Borreiros, Gondomar

Borreiros
	Borreiros
Concello	Gondomar
Provincia	Pontevedra
Coordenadas	42°06′12″N 8°48′12″O / 42.103236111111, -8.8034388888889
Poboación	1.254 hab. (2014)
Entidades de poboación	20
	[ editar datos en Wikidata ]

Para outras páxinas con títulos homónimos véxase: Borreiros.

San Martiño de Borreiros é unha parroquia que se localiza no concello pontevedrés de Gondomar na comarca de Vigo. Segundo o IGE, no 2014, tiña 1.254 habitantes (666 mulleres e 588 homes), distribuídos en 20 entidades de poboación,^[2] o que supón un aumento en relación ao ano 1999 cando tiña 1.047 habitantes. O lugar de cabeceira, onde está a igrexa e o centro cultural, é San Martiño. Eclesiasticamente, pertence ao arcipretado de Miñor.^[3]

Historia

A primeira referencia escrita data do 1170, onde o rei Fernando II de León doa ó Bispo de Tui a igrexa de San Martiño de Borreyros. Neste documento, sinala os seus longos límites. E outra referencia data de 1409, onde Lorenzo Canes de Cadaval, escudeiro morador en terra da Louriña, fai doazón ó Mosteiro de Oia, a metade do Coto de Borreyros coas súas casas, as súas herdades, as súas viñas, as súas devesas etc. Durante tempo, a parroquia de Santa Cristina da Ramallosa (Baiona), pertenceu a ela ata que se independizou.^[4]

Patrimonio

Pola parroquia discorre o río Miñor. Posúe unha capela, chamada Capela da Xunqueira que data do ano 1723 (segundo a inscrición que hai no arco da entrada).^[4]

No monte veciñal atópase un poboado castrexo da idade de ferro, o castro da Pedra Moura. Ten parapetos defensivos, e desde el vese o Val Miñor e a ría de Vigo. Está en terreos propiedade da Comunidade de Montes.

Na parroquia tamén se encontra a Fraga de Oliveira, que está situada entre as parroquias de Borreiros, Belesar e Donas no contorno do río da Groba, aínda que os sendeiros que están dentro do sendeiro da Grela, están sen sinalizar e abandonados.

Festas

Santo Antonio de Padua: 13 de xuño (na Capela da Xunqueira).
A Virxe da Luz: 8 de setembro (na Capela da Xunqueira).
San Martiño: 11 de novembro.

Galería de imaxes

Artigo principal: Galería de imaxes de Gondomar.

Cruceiro de San Martiño.
Ábsida: estatua e gravado.
Igrexa parroquial de San Martiño.
Capela da Xunqueira.
Castro da Pedra Moura
Castro da Pedra Moura

Lugares e parroquias

Lugares de Borreiros

Lugares da parroquia de Borreiros no concello de Gondomar (Pontevedra)
O Aciquelo \| A Bandeira \| Borreiros \| Os Boucelos \| O Burgovedro \| Cabaleiros \| O Castro \| O Cruceiro \| A Esparadela \| A Estrada \| Guntín \| O Lousado \| O Monteiro \| A Oliveira \| As Regadas \| San Martiño \| O Seixo \| O Telleiro \| A Tomada \| A Valada \| Viso de Calvos \| A Xunqueira

Parroquias de Gondomar

Galicia \| Provincia de Pontevedra \| Parroquias de Gondomar
Borreiros (San Martiño) \| Chaín (Santa María) \| Couso (San Cristovo) \| Donas (Santa Baia) \| Gondomar (San Bieito) \| Mañufe (San Vicente) \| Morgadáns (Santiago) \| Peitieiros (San Miguel) \| Vilaza (Santa María) \| Vincios (Santa Mariña)

Notas

↑ ^1,0 ^1,1 Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.
↑ IGE. "Nomenclátor de Galicia". Arquivado dende o orixinal o 24/02/2021. Consultado o 20/8/2015.
↑ "MIÑOR archivos". DIOCESE TUI-VIGO (en castelán). Consultado o 2023-09-13.
↑ ^4,0 ^4,1 Miñor, Arciprestados de Tui-Vigo, Delegación diocesana de patrimonio (2008).

Véxase tamén

Outros artigos

Lugares de Gondomar

Ligazóns externas

San Martiño de Borreiros Diocese de Tui-Vigo.

[nomenclátor-1] 1,0 ^1,1 Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.

[2] IGE. "Nomenclátor de Galicia". Arquivado dende o orixinal o 24/02/2021. Consultado o 20/8/2015.

[3] "MIÑOR archivos". DIOCESE TUI-VIGO (en castelán). Consultado o 2023-09-13.

[:0-4] 4,0 ^4,1 Miñor, Arciprestados de Tui-Vigo, Delegación diocesana de patrimonio (2008).

[1]