Արթուր Գևորգյան (զինծառայող)

Վիքիպեդիայում կան հոդվածներ Գևորգյան ազգանունով այլ մարդկանց մասին։

Արթուր Գևորգյան
հունիսի 24, 1997(1997-06-24)[1] - ապրիլի 2, 2016(2016-04-02) (18 տարեկան) կամ ապրիլի 4, 2016(2016-04-04)[1] (18 տարեկան)
Ծննդավայր	Աբովյան, Կոտայքի մարզ, Հայաստան[1] կամ Հայաստան
Մահվան վայր	Ջաբրայիլ, Ադրբեջան կամ Հադրութի շրջան, Արցախ[1]
Քաղաքացիություն	Հայաստան
Զորատեսակ	Արցախի պաշտպանության բանակ
Մարտեր/ պատերազմներ	Արցախա-ադրբեջանական սահմանային պատերազմ (2016)
Պարգևներ	և

Արթուր Գառնիկի Գևորգյան(հունիսի 24, 1997(1997-06-24)^[1], Աբովյան, Կոտայքի մարզ, Հայաստան^[1] և Հայաստան - ապրիլի 2, 2016(2016-04-02) կամ ապրիլի 4, 2016(2016-04-04)^[1], Ջաբրայիլ, Ադրբեջան և Հադրութի շրջան, Արցախ^[1]), զինծառայող, շարքային, քառօրյա պատերազմի մասնակից։

Արթուր Գևորգյանը ծնվել է 1997 թվականի հունիսի 24-ին Կոտայքի մարզի Աբովյան քաղաքում^[2]։ Սովորել է Աբովյանի թիվ 1 դպրոցում, որն ավարտելուց հետո աշխատանքի նպատակով ��եկնել է Ռուսաստան^[3]։ 2015 թվականին վերադարձել է Հայաստան, պարտադիր զինծառայության անցել Արցախի Ջաբրայիլ բնակավայրում, եղել է ավագ-գնդացրորդ։ 2016 թվականի ապրիլի 2-ին մարտական գործողությունների ժամանակ զոհվել է 9-րդ ՊՇ 115 մարտական դիրքը պաշտպանելիս։ Արթուրի մարմինը մի քանի օր անց «Կարմիր խաչի» միջամտությամբ վերադարձվել է հայկական կողմին^[4]։

Հոգեհանգիստը տեղի է ունեցել 2016 թվականի ապրիլի 5-ին՝ ժամը 17:00-ին, իսկ հուղարկավորությունը՝ 2016 թվականի ապրիլի 6-ին՝ ժամը 13:30-ին Կոտայքի մարզի Աբովյանի եկեղեցում։

Արթուր Գառնիկի Գևորգյանը հետմահու պարգևատրվել է ՀՀ Նախագահի կողմից «Արիության համար» և Արցախի նախագահի կողմից «Մարտական ծառայություն» մեդալներով։

Նրա հիշատակին նվիրված Աբովյանի թիվ 1 դպրոցում դասասենյակ է բացվել և բակում ցայտաղբյուր է կանգնեցվել։

• «Մեզ պաշտպանելով զոհվեց մեր հերոսը». Արթուր Գևորգյան