Ավետիս Բարսեղյան

Վիքիպեդիայում կան հոդվածներ Բարսեղյան ազգանունով այլ մարդկանց մասին։

Ավետիս Բարսեղյան
Ծնվել է	հուլիսի 19, 1949(1949-07-19) (75 տարեկան)
Ծննդավայր	Երևան, Հայկական ԽՍՀ
Քաղաքացիություն	ԽՍՀՄ և  Հայաստան
Կրթություն	Երևանի պետական գեղարվեստա-թատերական ինստիտուտ (1975)
Մասնագիտություն	բեմանկարիչ
Պարգևներ	Հայաստանի վաստակավոր նկարիչ և Հայաստանի մշակույթի նախարարության ոսկե մեդալ

Ավետիս Բարսեղյան (հուլիսի 19, 1949(1949-07-19), Երևան, Հայկական ԽՍՀ), հայ բեմանկարիչ։ Հայաստանի վաստակավոր նկարիչ (2011)^[1]։

Ավետիս Բարսեղյանը ծնվել է 1949 թվականի հուլիսի 19-ին Երևանում։ 1957-1968 թվականներին սովորել է Չայկովսկու անվան միջնակարգ դպրոցում, իսկ 1970-1975 թվականներին՝ Գեղարվեստա-թատերական ինստիտուտի դիզայնի բաժնում։ 1980-1988 թվականներին եղել է Ա. Սպենդիարյանի անվան օպերայի և բալետի ազգային ակադեմիական թատրոնի նկարչական արտադրամասի վարիչը, իսկ 1988-1995 թվականներին՝ գլխավոր նկարիչը^[2]։

1995-1997 թվականներին՝ ՌԴ «Պրեմիերա» միավորման գլխավոր նկարիչ^[2]։

1999 թվականից՝ Ա. Սպենդիարյանի անվան օպերայի և բալետի ազգային ակադեմիական թատրոնի գլխավոր նկարիչ^[2]։

• «Արտավազդ» մրցանակ՝ որպես տարվա լավագույն ներկայացում (2010)
• Հայաստանի վաստակավոր նկարիչ (2011)
• Հայաստանի մշակույթի նախարարության ոսկե մեդալ (2017)^[3]