Դրամի հուշարձան (Երևան)

• Քանդակագործ՝ Էդուարդ Շախիկյան

Արձանը պատկերում է երկկողմանի «Դ» տառը՝ երկու փայտիկներով, որը խորհրդանշում է հայկական դրամը։ Արձանը բրոնզից է, պատվանդանը՝ քարից։

Դրամի հուշարձանի հանդիսավոր բացումը տեղի է ունեցել 2008 թվականի նոյեմբերի 22-ին, ՀՀ կենտրոնական բանկի շենքի առջև։

Հուշարձանը բացվել է բանկային աշխատողի օրվա և Հայկական դրամի թողարկման 15-րդ տարեդարձի կապակցությամբ։

Հուշարձանի ստեղծման գաղափարը պատկանում է «Երևան» ամսագրին, որն իր առաջարկը ներկայացրել է ՀՀ կենտրոնական բանկ և բանկի համաձայնությամբ նախաձեռնել արձանը ստեղծելու աշխատանքները։

Հուշարձանի բացմանը ներկա են եղել ՀՀ վարչապետ Տիգրան Սարգսյանը, ԿԲ նախագահ Արթուր Ջավադյանը և «Երևան» ամսագրի գլխավոր խմբագիր Իդա Մարտիրոսյանը^[1][2]։