Այթոքի

Այթոքի, կրթական-տեղեկատվական վեբկայք է^[1] , որն օգնում է օտար լեզու սովորողներին առցանց կապվել ուսուցիչների ու լեզվակիրների հետ։ Այթոքիի օգտատերերը կարող են փնտրել ազատ գրաֆիկով աշխատող ուսուցիչների, պլանավորել ժամանակացույցը և վճարել լեզվի ուսուցման դասերի համար։ Այթոքիի ուսուցիչները հնարավորություն ունեն ստեղծել պրոֆիլ և ստանալ գնահատականներ։

Այթոքին առցանց աշխատաշուկա է և սոցիալական ցանց, որն ուղղված է լեզուներ սովորելուն։ Օգտատերերը դասակարգվում են ուսուցիչների և ուսանողների։ Այթոքիում անդամակցությունը պահանջում է էլեկտրոնային փոստի հասցե, իսկ առցանց ուսուցիչների հետ ժամանակացույցը պլանավորելու համար անհրաժեշտ է վճարել։ Ուսուցիչները լրացնում են հայտադիմում, որը հաստատում է նրանց ինքնությունը և դասավանդման հավատարմագրերը։

Այթոքիի ուսուցիչները սովորաբար «պրոֆեսիոնալ ուսուցիչներ» են կամ «համայնքային կրկնուսույցներ», ովքեր ունեն դասավանդման փորձ կամ հավաստագրեր։ Բոլոր ուսուցիչներին տրվում է հնարավորություն ստեղծել ուսուցչի պրոֆիլ և նշել սեփական վճարման սակագները։ Ավարտելով դասը՝ ուսուցիչը ստանում է արձագանքներ և գնահատականներ ուսանողների կողմից^[2]։ Դասերի մեծամասնությունը կատարվում է Սկայպով։ Այթոքին հաջող դասերի գործարքներից գանձում է 15% սպասարկման վճար։

Այթոքիի օգտատերերը հնարավորություն ունեն գտնել ընկերներ լեզվի փոխանակման համար, տալ լեզվին վերաբերող հարցեր, գրել շարադրություններ և ստանալ ուղղումներ, ինչպես նաև մտնել լեզվի քննարկումների մեջ։ Այս առանձնահատկությունները կախված են Այթոքի համայնքի այլ անդամների պատասխաններից։

Այթոքին հիմնադրել են Քեվին Չենը և Յոնգյու Ջայանգը 2007 թվականին և պաշտոնապես գրանցել են Հոնկոնգում՝ Շանհայի զարգացման կենտրոնի հետ համատեղ։ 2016 թվականին Այթոքին վերաթողարկեց իր վեբկայքը նոր լոգոյով և դիզայնով։ Նույն ամսում Այթոքին թողարկեց կայքի Անդրոիդ հավելվածը։

• Հեռավար ուսուցում
• Ինքնակրթություն