Մարիա Ղամբարյան

Մարիա Ղամբարյան
Ծնվել է	հոկտեմ��երի 1, 1925 (99 տարեկան); Երևան, Հայկական ԽՍՀ, ԱԽՖՍՀ, ԽՍՀՄ
Երկիր	ԽՍՀՄ և Ռուսաստան
Ժանրեր	դասական երաժշտություն
Մասնագիտություն	դաշնակահարուհի և երաժշտության ուսուցիչ
Գործիքներ	դաշնամուր
Աշխատավայր	Սանկտ Պետերբուրգի կոնսերվատորիա, Ռուսաստանի Գնեսինների անվան երաժշտության ակադեմիա, Մոսկվայի մշակույթի պետական ինստիտուտ և Պրահայի Կարլի համալսարան
Կրթություն	Կենտրոնական երաժշտական դպրոց և Մոսկվայի կոնսերվատորիա (1951)
Ամուսին	Վլադիմիր Վոլկենշտեյն
Պարգևներ	; և

Մարիա Ստեփանի Ղամբարյան (հոկտեմբերի 1, 1925(1925-10-01)^[1], Երևան, Հայկական ԽՍՀ, ԱԽՖՍՀ, ԽՍՀՄ), հայ խորհրդային դաշնակահարուհի, մանկավարժ։ ՀԽՍՀ վաստակավոր արտիստ (1966), Ռուսաստանի Դաշնության վաստակավոր արտիստ (2005)։

Քիմիկոս Ստեփան Ղամբարյանի դուստրը։

Կենսագրություն

Մարիա Ղամբարյանը ծնվել է Երևանում։ Սովորել է Երևանի «Պրոֆդպրոցում»։ 1948 թվականին ավարտել է Մոսկվայի կոնսերվատորիան (Կ․ Ն․ Իգումնովի դասարան), 1951 թվականին՝ ասպիրանտուրան (դասատուները՝ Գ․ Գ․ Նեյգաուզ, Լ․ Ն․ Օբորին)։ 1953-1955 թվականներին դասավանդել է Լենինգրադի կոնսերվատորիայում, ապա՝ Մոսկվայի Գնեսինների անվան երաժշտական, մանկավարժական ինստիտուտում։ 2003 թվականից հանդիսանում է Մոսկվայի մշակույթի և արվեստի պետական համալսարանի մասնագիտական դաշնամուրի ամբիոնի հիմնադիրը, 1998 թվականից Պրահայի Կարլի համալսարանի պատվավոր պրոֆեսոր է^[2]։

Համերգային գործունեությունը սկսել է 1951 թվականից։ Կատարմանը բնորոշ է ոճի հստակությունը, բարձր պրոֆեսիոնալիզմը։ Համերգացանկը ընդգրկում է Բախի, Բեթհովենի, Շոպենի, Շումանի, Շուբերտի, Սպիրիդոն Մելիքյանի, Արամ Խաչատրյանի, Առնո Բաբաջանյանի, Էդվարդ Միրզոյանի, Էդուարդ Բաղդասարյանի, Տիգրան Մանսուրյանի երկերը։ Համերգային ծրագրերով ներկայացել է աշխարհի բազմաթիվ երկրներում։ 1991 թվականին վարպետության դասընթացներով հանդես է եկել Իսպանիայում։ 1992 թվականին Կորեայում թողարկվել է նրա կատարմամբ երկու ձայնասկավառակ^[3]։

Պարգևներ

Հայաստանի երաժշտական ընկերության «Կոմիտաս» մեդալ (2016)
Մովսես Խորենցաու մեդալ (2016)
ՀԽՍՀ վաստակավոր արտիստ (1966)
ՌԴ վաստակավոր արտիստ (2005)

Գրականություն

Н. Суслова. Мария Гамбарян играет Шопена. Московская консерватория имени П. И. Чайковского (13 июня 2013). Проверено 3 февраля 2014.
Мария Гамбарян. ИА Северная звезда (28 апреля 2012). Проверено 3 февраля 2014.
Н. Габриэлян Мгновенья чистой красоты // Ноев ковчег : газета. - М., 2007. - № 3 (114).
Л. Григорьев Л. Я. Платек Гамбарян Мария Степановна // Современные пианисты. - М.: Советский композитор, 1990.

Ծանոթագրություններ

↑ ^1,0 ^1,1 ^1,2 ^1,3 ^1,4 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
↑ «Հանդիպում դաշնակահար Մարիա Ղամբարյանի հետ». nt.am.
↑ «Մարիա Ղամբարյան». Արխիվացված է օրիգինալից 2022 թ․ հունվարի 24-ին. Վերցված է 2022 թ․ փետրվարի 4-ին.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 24)։

[_5e5775e65518eefb-1] 1,0 ^1,1 ^1,2 ^1,3 ^1,4 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

[2] «Հանդիպում դաշնակահար Մարիա Ղամբարյանի հետ». nt.am.

[3] «Մարիա Ղամբարյան». Արխիվացված է օրիգինալից 2022 թ․ հունվարի 24-ին. Վերցված է 2022 թ․ փետրվարի 4-ին.

[1]