Երգեցողության ուսուցիչը
 ռուս.՝ Учитель пения | |
|---|---|
| Երկիր |  ԽՍՀՄ |
| Ժանր | կինոկատակերգություն, երաժշտական ֆիլմ և մելոդրամա |
| Թվական | 1972 |
| Լեզու | ռուսերեն |
| Ռեժիսոր | Նաում Բիրման |
| Սցենարի հեղինակ | Էմիլ Բրագինսկի |
| Դերակատարներ | Անդրեյ Պոպով, Լյուդմիլա Իվանովա, Իրինա Ալֆյորովա, Եվգենի Եվստիգնեև և Ալեքսանդր Դեմյանենկո |
| Օպերատոր | Ալեքսանդր Չիրով |
| Երաժշտություն | Վենիամին Բասներ |
| Կինոընկերություն | Լենֆիլմ |
«Երգեցողության ուսուցիչը» (ռուս.՝ «Учитель пения»), խորհրդային գեղարվեստական ֆիլմ, որը նկարահանվել է 1972 թվականին ռեժիսոր Նաում Բիրմանի կողմից[1][2][3]։
Սյուժե
[խմբագրել | խմբագրել կոդը]Երախտագետ սաները երգեցողության ուսուցչին նվիրում են կարմրահեր շուն Տինգին, որին նա բերում է իր փոքր բնակարան, որտեղ ապրում է կնոջ և երեխաների հետ։ Սոլոմատինի ընտանիքի բնակարանային հարցում փոփոխություններ են տեղի ունենում․ եկել է նոր բնակտարածք ստանալու իրենց հերթը։ Բայց այդ պահին շունն անհետանում է, և Եֆրեմ Նիկոլաևիչը անկեղծորեն կարծում է, որ շունը ինքնուրույն չի գտնի իրենց նոր տունը։ Այդ պատճառով նա, իսկ հետո նաև նրա ամբողջ ընտանիքը և սաները վերադառնում են իրենց հին բնակարան։
Զուգահեռաբար ընթանում է սյուժետային գիծ․ երգչախմբի նախապատրաստվում է դիտման, հեռանում է մենակատարը, հայտնվում է նորը։
Դերերում
[խմբագրել | խմբագրել կոդը]- Անդրեյ Պոպով – Եֆրեմ Նիկոլաևիչ Սոլոմատին
- Անդրեյ Դմիտրիև – Անդրեյ Վիշնյակով, երգչախմբի մենակատար
- Յակով Ստեպանով – Շուրա
- Լյուդմիլա Իվանովա – Կլավդիա Պետրովնա Սոլոմատինա, Սոլոմատինի կինը
- Իրինա Ալֆյորովա – Թամարա, Սոլոմատինի դուստրը
- Կոնստանտին Կոշկին – Դիմա, Սոլոմատինի որդին
- Եվգենի Եվստիգնեև – բնակարանային տեսուչ
- Լյուդմիլա Արինինա – Նատալյա Ստեպանովնա, ուսմասվար
- Ալեքսանդր Դեմյանենկո – Վալերի Սերգեևիչ, Թամարայի փեսացուն, ֆոտոֆաբրիկայի փոխտնօրեն
- Գեորգի Շտիլ – վարսահարդար, Անդրեյ Վիշնյակովի հայրը
- Իրինա Մուրզաևա – Միլայի տատը
- Օլգա Վոլկովա – Միլայի մայրը
- Մարինա Պոլբենցևա – կին-ավտոմոբիլիստ
- Վիկտոր Իլիչյով – Սենյա
- Նիկոլայ Բոյարսկի – հանձնաժողովի նախագահ
- Վերա Տիտովա – տիկին վարսավիրանոցում
- Միխայիլ Դևյատկին – հանձնաժողովի անդամ
- Եվգենյա Սաբելնիկովա – Նատաշա, Դիմայի հարսնացուն
Նկարահանող խումբ
[խմբագրել | խմբագրել կոդը]- Սցենարի հեղինակ՝ Էմիլ Բրագինսկի
- Բեմադրող ռեժիսոր՝ Նաում Բիրման
- Օպերատոր` Ալեքսանդր Չիրով
- Կոմպոզիտոր` Վենիամին Բասներ
