Աննա Սիբերգ

Աննա Սիբերգ; դան․՝ Anna Louise Birgitte Syberg
Ի ծնե	դան․՝ Anna Louise Birgitte Hansen
Ծնվել է	հունվարի 7, 1870[…]
Ծննդավայր	Ֆոբորգ, Ֆոբորգ Միտֆյուն, Հարավային Դանիա տարածաշրջան, Դանիա
Վախճանվել է	հուլիսի 4, 1914[…] (44 տարեկան)
Մահվան վայր	Կոպենհագեն, Դանիա
Քաղաքացիություն	Դանիա
Մասնագիտություն	նկարչուհի
Թեմաներ	գեղանկարչություն
Ուսուցիչ	Սիրակ Հանսեն, Կարլ Ենսեն և Լյուդվիգ Բրանդստրուպ
Հայր	Սիրակ Հանսեն
Ամուսին	Fritz Syberg?
Զավակներ	Բես Գիրսինգ, Հանս Սիբերգ, Franz Syberg? և Ernst Syberg?
	Anna Syberg Վիքիպահեստում

Աննա Լուիզա Բիրգիտտա Հանսեն (դան․՝ Anna Louise Birgitte Hansen, ամուսնական ազգանունը` Սիբերգ, հունվարի 7, 1870(1870-01-07)^[1]^[2]^[3]^[…], Ֆոբորգ, Ֆոբորգ Միտֆյուն, Հարավային Դանիա տարածաշրջան, Դանիա - հուլիսի 4, 1914(1914-07-04)^[1]^[2]^[3]^[…], Կոպենհագեն, Դանիա), դանիացի նկարչուհի, որը ամուսնու՝ Ֆրից Սիբերգի հետ միասին ընդգրկված է եղել Ֆյունի նկարիչների ստեղծագործական խմբում^[6]։

Կենսագրություն

Աննան ծնվել է դեկորատոր-նկարիչ Պետեր Սիրակ Հանսենի (1833-1904) ընտանիքում, որը աշխարհիկ կյանք է վարել և ունեցել բաց սրահ տեղի նկարիչների և արվեստի դպրոցների ուսանողների հավաքույթների և հանդիպումների համար։ Այս հանդիպումներից մեկում Աննան ծանոթացել է իր ապագա ամուսնու՝ Ֆրից Սիբերգի հետ, ով մինչև 1882 թվականը վերապատրաստվել է հոր արվեստանոցում։ Այդ ժամանակ Աննան երաժշտություն է սովորել, իսկ հոր ղեկավարությամբ` նկարչություն և յուղանկարային գեղանկարչություն։ Նրա եղբայրը՝ Պետերը, շուտով դարձել է հայտնի նկարիչ։ Հայրենի Ֆոբորգի տ��խնիկական դպրոցում սովորելուց հետո աղջիկը մեկնել է Կոպենհագեն։ 1890 թվականին նա խորությամբ ուսումնասիրել է արվեստ քանդակագործ Լյուդվիգ Բրանդստրուպի և նկարիչ Կարլ Ենսենի մոտ։ 1892-1894 թվականներին Աննան Կոպենհագենի ճենապակու թագավորական մանուֆակտուրայում աշխատել է որպես ճենապակու գեղանկարիչ, ինչպես նաև նկարել է ծաղկային կտավներ, հիմնականում մանուշակներով և քրիզանթեմներով և տվել երաժշտության ու երգարվեստի մասնավոր դասեր։ 1894 թվականին նա ամուսնացել է Ֆրից Սիբերգի հետ։ Սիբերգների ընտանիքն ունցել է յոթ երեխա. որդիներից մեծ ճանաչում են ձեռք բերել պատկերազարդող-նկարիչ Էռնստը և կոմպոզիտոր Ֆրիցը^[7]։

