Ստեֆանի Նիզնիկ
Ստեֆանի Լին Նիզնիկ (անգլ.՝ Stephanie Lynne Niznik, մայիսի 20, 1967[1], Bangor, Մեն, ԱՄՆ - հունիսի 23, 2019[2][3], Էնսինո, Լոս Անջելես, Կալիֆոռնիա, ԱՄՆ), ամերիկացի դերասանուհի[4]։
| Ստեֆանի Նիզնիկ անգլ.՝ Stephanie Niznik | |
|---|---|
 | |
| Ծնվել է | մայիսի 20, 1967[1] |
| Ծննդավայր | Bangor, Մեն, ԱՄՆ |
| Մահացել է | հունիսի 23, 2019[2][3] (52 տարեկան) |
| Մահվան վայր | Էնսինո, Լոս Անջելես, Կալիֆոռնիա, ԱՄՆ |
| Գերեզման | Լիթլտոն |
| Քաղաքացիություն |  ԱՄՆ |
| Մայրենի լեզու | անգլերեն |
| Կրթություն | Դյուքի համալսարան և John Bapst Memorial High School? |
| Մասնագիտություն | դերասանուհի, թատրոնի դերասանուհի, հեռուստատեսային դերասանուհի և կինոդերասանուհի |
Կենսագրություն և կարիերա
խմբագրելՍտեֆանի Լին Նիզնիկը ծնվել է 1967 թվականի մայիսի 20-ին ԱՄՆ-ի Մեն նահանգի Բանգոր քաղաքում։ Եղել է ընտանիքի ավագ երեխան և ունեցել է կրտսեր եղբայր՝ Դևիդը։ Եղել է գերազանցիկ և փոխանակմամբ ուսանողուհի, Ազգային արժանիքների կրթաթոշակային ծրագրի կրթաթոշակառու։ Դյուկի համալսարանում ստացել է Անջեր Բ. Դյուկի կրթաթոշակ։ Հրավիրվել է մասնակցելու Ջեքսոնի լաբորատորիայի գենետիկական հետազոտությունների ամառային ծրագրին։ Նրա նպատակը եղել է գենետիկ դառնալը, բայց վերջում որոշել է զբաղվել դերասանական վարպետությամբ։ Գերազանց ավարտել է Հյուսիսային Կարոլինա նահանգի Դարեմ քաղաքի Դյուկի համալսարանը։ Ստացել է գիտական աստիճան թատերական վարպետության և ռուսաց լեզվի բնագավառում։
1994-2009 թվականներին Նիզնիկը նկարահանվել է 38 ֆիլմերում և հեռուստասերիալներում[5]։ Առավել հայտնի �� «Այրիի սերը» հեռուստասերիալում կատարած Նինա Ֆինի դերով։ Մյուս աշխատանքների շարքում Նիզնիկն ունեցել է նաև հրավիրված դերեր այնպիսի սերիալներում, ինչպիսիք են՝ «Դոկտոր Քուին, կին բժիշկը», «Պրոֆայլերը», «Sliders», «Ռազմաիրավաբանական ծառայություն», «Ֆրեյզեր», «Դարաշրջան», «Աստղային ճանապարհ։ Էնթերփրայզ», «Անհետացածը» և «Ախտորոշումը՝ սպանություն»։ Նաև խաղացել է 1995 թվականի «Անհետացող որդին» մարտաֆիլմի և 2007 թվականի «Վայրի կյանք» դրամայի գլխավոր դերերից մեկը։ Հայտնվել է նաև «Աստղային ճանապարհ։ Ապստամբություն» և «Դրախտային հաճույք» ֆիլմերում, ինչպես նաև «Կորուսյալները» հեռուստասերիալում։
2008 թվականին Նիզնիկը դարձել է «Four Winds Heart-Centered Healing»-ի համահիմնադիրներից մեկը[6]։
