Dromaius

Dromaius

Reino:	Animalia
Filo:	Chordata
Clase:	Aves
Subclase:	Neornithes
Superorde:	Palaeognathae
Orde:	Struthioniformes
Familia:	Dromaiidae
Xénero:	Dromaius

Especies

Dromaius é un xénero de aves estrutioniformes da familia Dromaiidae. Son aves grandes, non voadoras (ratites). O seu hábitat natural atópase no continente de Oceanía; na actualidade só sobrevive unha especie, o emú, que é a segunda ave de maior tamaño do mundo, após a avestruz.

Características

A súa plumaxe é de cor cinsenta apardada, cunha distintiva gorxa de cor azul pálida. Son aves omnívoras que se alimentan de insectos e de sementes. Foron moi comúns, porén durante o século pasado se decimaron as súas poboacións, xa que o home europeo, ao colonizar este continente, descubriu que esta ave era incompatíbel coa agricultura que pretendía desenvolver. Unha curiosidade que ten esta ave é que os seus ovos, a diferenza doutras aves, son dunha cor verde escura.

Taxonomía

Estas aves foron clasificadas dentro dunha familia propia, Dromaiidae e posteriormente foron incluídas, xunto cos casuarios, dentro da familia Casuaridae.^[1] Agora tornan a se clasificaren na familia Dromaiidae.^[2]

Unicamente sobrevive unha especie, Dromaius novaehollandiae que á súa vez ten tres subespecies viventes e unha extinta: o emú de Tasmania. As outras dúas especies de emú extintas son o emú da Illa King (Dromaius ater), extinta en 1822, e o emú da Illa Kangaroo (Dromaius baudinianus) extinta en 1920.

Notas

↑ Sibley, Charles Gald & Ahlquist, Jon Edward (1990): Phylogeny and classification of birds. Yale University Press, New Haven, Conn.
↑ Livezey, Bradley C.; Zusi, Richard L. (2007-1). "Higher-order phylogeny of modern birds (Theropoda, Aves: Neornithes) based on comparative anatomy. II. Analysis and discussion". Zoological Journal of the Linnean Society (en inglés) 149 (1): 1–95. ISSN 1096-3642. PMC 2517308. PMID 18784798. doi:10.1111/j.1096-3642.2006.00293.x.

Véxase tamén

Ligazóns externas

Videos de emúes Arquivado 10 de xaneiro de 2012 en Wayback Machine. en Internet Bird Collection

[1] Sibley, Charles Gald & Ahlquist, Jon Edward (1990): Phylogeny and classification of birds. Yale University Press, New Haven, Conn.

[liv-2] Livezey, Bradley C.; Zusi, Richard L. (2007-1). "Higher-order phylogeny of modern birds (Theropoda, Aves: Neornithes) based on comparative anatomy. II. Analysis and discussion". Zoological Journal of the Linnean Society (en inglés) 149 (1): 1–95. ISSN 1096-3642. PMC 2517308. PMID 18784798. doi:10.1111/j.1096-3642.2006.00293.x.

[1]