1902 թվականին Սիբերգները մեկնել են Կերտեմինե կոմունայի Պիլեգարդեն քաղաք։ Այստեղ արդեն բնակվում էին նրանց ընկերները՝ նկարիչներ Ալեդը և Յոհաննես Լարսենները, ինչպես նաև մի շարք այլ ստեղծագործող գործիչներ, այդ թվում՝ գրականության բնագավառում ապագա Նոբելյան մրցանակակիր` Յոհանես Ենսենը։ Կերտեմինում Աննան հիմնականում զբաղվել է ծաղկային թեմաներով ջրաներկային գեղանկարչությամբ։ Նկարչուհին կատարելագործել է ճենապակու գործարանում տիրապետած իր ոճը՝ կիրառելով մեկ շերտը մյուսի վրա պատկերելու դասական տեխնիկան, ինչը պատկերին տալիս էր հատուկ թեթևություն։

Սիբերգի աշխատանքները ցուցադրվել են 1889-1910 թվականներին Շարլոտտենբորգ ամրոցում կազմակերպված գարնանային ցուցահանդեսներում։ Այն բանից հետո, երբ Ֆրից Սիբերգը բավականաչափ գումար է վաստակել իր վաճառված նկարներից, ամուսինները որոշում են միջոցներ նվիրաբերել թանգարան ստեղծելու համար, որտեղ պետք է ցուցադրվեին «Ֆյունի նկարիչները»-ի խմբի վարպետների ստեղծագործությունները, որոնց թվում էին Աննա և Ֆրից Սիբերգները։ 1910 թվականին թանգարանն իր դռներն է բացել հասարակության առջև։ Սկզբում թանգարանն ընդունել է միայն խմբի կազմում ընդգրկված տղամարդ նկարիչների աշխատանքները։ Միայն Աննայի մահից երկու տարի անց կազմակերպվել է նրա աշխատանքներին նվիրված առանձին ցուցահանդես։

Աննա Սեբերգը մահացել է լեղապարկի բորբոքումից, 44 տարեկան հասակում։

Պատկերասրահ

«Վարդեր», 1902
«Թրաշուշաններ»
«Գեորգենի»
«Փունջ»

Ծանոթագրություններ

↑ ^1,0 ^1,1 ^1,2 ^1,3 ^1,4 RKDartists (նիդերլ.)
↑ ^2,0 ^2,1 ^2,2 ^2,3 ^2,4 Kunstindeks Danmark (դան.)
↑ ^3,0 ^3,1 ^3,2 ^3,3 ^3,4 Benezit Dictionary of Artists — OUP, 2006. — ISBN 978-0-19-977378-7
↑ ^4,0 ^4,1 ^4,2 https://www.kulturarv.dk/kid/VisWeilbach.do?kunstnerId=625&wsektion=uddannelse
↑ ^5,0 ^5,1 Dansk kvindebiografisk leksikon (դան.) — 2001.
↑ Benezit Dictionary of Artists
↑ "Anna Syberg (1870 - 1914)", Dansk Kvindebiografisk Leksikon.

Վիքիպահեստն ունի նյութեր, որոնք վերաբերում են «Աննա Սիբերգ» հոդվածին։

[_8638e383681af540-1] 1,0 ^1,1 ^1,2 ^1,3 ^1,4 RKDartists (նիդերլ.)

[_d6c8c522c8ab2e87-2] 2,0 ^2,1 ^2,2 ^2,3 ^2,4 Kunstindeks Danmark (դան.)

[_a56cf40311c50f43-3] 3,0 ^3,1 ^3,2 ^3,3 ^3,4 Benezit Dictionary of Artists — OUP, 2006. — ISBN 978-0-19-977378-7

[_1d041f559c7a20e5-4] 4,0 ^4,1 ^4,2 https://www.kulturarv.dk/kid/VisWeilbach.do?kunstnerId=625&wsektion=uddannelse

[_e0e8b8422b5292f1-5] 5,0 ^5,1 Dansk kvindebiografisk leksikon (դան.) — 2001.

[6] Benezit Dictionary of Artists

[7] "Anna Syberg (1870 - 1914)", Dansk Kvindebiografisk Leksikon.

[1]