Encoro de Belesar

Encoro de Belesar

Tipo	encoro
Localización
División administrativa	Provincia de Lugo, España
42°37′44″N 7°42′45″O / 42.628889, -7.7125
Afluentes	río Miño ,Río Loio
Efluente do lago	río Miño
Conca hidrográfica	río Miño
Represado por	Presa de Belesar
Características
Altitude	330 m
Superficie	1.909,6 ha
Medicións
Volume físico	654,5 hm³

O encoro de Belesar é unha presa artificial creada en 1963 no río Miño (a máis grande deste río), situado entre os concellos de Taboada, Chantada, O Saviñao, Paradela, O Páramo, Guntín e Portomarín. A súa capacidade é de 654,5 hm³ e ocupa unha superficie de 2.000 hectáreas e unha cola de 50 quilómetros. Na zona de maior profundidade acada os 135 metros. Ten unha potencia máxima de 227 MW, e produce unha media de 732 GWh ó ano.

A presa, construída entre os concellos de Chantada e O Saviñao, toma o seu nome do núcleo onde primeiro se proxectou, o lugar de Belesar (nas parroquias de Belesar e Diomondi), situado a unha distancia de 4,5 quilómetros río abaixo, no Encoro dos Peares.

Foi creado para abastecer unha central hidroeléctrica, operada na actualidade pola empresa Gas Natural Fenosa. A presa é obra do enxeñeiro Luciano Yordi de Carricarte, e o edificio de control da central eléctrica do arquitecto Juan Castañón de Mena. No encoro traballaron forzados presos políticos, que vivían en condicións moi duras. Polos terreos expropiados para a súa construción pagáronse prezos moi baixos^[1] .

A construción do encoro supuxo anegar case 2.000 hectáreas de terreo fértil, ademais da desaparición do Castro Candaz e da vila de Portomarín, que se reedificou preto da súa antiga localización. Outros lugares habitados desapareceron tamén baixo as augas do encoro, como Mourulle, Pincelo, Abeledo ou Portomeñe.

• 
  Encoro de Belesar.
• 
  Vista desde San Vitoiro de Ribas de Miño, á altura da desembocadura do río Sardiñeira.
• 
  Vista de Castro Candaz
• 
  Vista do Miño na desembocadura do río Enviande.
• 
  Vista da presa.
• 
  Vista da presa.

• Eiré, Afonso (2013). Hércules, ed. Belesar. O orgullo de España. A Coruña. ISBN 978-84-92715-71-8. 

• Estado do encoro de Belesar
• Portomarín