Ալբերտ Ռիչարդս
Ալբերտ Ռիչարդս | |
|---|---|
| Ծնվել է | դեկտեմբերի 19, 1919[1][2] |
| Ծննդավայր | Լիվերպուլ, Միացյալ Թագավորություն[1] |
| Վախճանվել է | մարտի 5, 1945[1][2] (25 տարեկան) |
| Մահվան վայր | Խենեպ, Լիմբուրգ, Նիդերլանդներ |
| Քաղաքացիություն | .svg){kind=small} Միացյալ Թագավորություն |
| Մասնագիտություն | նկարիչ |
| Ժանր | Մարտանկարչություն |
 Albert Richards Վիքիպահեստում | |
Ալբերտ Ռիչարդս (անգլ.՝ Albert Richards, դեկտեմբերի 19, 1919[1][2], Լիվերպուլ, Միացյալ Թագավորություն[1] - մարտի 5, 1945[1][2], Խենեպ, Լիմբուրգ, Նիդերլանդներ), բրիտանացի ռազմական նկարիչ։ Ծնվել է Առաջին համաշխարհային պատերազմի վետերանի ընտանիքում։ 1940 թվականին դարձել է սակրավոր բրիտանական բանակում, որտեղ էլ շարունակել է ծառայել՝ միաժամանակ լինելով պարաշյուտիստ զինվոր և նկարիչ։ Եղել է պատերազմի ընթացքում սպանված բրիտանական երեք պաշտոնական նկարիչներից ամենաերիտասարդը[3][4]։
Վաղ կյանք
[խմբագրել | խմբագրել կոդը]
Ռիչարդսը ծնվել է Լիվերպուլում՝ Առաջին համաշխարհային պատերազմի վետերան, մասնագիտությամբ հյուսն Ջորջ Ռիչարդսի և Հաննա Բիթիի ընտանիքում[5]։ Սովորել է Ուոլասսի արվեստի և արհեստների դպրոցում, այնուհետև ուսումը շարունակել է Արվեստի թագավորական քոլեջում, բայց մնացել է այնտեղ ընդամենը երեք ամիս՝ մինչև 1940 թվականին բանակ զորակոչվելը։ Որպես սակրավոր ծառայել է Թագավորական ինժեներների 286-րդ սակրավոր վաշտում և ստացել կրտսեր կապրալի աստիճան[6]։ Այս ստորաբաժանումում նա ծառայել է 1940 թվականի ապրիլից մինչև 1943 թվականի կեսերը[5]։
Այդ ընթացքում Ռիչարդսն զբաղվել է զորանոցների և պաշտպանական կառույցների շինարարությամբ ամբողջ Անգլիայում, միևնույն ժամանակ նա հաճախ է նկարել շինարարական աշխատանքներին նվիրված նկարներ։ Նա իր նկարներից մի քանիսը ներկայացրել է Ռազմական նկարիչների խորհրդատվական կոմիտեին։ Կոմիտեի ղեկավարությունը տպավորված է եղել դրանց թարմությամբ և խորությամբ, և 1941 թվականի մայիսից սկսել է ձեռք բերել նրա աշխատանքները[7]։
1943-1945 թվականներ
[խմբագրել | խմբագրել կոդը]1943 թվականին Ռիչարդսը կամավոր մեկնել է դեսանտայինների զորամաս և սկսել է սովորել Մանչեսթերի մերձակայքում գտնվող RAF Ringway օդանավակայանի պարաշյուտիստների նախապատրաստման թիվ 1 դպրոցում[6]։ Նա պատկերել է պարաշյուտիստների մարզումը Kilkenny's Circus և Parachute Training over Tatton Park նկարներում։ 1943 թվականի սեպտեմբերին Ռազմական նկարիչների խորհրդատվական կոմիտեն Ռիչարդսին առաջարկել է եռամսյա պայմանագիր, բայց նա այլ պարտավորությունների պատճառով հրաժարվել է ընդունել այդ առաջարկը։ Սակայն 1943 թվականի դեկտեմբերին նա, այնուամենայնիվ, պայմանագիր է կնքել, այս անգամ՝ վեց ամսով[8]։
1944 թվականի մարտին Ռիչարդսը ստացել է կապիտանի աստիճան[6]։ Այդ ամիս նա մասնակցել է լայնամասշտաբ ուսումնական պարաշյուտի իջեցման՝ վայրէջք կատարելով Օքսֆորդշիրի Բրեզե Նորթոն գյուղի վրա, ինչը նա արտացոլել է իր «Իջեցում» նկարում։ Իրականում այդ օրը զորավարժություններն անցկացվել են Նորմանդիայում վայրէջք կատարելու համար զինվորներին նախապատրաստելու նպատակով։ Ապրիլին Ռիչարդսը մասնակցել է նաև երկրորդ նմանատիպ զինավարժության, որը տևել է հինգ օր և անցկացվել է Գլոստերշիրում[5]։
