Անտոն Քոչինյան
- Վիքիպեդիայում կան հոդվածներ Քոչինյան ազգանունով այլ մարդկանց մասին։
Անտոն Երվանդի Քոչինյան (նոյեմբերի 25, 1913, Վահագնի, Երևանի նահանգ, Ռուսական կայսրություն - դեկտեմբերի 1, 1990[1], Երևան, Հայկական ԽՍՀ, ԽՍՀՄ), հայ կուսակցական և պետական գործիչ։ Հայաստանի կոմունիստական կուսակցության (ՀԿԿ) կենտկոմի առաջին քարտուղար 1966-1974 թվականներին։ ԽՄԿԿ անդամ 1938 թվականից։
| Անտոն Քոչինյան | |
|---|---|
 | |
| Ծնվել է | նոյեմբերի 25, 1913 |
| Ծննդավայր | Վահագնի, Երևանի նահանգ, Ռուսական կայսրություն |
| Մահացել է | դեկտեմբերի 1, 1990[1] (77 տարեկան) |
| Մահվան վայր | Երևան, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ |
| Կրթություն | Մոսկվայի բարձրագույն կուսակցական դպրոց |
| Մասնագիտություն | քաղաքական գործիչ |
| Զբաղեցրած պաշտոններ | Հայաստանի վարչապետ և ԽՍՀՄ գերագույն խորհրդի պատգամավոր |
| Կուսակցություն | ԽՄԿԿ |
| Պարգևներ և մրցանակներ |    և  |
| Անդամություն | ԽՄԿԿ Կենտրոնական կոմիտե |
 Anton Kochinyan Վիքիպահեստում | |
Կենսագրություն
խմբագրելԱվարտել է Երևանի Կոմունիստական գյուղատնտեսական բարձրագույն դպրոցը (Երևան, 1935 թվական), ՀԱՄԿ(բ)Կ կենտկոմին կից կուսկազմակերպիչների բարձրագույն դպրոցը (Մոսկվա, 1946 թվական), ԽՄԿԿ կենտկոմին կից բարձրագույն կուսակցական դպրոցը (Մոսկվա, 1959 թվական)։
1935-1937 թվականներին աշխատել է շրջանային թերթերում, եղել խմբագիր։ 1937 թվականին ընտրվել է ՀԼԿԵՄ Ազիզբեկովի շրջկոմի առաջին քարտուղար, 1938 թվականին՝ ՀԼԿԵՄ ԿԿ քարտուղար, 1939 թվականին՝ առաջին քարուղար։ 1946 թվականին ընտրվել է ՀԿ (բ) կ կենտկոմի քարտուղար, 1952 թվականի հունվարին՝ ՀԿ (բ) կ Երևանի օկրուգային կոմիտեի առաջին քարտուղար, նոյեմբերին՝ ՀԽՍՀ նախարարների խորհրդի նախագահ, մինչև 1966 թվականի հունվար։ ԽՍՀՄ (1950-1975 թվականներ) և ՀԽՍՀ (1951-1975 թվականներ) Գերագույն խորհրդի պատգամավոր։
Քոչինյանը մեծ ներդրում ունի երկրի տնտեսական և մշակութային առաջընթացում։
Նրա պաշտոնավարության ժամանակ սկսեց կառուցվել Արփա-Սևան ջրատարը։ Երևանում մետրոպոլիտեն կառուցելու նախաձեռնությունը նույնպես պատկանում է Անտոն Քոչինյանին, որը հետո կյանքի կոչեց Կարեն Դեմիրճյանը։ Նրա պաշտոնավարման օրոք է կառուցվել Եղեռնի հուշարձանը։
Անտոն Քոչինյանի ծննդյան 100-ամյակի հոբելյանական միջոցառումների շրջանակում տեղադրվել են նրա կիսանդրիները Երևանում և Վահագնի գյուղում։
Հիշատակ
խմբագրել-
Անտոն Քոչինյանի ծննդյան 100-ամյակի նամականիշ
-
Անտոն Քոչինյանի հուշատախտակը Երևանի Չարենցի 29 հասցեում
.JPG){kind=link}
Ծանոթագրություններ
խմբագրել- ↑ 1,0 1,1 1,2 Հայկական համառոտ հանրագիտարան (հայ.) — Հայկական հանրագիտարան հրատարակչություն, 1990.
| Վիքիդարանն ունի նյութեր, որոնք վերաբերում են «Անտոն Քոչինյան» հոդվածին։ |
| Վիքիպահեստն ունի նյութեր, որոնք վերաբերում են «Անտոն Քոչինյան» հոդվածին։ |