Consello Xeral do Poder Xudicial
| Consello Xeral do Poder Xudicial | |
|---|---|
 | |
| Acrónimo | CGPJ |
| Tipo | axencia gobernamental e judicial council |
| Campo de traballo | justice and judicial activities |
| Data de fundación | 1978 |
| Presidente/a | |
| Premios | Gran Cruz da Orde de San Raimundo de Peñafort |
| Sede | Consejo General del Poder Judicial building, Madrid |
| País | España |
| Na rede | |
| http://www.poderjudicial.es/ | |
  | |
| [ editar datos en Wikidata ] | |
O Consello Xeral do Poder Xudicial (CXPX) de España, consonte o artigo 122 da Constitución española, é o órgano de goberno dese poder do Estado, que exerce as súas competencias en todo o territorio español. A súa función principal é velar pola independencia de xuíces e maxistrados fronte ao resto dos poderes estatais.
Composición
[editar | editar a fonte]Está presidido polo presidente do Tribunal Supremo de España e composto por vinte vocais, nomeados polo rei Filipe VI a proposta do Senado e do Congreso dos Deputados. Cada Cámara propón catro xuristas de recoñecida competencia e ademais selecciona seis xuíces ou maxistrados propostos en lista tripla polos membros da Carreira Xudicial, en eleccións internas.
Competencias
[editar | editar a fonte]O Consello Xeral do Poder Xudicial é competente na selección e nomeamento dos xuíces, na proposta ao rei para o nomeamento dos presidentes e maxistrados de todos os tribunais de todo o territorio estatal e, en materia administrativa, posúe atribucións de inspección e disciplinarias.
Con subordinación ao Consello Xeral do Poder Judicial, as Salas de Goberno do Tribunal Supremo, da Audiencia Nacional e dos Tribunais Superiores de Xustiza exercen funcións gobernativas e administrativas, tales como a solicitude e repartición de recursos e medios materiais e o estabelecemento de normas de repartición de asuntos, de substitución e de control das respectivas oficinas.
