Հայաստանում ԵԱՀԿ կարիքների գնահատման առաքելություն

Հայաստանում ԵԱՀԿ կարիքների գնահատման առաքելություն;
	; Հայաստանի տեղագրությունը
Հիմնադրված	Հոկտեմբերի 21, 2022
Լուծարված	Հոկտեմբերի 27, 2022
Տարածաշրջան	Հայաստան
Ղեկավար	Ռոբերտ Արկադիուս Տկաչուկ
Վերադաս կազմակերպություն	Եվրոպայի անվտանգության և համագործակցության կազմակերպություն

Հայաստանում ԵԱՀԿ կարիքների գնահատման առաքելությունը տեղակայվել է Եվրոպայի անվտանգության և համագործակցության կազմակերպության (ԵԱՀԿ) կողմից Հայաստանի Հանրապետության տարածքում։ Այն տեղակայվել է 2022 թվականի հոկտեմբերի 21-ից 27-ը՝ Ադրբեջանի կողմից Հայաստանի վրա իրականացրած սեպտեմբերյան հարձակումից հետո^[1]։

Միջոցառումների ժամանակացույց

2022 թվականի հոկտեմբերի 18-ին Հայաստանի արտաքին գործերի նախարար Արարատ Միրզոյանը հայտարարեց, որ քննարկվում է Հայաստանի և Ադրբեջանի սահմանին՝ հայկական կողմից Եվրոպական միության մոնիտորինգի 40 փորձագետների հետ միասին ԵԱՀԿ դիտորդների տեղակայումը^[2]։

2022 թվականի հոկտեմբերի 19-ին ԵԱՀԿ-ն հաստատեց, որ Հայաստանի կառավարության խնդրանքով՝ 2022 թվականի հոկտեմբերի 21-ից 27-ը Հայաստանում կտեղակայվի «կարիքների գնահատման խումբ»։ Խումբը բաղկացած էր միջազգային փորձագետներից և ԵԱՀԿ քարտուղարության ներկայացուցիչներից։ Խումբը գնահատեց իրավիճակը սահմանային որոշակի տարածքներում և խորհրդակցություններ անցկացրեց միջազգային գործընկերների հետ^[3]։

2022 թվականի հոկտեմբերի 20-ին ԵՄ-ն հաստատեց, որ ԵԱՀԿ-ի առաքելությունը անկախ է և ԵՄ առաքելության հետ կապ չունի։ Սակայն ԵՄ առաքելությունը կհամագործակցի բոլոր համապատասխան միջազգային կազմակերպությունների հետ, այդ թվում՝ ԵԱՀԿ-ի^[4]։

2022 թվականի հոկտեմբերի 22-ին Հայաստանի արտգործնախարար Արարատ Միրզոյանը և Հայաստանի զինված ուժերի ներկայացուցիչները հանդիպեցին ԵԱՀԿ կարիքների գնահատման առաքելության հետ, որը գլխավորում էր ԵԱՀԿ-ում Լեհաստանի ներկայացուցիչ գնդապետ Ռոբերտ Արկադիուս Տկաչուկը։ Միրզոյանը հույս հայտնեց, որ «առաքելության գործունեությունը, դիտարկումներն ու եզրափակիչ զեկույցը որպես օբյեկտիվ տեղեկատվության աղբյուր կծառայեն Ադրբեջանի ագրեսիայի հետևանքով ստեղծված իրավիճակի վերաբերյալ»^[5]^[6]։

2022 թվականի հոկտեմբերի 24-ին ԵԱՀԿ գնահատման առաքելության անդամները այցելեցին Հայաստանի Հանրապետության Սյունիքի մարզ^[7]։ Առաքելության անդամները հանդիպեցին տեղական ներկայացուցիչների հետ և այցելեցին Ադրբեջանի հարձակման հետևանքով տուժած համայնքներ^[8]^[9]։

2022 թվականի հոկտեմբերի 26-ին Հայաստանի անվտանգության խորհրդի քարտուղար Արմեն Գրիգորյանը հանդիպեց ԵԱՀԿ առաքելության հետ։ Հանդի��ման ընթացքում գնդապետ Ռոբերտ Արկադիուս Տկաչուկը վստահություն հայտնեց, որ ԵԱՀԿ-ն կշարունակի խորացնել համագործակցությունը Հայաստանի հետ^[10]։

2022 թվականի հոկտեմբերի 27-ին ԵԱՀԿ առաքելությունը հանդիպեց Հայաստանի փոխարտգործնախարար Պարույր Հովհաննիսյանի հետ։ Առաքելությունը ներկայացրեց իր իրականացրած աշխատանքները և արձանագրած վնասները։ Հովհաննիսյանը, իր հերթին, կարևորեց «հակամարտությունների կանխարգելման և կարգավորման գործում ԵԱՀԿ-ի՝ որպես համաեվրոպական անվտանգության կազմակերպություն ներգրավվածությունը»^[11]։

