Բոլու սար
| Բոլու սար | |
|---|---|
| Տեսակ | լեռ |
| Երկիր |  Ադրբեջան |
| Վարչատարածքային միավոր | Ջուղայի շրջան |
| Բարձրությունը ծովի մակարդակից | մոտ 1560 մետր |
Բոլու սար, լեռ Երնջակ գավառում, Նորաշեն և Ապարաններ գյուղերի միջև, Երնջակ գետի աջ կողմում։ Սակավ բուսականությամբ և ծովի մակարդակից մոտ 1560 մ բարձրություն ունեցող լեռ է։ Այս լեռը երբեմն շփոթել են Օձասարի հետ։ XVII դարի պատմիչ Ա. Դավրիժեցու վկայությամբ Ավետիք Աստապատցին (մականունով Ալթուն) այդ սարի վրա Ապարանների կաթոլիկ հայերի պահած ս. Հռիփսիմեի մասունքները վերցնելով տանում է Նախճավան գավառի Քյուլթափա գյուղը և այդտեղ կառուցում ս. Հռիփսիմեի անունով մի եկեղեցի։
Լեռան վրա կառուցված է եղել «Կուսանաց» փոքրիկ մատուռ-սրբավայրը։ Այս լեռը շրջակա բնակչությունը կոչել է նաև «Հարս ու փեսի» սար։ Գաբաղ սար, լեռ Շարուր գավառի հյուսիսային մասում՝ Ախուրա և Վերին Յայջի գյուղերի միջև, նրանցից 3-4 կմ հեռավորության վրա։ Շարուրից դեպի Սևանի ավազան բարձրացող երթուղու աջ և Արփա գետի ձախ կողմում գտնվող այս լեռը ծովի մակարդակից ունի 1824 մ բարձրություն։
Գրականություն
- Ա. Այվազյան, Նախիջևան. բնաշխարհիկ պատկերազարդ հանրագիտակ։
|
Սա աշխարհագրության մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |