կլարա Նոյմանը, սպանվել է 1926 թվականի փետրվարի 20-ին։ Երկու շաբաթ անց նրա երկրորդ զոհը եղել է Լաուրա Բիլն^[3]։ Մարդասպանի զոհերը հիմնականում եղել են տնային տնտեսուհիներ, որոնց հանդիպել է վարձով բնակարան փնտրելու պատրվակով։ Շատ հաճախ իր հետ տանում և ցուցադրաբար կարդում էր Աստվածաշնչի բավականին մաշված հատորը, որը հանդարտեցրել է իր ապագա զոհերի զգոնությունը։ Ստանալով նրանց վստահությունը՝ նա ամենից հաճախ խեղդամահ է արել նրանց, իսկ հետո դիակների հետ նեկրոֆիլ գործողություններ է կատարել^[3]։ Դիերը հիմնականում թաքցված են եղել մոտակա մահճակալի տակ^[5]։

Կեղծ ինքնությունը օգտագործելով և սպանությունից հետո արագ անհետանալով՝ Նելսոնին հաջողվել է 18 ամիս խուսափել գերությունից։ Այս ժամանակահատվածում նա թիրախավորել է ավելի քան 20 կանանց Արևմտյան ափի մի քանի քաղաքներում (ներառյալ Սան Ֆրանցիսկո, Սան Խոսե և Պորտլենդ), Միջին Արևմուտքում ինչպես նաև Կանադայում։ Ոստիկանությանը խանգարել է այն, որ սերիական սպանություններն այն ժամանակ համեմատաբար անհայտ երևույթ են եղել։ Հանցագործությունների բացահայտումը դանդաղել է նաև մի շարք սխալ ձերբակալություններով։ 1926 թվականի մարտի 2-ին Սան Խոսեում Լաուրա Բիլի սպանությունից չորս օր անց ոստիկանությունը ձերբակալել է ավստրիացի Ջո Կեսեսեկին՝ «կասկածելի» գործելու և Նելսոնին նման հագուստ կրելու համար։ Սթիվեն Նիսբեթը երկու օր բանտում է անցկացրել կնոջ՝ Մերիի սպանությունից հետո։ 1926 թվականի օգոստոսի 19-ին Իզաբել Գալեգոսի սպանությունից երկու օր անց ձեռբակալվել է ռուս ներգաղթյալ Սլիվկովը, բայց հետո ազատ է արձակվել^[6]։

Նելսոնը երկու անգամ ձերբակալվել է Կանադայում, որտեղ ընդհատվել է նրա հանցագործությունների շարանը։ Առաջին անգամ ձերբակալվել է 1927 թվականի հունիսի 15-ին, Մանիտոբայի սահմանամերձ Վակոպա քաղաքում, երկու կանանց սպանությունից անմիջապես հետո՝ 14-ամյա Լոլա Քաուանի, որի քայքայված մարմինը հայտնաբերվել է Նելսոնի վարձակալած սենյակում, և տնային տնտեսուհի Էմիլի Փաթերսոնի։ Պատերսոնը դարձել է մարդասպանի հինգերորդ զոհը ընդամենը 10 օրվա ընթացքում։ Նելսոնը բանտարկվել է տեղի բանտում՝ ոստիկանությանը տալով Վիրգիլ Ուիլսոն կեղծ անունը։ Հանցագործը նույն օր�� երեկոյան փախել է բանտից։ Սակայն Նելսոնը սխալ է թույլ տվել՝ փորձելով նստել գնացք, որտեղ գտնվել են Վինիփեգի ոստիկաններ, և հաջորդ առավոտյան կրկին ձերբակալվել է^[7]։

Նրա գործով դատավարությունը սկսվել է 1927 թվականի նոյեմբերի 1-ին։ Թեև Նելսոնի փաստաբան Ջեյմս Հերբերտ Սթիթը փորձում էր պնդել, որ իր պաշտպանյալը հոգեկան հիվանդ է և չի կարող պատասխանատվություն կրել իր հանցագործությունների համար, երդվյալ ատենակալները Էրլ Նելսոնին մեղավոր են ճանաչել։

Նելսոնին կախաղան են հանել Վինիփեգի բանտում 1928 թվականի հունվարի 13-ին առավոտյան ժամը 7:30-ին։ Նրա վերջին խոսքերը՝ «Ես ներում եմ նրանց, ովքեր ինձ վնասել են»։

Ծանոթագրություններ

↑ Gibson, 2006, С. 29-30.
↑ Gibson, 2006, С. 30.
↑ ^3,0 ^3,1 ^3,2 ^3,3 Gribben, Earle Leonard Nelson.
↑ Gibson, 2006, С. 31.
↑ Gibson, 2006, С. 33-34.
↑ Gibson, 2006, С. 35.
↑ Gibson, 2006, С. 36.

Արտաքին հղումներ

Gibson, Dirk C. (2006), Serial Murder and Media Circuses, Westport, CT: Praeger, ISBN 0-275-99064-8.
Gribben, Mark, Earle Leonard Nelson: The Dark Strangler, truTV Crime Library.
«Кровавый путь «Гориллы»». Загадочные преступления прошлого. Վերցված է 2012 թ․ դեկտեմբերի 2-ին.{{cite web}}: CS1 սպաս․ url-status (link)

[1] Gibson, 2006, С. 29-30.

[2] Gibson, 2006, С. 30.

[multiple-3] 3,0 ^3,1 ^3,2 ^3,3 Gribben, Earle Leonard Nelson.

[4] Gibson, 2006, С. 31.

[5] Gibson, 2006, С. 33-34.

[6] Gibson, 2006, С. 35.

[7] Gibson, 2006, С. 36.

[1]