Արձագանքներ

Դրական

Հայաստան - ՀՀ ԱԳ նախարար Արարատ Միրզոյանը վստահություն հայտնեց, որ ԵԱՀԿ Մինսկի խումբը կաջակցի Լեռնային Ղարաբաղի հակամարտության խաղաղ կարգավորման առաջմղմանը^[12]։
Ֆրանսիա - Հայաստանում Ֆրանսիայի նախկին դեսպան Ժոնաթան Լաքոտը հայտարարեց. «Հայաստանի տարածքի վրա Ադրբեջանի զինված հարձակումներից հետո այս որոշումը Ֆրանսիայի՝ Եվրոպայի և արտաքին գործերի նախարար Կատրին Կոլոննայի գործողությունների արդյունքն է։ ԵԱՀԿ-ի այս առաքելության ծավալումը լրացուցիչ ներդրում կունենա Հայաստանի անվտանգության և տարածքային ամբողջականության ապահովման գործում»^[13]։
ԱՄՆ - ԵԱՀԿ-ում ԱՄՆ առաքելությունը հայտարարեց. «Միացյալ Նահանգները վճռականորեն աջակցում է վստահության ամրապնդման և հակամարտությունների կանխարգելման ԵԱՀԿ գործիքների ակտիվացմանը, ներառյալ Հայաստանի տարածքում կարիքների գնահատման առաքելության ստեղծմանը»^[14]։

Բացասական

Ադրբեջան - Ադրբեջանի արտաքին գործերի նախարարությունը քննադատեց առաքելությանը՝ կարծելով, որ այն պա��տոնական մանդատ չի ունեցել, և որ նրա զեկույցները չպետք է դիտարկվեն որպես ԵԱՀԿ պաշտոնական փաստաթղթեր^[15]։
Ռուսաստան - ՌԴ ԱԳՆ պաշտոնական ներկայացուցիչ Մարիա Զախարովան հայտարարեց. «Արևմուտքի այս քայլերը սպառնում են հավասարակշռությանը, որը ձեռք է բերվել բարդ պայմաններում ՝ Ռուսաստանի, Ադրբեջանի և Հայաստանի ղեկավարների միջև ձեռք բերված պայմանավորվածությունների շնորհիվ»^[16]։
Թուրքիա - Թուրքիայի արտգործնախարար Մևլյութ Չավուշօղլուն դատապարտեց այս «անընդունելի» որոշումը՝ հայտարարեց, որ այն հակասում է ԵԱՀԿ-ի աշխատանքի սեփական կանոններին^[16]։

Տես նաև

Ծանոթագրություններ

↑ «OSCE sends a needs assessment team to Armenia».
↑ «Sending OSCE observers to Armenia-Azerbaijan border in addition to EU mission under discussion». October 18, 2022.
↑ «OSCE sends a needs assessment team to Armenia». October 19, 2022.
↑ «Q&A EU Monitoring Capacity to Armenia». European External Action Service.
↑ «The Foreign Minister of Armenia received the members of OSCE needs assessment mission». www.mfa.am.
↑ «Ararat Mirzoyan received members of OSCE needs assessment mission». www.1lurer.am.
↑ «OSCE needs assessment team visits Armenia's Syunik».
↑ «OSCE mission visits Syunik to see consequences of Azeri aggression». October 24, 2022.
↑ «OSCE representatives visit villages affected by Azerbaijani aggression in Syunik Province». news.am.
↑ «The Secretary of the Security Council Armen Grigoryan Received the Members of the OSCE Needs Assessment Mission | www.aravot-en.am».
↑ «OSCE needs assessment mission briefs deputy FM on their work in Armenia». news.am.
↑ «FM Meeting with French Foreign Minister Catherine Colonna "Baku's 'War Rhetoric' Undermines Regional Normalization Efforts"». massispost.com.
↑ «Lacote: OSCE observation mission deployment will contribute to respect of Armenia territorial integrity». news.am.
↑ «Response to the Report of the Chairperson-in-Office». osce.usmission.gov.
↑ Azerbaijan, Əli Mahmudlu-Frontend Web Developer- Edumedia. «Xarici İşlər Nazirliyi | XİN». www.mfa.gov.az.
↑ ^16,0 ^16,1 «Russia blasts West's 'impudent' approach on Azerbaijan-Armenia dispute». aa.com.tr.

[1] «OSCE sends a needs assessment team to Armenia».

[2] «Sending OSCE observers to Armenia-Azerbaijan border in addition to EU mission under discussion». October 18, 2022.

[3] «OSCE sends a needs assessment team to Armenia». October 19, 2022.

[4] «Q&A EU Monitoring Capacity to Armenia». European External Action Service.

[5] «The Foreign Minister of Armenia received the members of OSCE needs assessment mission». www.mfa.am.

[6] «Ararat Mirzoyan received members of OSCE needs assessment mission». www.1lurer.am.

[7] «OSCE needs assessment team visits Armenia's Syunik».

[8] «OSCE mission visits Syunik to see consequences of Azeri aggression». October 24, 2022.

[9] «OSCE representatives visit villages affected by Azerbaijani aggression in Syunik Province». news.am.

[10] «The Secretary of the Security Council Armen Grigoryan Received the Members of the OSCE Needs Assessment Mission | www.aravot-en.am».

[11] «OSCE needs assessment mission briefs deputy FM on their work in Armenia». news.am.

[12] «FM Meeting with French Foreign Minister Catherine Colonna "Baku's 'War Rhetoric' Undermines Regional Normalization Efforts"». massispost.com.

[13] «Lacote: OSCE observation mission deployment will contribute to respect of Armenia territorial integrity». news.am.

[14] «Response to the Report of the Chairperson-in-Office». osce.usmission.gov.

[15] Azerbaijan, Əli Mahmudlu-Frontend Web Developer- Edumedia. «Xarici İşlər Nazirliyi | XİN». www.mfa.gov.az.

[auto-16] 16,0 ^16,1 «Russia blasts West's 'impudent' approach on Azerbaijan-Armenia dispute». aa.com.tr.

[1]