2019 թվականի հունիսի 23-ին Նիզնիկը մահացել է Կալիֆոռնիա նահանգի Էնսինո տարածքում, իր 52-ամյակից մեկ ամիս անց[7]։ Լոս Անջելեսի կորոների զեկույցի համաձայն՝ մահը վրա է հասել լյարդի քրոնիկ հիվանդության և ալկոհոլի քրոնիկ օգտագործման հետևանքով։ Նա ունեցել է մայր, խորթ հայր, եղբայր և բազմաթիվ հարազատներ։ Մահվան պահին ապրել է երկու շների՝ Նուկլեուսի և Ջեյքի հետ[8]։
Ընտրված ֆիլմագրություն
խմբագրել| Տարի | Հայերեն անվանում | Բնօրինակ անվանում | Դեր | |
|---|---|---|---|---|
| 1994 | ֆ | Դրախտային հաճույք | Exit to Eden | Դիանա |
| 1995 | ս | Ուրացողը | Renegade | Լորի Հեյես |
| 1995 | ս | Նա գրել է սպանությունը | Murder, She Wrote | Դորի Սոնդերս |
| 1996 | ֆ | Սիրելի Աստված | Dear God | Էմանդա Մեն |
| 1996 | ս | Ժամապահը | The Sentinel | Մեգի Բրայս |
| 1997 | ս | Դոկտոր Քուին, կին բժիշկը | Dr. Quinn, Medicine Woman | Վարդ |
| 1997 | ս | Sliders | Դեբրա Քերբոլ | |
| 1997 | ս | Ռազմաիրավաբանական ծառայություն | JAG | «Հոբո» լեյտենանտ Գրին |
| 1998 | ս | Պրոֆայլեր | Profiler | Սյուզան Մոս |
| 1998 | ֆ | Աստղային ճանապարհ։ Ապստամբություն | Star Trek: Insurrection | Պերիմ |
| 1998—2000 | ս | Ախտորոշումը՝ սպանություն | Diagnosis: Murder | Քեյթլին Սուինի / Լորա Քեյն |
| 1999 | ս | Դետեկտիվ Նեշ Բրիջես | Nash Bridges | Ռայլի Պարկեր |
| 1999 | ֆ | Որտեղ ասես, միայն ոչ այստեղ | Anywhere But Here | մատուցողուհի |
| 2001 | հֆ | Դարաշրջան | Epoch | բժիշկ Կ. Ս. Չաբան |
| 2002 | ս | Աստղային ճանապարհ։ Ձեռնարկություն | Star Trek: Enterprise | ուրվական |
| 2002—2008 | ս | Այրիի սերը | Everwood | Նինա Ֆինի |
| 2007 | ս | Գրեյի անատոմիա | Grey's Anatomy | Քերոլ |
| 2007 | ս | Անհետացածը | Traveler | Քեյթ |
| 2008 | ս | Էլայ Սթոուն | Eli Stone | Դելիա Սլեյթեր |
| 2009 | ս | Ծովային ոստիկանություն։ Հատուկ բաժանմունք | NCIS | Շերոն Բելոուս |
| 2009 | ս | Կորուսյալները | Lost | բժիշկ Էվելին Արիզա |
Ծանոթագրություններ
խմբագրել- ↑ 1,0 1,1 Internet Movie Database — 1990.
- ↑ 2,0 2,1 2,2 52 évesen váratlanul meghalt az NCIS és a Star Trek színésznője
- ↑ 3,0 3,1 3,2 Stephanie Niznik, Who Played Nina on Everwood, Dead at 52
- ↑ Stephanie Niznik IMDb.com
- ↑ Stephanie Niznik - IMDb
- ↑ Stephanie Niznik - Biography - IMDb
- ↑ «Stephanie Niznik, Who Played Nina on Everwood, Dead at 52». TVLine. 2019 թ․ հուլիսի 12. Արխիվացված է օրիգինալից 2019 թ․ հուլիսի 13-ին. Վերցված է 2020 թ․ օգոստոսի 25-ին.
- ↑ Everwood and Star Trek: Insurrection Actress Stephanie Niznik Dead at 52