Մասնակից:Jeltyj/Ավազարկղ1

Ալիմենա- համայնք Իտալիայում, Սիցիլիա շրջանի Պալերմո նահանգում:Տարածք՝ 59․39 Կմ²: Բնակչություն՝ 2 152(ըստ 2012 թվականի տվյալների) մարդ: Համայնքապետը Ալվիզե Ստրաչին է(2013 թվականից): Համայնքի սուրբ հովանավորը Մարիա Մագդալինան է:

Համայնքը տեղակայված է Պալերմո նահանգի հարավ-արևելքում, գտնվում է մայրաքաղաքից մոտավորապես 131 կիլոմետր հեռավորության վրա: Ունի սահմաններ Պալերմո նահանգի Բլուֆի, Բոմպերտո, Գանջի, Պետրալիա-Սոպրանա, Պետրալիա-Սոտրանա համայնքների հետ, ինչպես նաև Էննա նահանգի Վիլլարոզա և Կալտանիսսետտա նահանգի Սանտա-Կատերինա-Վիլլարմոզա համայնքների հետ:

Կլիման բարեխառն է: Համայնքը գտնվում է Սալսո դի Գանջի, Պելլիցցարա, Սենյաֆերի և Իմերա-Մերիդիոնալե գետերի միջև՝ Բալցա-դ’ Արեդդուլա լեռան ստորոտին 1007 մետր բարձրության վրա: Համայնքն անվանում են նաև « Մադոնիեյի հարավային դարպաս », քանի որ նրա միջով են անցնում ճապարհները, որոնք միացնում են Սիցիլիայի հյուսիսը, հարավը, արևմուտքը և արևելքը:

Համայնքում զարգացած է գյուղատնտեսությունը: Այստեղ մշակում են ցորեն, նուշ, ոլոր, ձիթապտուղ, արտադրում են գինի:

ինչ որ ժամանակ համայնքի տարածքում գտվում էր Իմակարա քաղաքը, նրա մասին հիշատակում է Ցիցերոնը,Ալ-Իդրիսին և այլ պատմաբաններ։ Համայնքը հիմնադրվել է 1628 թվականին։

Միջնադարում այս հողը պատկանում էր Վետիմիլիա ցեղին, Մադոնիե հողատերերին, հետագայում անցնում է Կոլլեզանոի կոմսերին։ 1597 թվականին Մարիյա Արագոն-է-Լա-Չերդան՝ Կոլլեզանոի կոմսուհին, վաճառել է հողը բարոն Ջուլիո-Չեզզարե Իմպերատորին, ով մահացել է 1623 թվականին։ Քանի որ նա չուներ ժառանգ, նրա ունեցվածքը անցնում է նրա զարմուհի Ֆրանչեսկա ՈՒրբանո-է-Իմպերատորին՝ Պյերո Ալիմենայի նախկին կնոջը, ում ժառանգը նրանց որդին էր՝ Անտոնիո Ալիմենան։ Քանի որ համայնքում բնակչությունը ավելանում էր, եկեղեցու ղեկավարությունից ստանում է Սիցիլիայի փոխարքայի կոչում։ Նրա առաջարկությամբ համայնքը կոչվել է Ալիմենա։

1629 թվականին կառուցվել է համայնքի առաջին տաճարը՝ Սուրբ Կաետանի եկեղեցին։ Հետագայում եկեղեցին կրկին սրբացվեց ի պատիվ համայնքի նոր հովանավորի՝Սուրբ Մարիա Մագդալենայի, գրեթե մեկ դար եղել է Ալիմենայի գլխավոր տաճարը: 1725-1731 թվականներին բնակչության աճի պատճառով, Վինչենցո դել Բոսկո իշխանի պատվերով կառուցվել է նոր գլխավոր տաճար, իսկ հին տաճարը կոչվում է Սուրբ Հոգիների Եկեղեցի։