- Երգերի տեքստի հեղինակ՝ Ալեքսանդր Գալիչ (լուսագրերում նշված չէ)
Երաժշտություն
[խմբագրել | խմբագրել կոդը]Ֆիլմում հնչում են հետևյալ երգեր․
- «В углу старинные часы» (երգչախումբ)
- «Эхо» (երգչախումբ), Օռլադո դի Լասսո
- «С чего начинается Родина» (երգչախումբ)
- «Попутная песня», Միխայիլ Գլինկա (երգչախումբ)
- «Клён», Սերգեյ Եսենինի բանաստեղծության հիման վրա (Անդրեյ Պոպով)
- «Щенок по имени Пёс» (երգչախումբ)
- «Кораблик детства» (տղան դաշնամուրի մոտ)
Ֆիլմի ստեղծում
[խմբագրել | խմբագրել կոդը]Ֆիլմը նկարահանվել է Վիբորգում։
Իրինա Ալֆյորովային թույլ չեն տվել մասնակցել հնչյունավորել, և նրա դերը հնչյունավորել է մեկ այլ դերասանուհի։ Նկարահանումների ժամանակ նա դեռ ինստիտուտի ուսանող էր, ուսանողներին արգելվում էր կինոյում նկարահանվել ուսման ժամանակ[4]։
Բնակվարչության տեսուչի դերի համար Եվգենի Եվստիգնեևը հատուկ ժամանել է Լենինգրադ մեկ օրով։
Մանկական երգչախմբի մասնակիցներին մարմնավորել են Լենինգրադի կապելլային կից երգչախմբային ուսումնարանի սաները[4]։ Սկզբնական սցենարում մանկական դերերը նախատեսված են եղել տղաների համար։ Սակայն ռեժիսորը ճշգրտումներ է մտցրել սցենարի մեջ և դեր է գրել Միլա Վասյուտինսկայայի համար, որը խաղացել է նրա նախորդ՝ «Կախարդական ուժ» (ռուս.՝ «Волшебная сила») ֆիլմում։
«Щенок по имени Пёс» երգի նոտաներն արգելվել են հրապարակման այն այն պատճառով, որ տեքստը գրել է Ալեքսանդր Գալիչը (լուսագրերում նշված չէ)։ Ֆիլմի թողարկման պահին Գալիչի ստեղծագործությունների հրապարակումն արգելված էր։ Արգելվել է նրա ամողջ ստեղծագործությունը, այդ թվում՝ շնիկի մասին երգը։ Երգի նոտաներն ու տեքստը հրապարակվել են 1995 թվականին[4]։
Ֆիլմի սկզբում շնիկին և ֆիլմի վերջում շանը մարմնավորել է նույն Տինգ շունը։ Նկարահանումների ավարտից հետո նրան իր տուն է տարել Վենիամին Բասները[4]։
Ծանոթագրություններ
[խմբագրել | խմբագրել կոդը]- ↑ «Фестиваль телесериалов "Пилот" открылся в Иваново — Российская газета». rg.ru. Վերցված է 2020 թ․ փետրվարի 2-ին.
- ↑ «Шурик и не только: 80 лет назад родился Александр Демьяненко — РТ на русском». russian.rt.com. Վերցված է 2020 թ․ փետրվարի 2-ին.
- ↑ «Российская актриса Людмила Иванова. Биография - Биографии и справки - ТАСС». tass.ru. Վերցված է 2020 թ․ փետրվարի 2-ին.
- ↑ 4,0 4,1 4,2 4,3 «Как снимали фильм «Учитель пения»». Արխիվացված է օրիգինալից 2014 թ․ սեպտեմբերի 11-ի��. Վերցված է 2011 թ․ դեկտեմբերի 2-ին.
|
