Աննիչկա

Աննիչկա
Երկիր	ԽՍՀՄ
Ժանր	դրամա
Թվական	1968
Լեզու	ռուսերեն
Ռեժիսոր	Բորիս Իվչենկո
Սցենարի հեղինակ	Վիկտոր Իվչենկո
Օպերատոր	Նիկոլայ Կուլչիցկի
Երաժշտություն	Վադիմ Հոմոլյակա
Կինոընկերություն	Կիևի Ալեքսանդր Դովժենկոյի անվան կինոստուդիա
Տևողություն	83 րոպե

«Աննիչկա» (ուկրաիներեն՝ Анничка), խորհրդային սև-սպիտակ գեղարվեստական ֆիլմ, որը նկարահանել է ռեժիսոր Բորիս Իվչենկոն 1968 թվականին Ա. Դովժենկոյի անվան կինոստուդիայում^[1][2]։

1969 թվականի վարձույթում ֆիլմը զբաղեցրել է 19-րդ տեղը՝ 25,1 մլն հանդիսատես։

Ֆիլմի գործողությունները տեղի են ունենում Արևմտյան Ուկրաինայում Երկրորդ համաշխարհային պատերազմի ժամանակ։ Ներկայացվում է գուցուլուհի Աննիչկայի ողբերգական պատմությունը, որը Կարպատյան անտառներում տեղի ունեցած մարտերի վայրերում գտել է վիրավորված խորհրդային զինվոր Անդրեյին, թաքցրել է նրան, խնամել և օգնել նրան ոտքի կանգնել։ Ու սիրահարվել է նրան։

Նրա փեսացուն՝ ապագա ամուսինը, դարձել է պոլիցայ, ֆաշիստների ստորաքարշ հետևորդ, բազմաթիվ հայրենակիցներից մահվան մեղավոր։ Աննիչկան գերությունից փրկում է Անդրեյին և որոշում է սիրելիի հետ փախչել պարտիզանների մոտ, սակայն նրանց ճանապարհին կանգնում է հարազատ հայրը։ Աննիչկայի հայրը, որը հարուստ մարդ է, ամեն կերպ խոչընդոտում է, որ իր դուստրը՝ գուցուլուհին, իր կյանքը կապի Կենտրոնական Ուկրաինայից մի տղայի հետ, այն էլ՝ կարմիրբանակայինի։ Ֆիլմի վերջում գլխավոր հերոսուհին մահանում է նրա ձեռքից ազատության ճանապարհին…

• Լյուբով Ռումյանցևա – Աննիչկա, Աննա Կմետ, պան Կմետի դուստրը
• Գրիգոր Գրիգորիու – Անդրեյ, վիրավոր կարմիրբանակային Կենտրոնական Ուկրաինայից
• Կոնստանտին Ստեպանկով – Պան Կմետ, ունևոր գուցուլ
• Իվան Միկոլայչուկ – Ռոման Դերիչ, Աննիչկայի փեսացուն, երիտասարդ գուցուլ, որը դարձել է գերմանական ոստիկան և պահակ ռազմագերիների ճամբարում
• Բորիսլավ Բրոնդուկով – Կրուպյակ, նույն ինքը պան Կրուպենկո, գլխավոր պոլիցայը           
• Անատոլի Բարչուկ – Յարոսլավ, բատրակ պան Կմիտի մոտ
• Իվան Գավրիլյուկ – Իվանկո, երիտասարդ գուցուլ, Ռոմանի ընկերը, որը համակրում է պարտիզաններին, և որին պոլիցայը և ֆաշիստները ստիպել են պարել ապակու վրա և գնդակահարել
• Օլգա Նոժկինա – Մարիա, Աննիչկայի մայրը
• Վասիլի Սիմչիչ – Սեմյոն, բատրակ պան Կմետի մոտ
• Ֆեոդոր Ստրիգուն – Ֆեոդոր, պարտիզան
• Վիտալի Ռոզստալնի – Վիկտոր, պարտիզան
• Նինել Ժուկովսկայա – Սերաֆիմա, տերտերի աղջիկ
• Վիկտոր Ստեպանենկո – Վիկտոր, խորհրդային գերի
• Վիկտոր Միրոշնիչենկո – գյուղապետ

• 1969 – ժյուրիի հատուկ մրցանակ – «Բայոնի ոսկե աշտարակ» Պնոմպենի (Կամբոջա) միջազգային կինոփառատոնում,
• 1969 – Դիպլոմ Բորիս Իվչենկոյին ռեժիսորական դեբյուտի համար Ուկրաինայի և Անդրկովկասի կինոփառատոնում (Կիև)։

• «Աննիչկա»(անգլ.) ֆիլմը Internet Movie Database կայքում

Թեմատիկ կայքեր AllMovie · ČSFD · Internet Movie Database