Torroella de Montgrí

Torroella de Montgrí

Torroella de Montgrí (es) Torroella de Montgrí (ca)
Bandeira Brasón
Localización
42°02′38″N 3°07′43″L / 42.043888888889, 3.1286111111111
Estado	España
Comunidade autónoma	Cataluña
Provincia	provincia de Xirona
Comarca	Baix Empordà
Capital	Torroella de Montgrí (en)
Contén a división administrativa	L'Estartit
Poboación
Poboación	12.356 (2023) (187,5 hab./km²)
Número de fogares	245 (1553)
Lingua oficial	lingua catalá
Xeografía
Parte de	Mancomunitat de Municipis Comunitat Turística de la Costa Brava (en) Mancomunitat del servei de control de mosquits a la badia de Roses i el Baix Ter (en)
Superficie	65,9 km²
Bañado por	Río Ter e Mar Mediterráneo
Altitude	31 m
Comparte fronteira con	L'Escala Gualta Ullà Fontanilles Pals Bellcaire d'Empordà
Organización política
• Mayor of Torroella (en)	Jordi Colomí i Massanas (2019–)
Identificador descritivo
Código postal	17257
Fuso horario	UTC+01:00
Código INE	17199
Código territorial IDESCAT	171997
Outro
Irmandado con	San Juan del Sur Torreilles
Páxina web	torroella-estartit.cat

Torroella de Montgrí é un municipio da comarca do Baix Empordà, na provincia de Xirona, Comunidade Autónoma de Cataluña, España. Está situado na metade norte da Costa Brava, entre os municipios costeiros de L'Escala e Pals.

Torroella de Montgrí está situado na Costa Brava e limita ao leste co mar Mediterráneo. O núcleo de Torroella está no interior e a localidade máis poboada do concello situada na costa é L'Estartit. O municipio limita con L'Escala polo norte, Bellcaire d'Empordà polo noroeste, Ullà polo oeste, Fontanilles e Gualta polo suroeste, e Pals polo sur.

Hai dous elementos que caracterizan o territorio do municipio: o macizo do Montgrí, na metade norte, e a chaira do Baixo Ter, na metade sur. O primeiro é compartido con outros municipios, aínda que a maior parte do macizo atópase no termo de Torroella. O segundo, dominado por cultivos, está cheo de masías. Tamén pertencen ao concello as illas Medes, situadas a 1 km do núcleo de L'Estartit. Recentemente creouse o Parque Natural do Montgrí, as Illas Medes e o Baixo Ter para protexer o valor natural dos hábitats desta zona.

As entidades de poboación do municipio son: Torroella de Montgrí, L'Estartit, Cala Montgó, L'Abolleria i Sobrestany e as urbanizacións de Les Dunes, El Mas Pinell-la Gola, La Torre Gran i l'Estartit Residencial, la Torre Moratxa e Els Griells-La Platera.

• As Illas Medes, situadas na costa de L'Estartit e consideradas Zona Especialmente Protexida de Importancia para o Mediterráneo (ZEPIM).
• Ponte sobre o Ter, murallas e núcleo medieval en Torroella.
• Castelo de Montgrí, inacabado, do século XIV, situado no cume do Montgrí.
• Igrexa de L'Estartit
• Gola do Ter, na desembocadura do río Ter.
• Dunas de area ao suroeste do Montplà.
• Calas situadas entre L'Escala e L'Estartit.

• Festa maior de Sant Genís, o 25 de agosto.
• Mercado semanal os luns.
• Feira de Sant Andreu, a última fin de semana de novembro, é unha das máis antigas de Cataluña, con máis de 600 anos de historia.

Wikimedia Commons ten máis contidos multimedia na categoría:  Torroella de Montgrí

• Sitio web oficial do concello de Torroella de Montgrí (en catalán)
• Información da Generalitat de Catalunya (en catalán)
• Información do Institut d'Estadística de Catalunya (en catalán)