Ռիչարդսը մասնակցել է Օր Դ պարաշյուտադեսանտային իջեցմանը Ֆրանսիայում որպես 6-րդ օդադեսանտային դիվիզիայի սպա։ Մասնակցել է նաև Մերվիլ մարտկոցի վրա հարձակմանը և Լե Պլեն գյուղի գրավմանը։ Թնդանոթային մարտկոցի վրա հարձակումը նկարիչն արտացոլել է իր մի քանի նկարներում, որոնք նա ստեղծել է Դ օրվանից ընդամենը մի քանի շաբաթ անց[4]։ Լե Պլենի գրավումից հետո Ռիչարդսը մասնակցել է դաշնակից զորքերի առաջխաղացմանը Ֆրանսիայում, իսկ Անգլիայում իր կարճատև արձակուրդից հետո՝ նաև Բելգիայում[7]։ Ֆրանսիայում նա նկարել է կտավներ՝ նվիրված այնպիսի սյուժեների, ինչպիսիք են սավառնակների բեկորները, որոնք ուղղված էին Ռանվիլի մոտ Պեգաս կամրջի վրա հարձակմանը, ավերված կամուրջները և քողարկման ցանցերը։
1945 թվականի հունվարին նա նկարել է կտավ, որը պատկերում էր Բելգիայում՝ Բուրեի ճակատամարտում զոհված զինվորների հուղարկավորությունը։ Ռիչարդսի վերջին նկարներից մեկը, որն ավարտվել է 1945 թվականի փետրվարին, պատկերում է Խենեպի մոտ գտնվող կամուրջը, որը կառուցվել է դաշնակից սակրավորների կողմից՝ Մաաս գետի վրա։ Հենց այդ շրջանում էլ Ռիչարդսն սպանվել է 1945 թվականի մարտի 5-ին, երբ նրա մեքենան պայթել է ականի վրա։ Նկարչին թաղել են Միլսբեեկի զինվորական գերեզմանատանը, որը գտնվում է Խենեպ քաղաքի մոտ[5]։
Ժառանգություն
[խմբագրել | խմբագրել կոդը]Բացի Թեյթի և Կայսերական ռազմական թանգարանից, Ռիչարդսի նկարները ցուցադրվում են Ուոքերի արվեստի պատկերասրահում, Ազգային ծովային թանգարանում և Ուիլյամսոնի արվեստի պատկերասրահում]][9]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 1,5 1,6 1,7 RKDartists (նիդերլ.)
- ↑ 2,0 2,1 2,2 2,3 2,4 Benezit Dictionary of Artists — OUP, 2006. — ISBN 978-0-19-977378-7
- ↑ British Council. «Albert Richards 1919–1945». British Council. Արխիվացված է օրիգինալից 2016 թ․ հոկտեմբերի 2-ին. Վերցված է 2016 թ․ սեպտեմբերի 28-ին.
- ↑ 4,0 4,1 Tate. «Albert Richards 1919 -1945». Tate. Վերցված է 2013 թ․ նոյեմբերի 25-ին.
- ↑ 5,0 5,1 5,2 5,3 591(Antrim) Parachute Squadron(RE). «Captain Albert Richards». 591(Antrim) Parachute Squadron(Royal Engineers). Արխիվացված է օրիգինալից 2013 թ․ դեկտեմբերի 2-ին. Վերցված է 2013 թ․ նոյեմբերի 14-ին.
{{cite web}}: CS1 սպաս․ թվային անուններ: authors list (link) - ↑ 6,0 6,1 6,2 The Rose of Death- Paintings and Drawings by Captain Albert Richards.
- ↑ 7,0 7,1 Imperial War Museum. «War artists archive – Albert Richards». Imperial War Museum. Վերցված է 2013 թ․ նոյեմբերի 25-ին.
- ↑ Brain Foss (2007). War paint: Art, War, State and Identity in Britain, 1939–1945. Yale University Press. ISBN 978-0-300-10890-3.
- ↑ BBC/ Public Catalogue Foundation.
Գրականություն
[խմբագրել | խմբագրել կոդը]- Johnson, Kate (2009 թ․ օգոստոսի 20). «Albert Richards' self portrait talk transcript». Liverpool Museums. Արխիվացված է օրիգինալից 2012 թ․ հոկտեմբերի 14-ին. Վերցված է 2011 թ․ սեպտեմբերի 1-ին.
 | Վիքիպահեստն ունի նյութեր, որոնք վերաբերում են «Ալբերտ Ռիչարդս» հոդվածին։ |
| ||||||||||||
