Santos

Santos é unha cidade do litoral do estado de São Paulo, dende sitúase o principal porto marítimo do Brasil e tamén da América Latina, o Porto de Santos. Está a 70 km de distancia da capital do estado, a cidade de São Paulo, a cal se liga por dúas estradas: Rodovia Anchieta (máis antiga) e Rodovia dos Imigrantes (máis moderna). Para transporte de carga hai tamén dúas liñas de ferrocarril dirixíndose ó interior do estado e pasando pola capital. Tamén se liga coa cidade do Río de Xaneiro pola estrada Rio-Santos.

Santos

Localización
23°56′01″S 46°19′43″O / -23.9335988, -46.3286399
Estado	Brasil
Unidades da federación	São Paulo
Poboación
Poboación	418.608 (2022) (1.493,43 hab./km²)
Xeografía
Superficie	280,3 km²
Altitude	2 m
Comparte fronteira con	São Vicente Guarujá Mogi das Cruzes Cubatão (pt) Bertioga Santo André
Creación	1546
Organización política
• Alcalde	Rogério Santos (pt) (2021–)
Órgano lexislativo	câmara municipal de Santos (pt) , (Escano: 21)
Membro de	Rede de cidades creativas (2015–)
Identificador descritivo
Código postal	11100-000
Fuso horario	UTC−03:00 UTC−02:00
Prefixo telefónico	13
Código de concello do Brasil	3548500
Outro
Irmandado con	Nagasaki Trieste Coímbra Constancia Ushuaia Cádiz Colón Veracruz Funchal Luhansk Ansião (pt) (1996–)
Páxina web	santos.sp.gov.br

Uns 39 km² do municipio están na parte leste da illa de San Vicente, moi chá e xunto á costa, na cal se concentra a maioría da súa poboación. Os máis de 230 km² situados no continente son pouco poboados e posúen reservas ecolóxicas de Mata Atlántica.

Santos vive do seu porto, do turismo, dalgunhas industrias importantes, e ten un variado comercio, bancos e servizos. No verán no hemisferio sur (decembro ata febreiro) o movemento de turistas -principalmente da capital e das cidades do interior do estado- crece moito, pero decrece despois, ata o mes de xullo, que e o segundo período de vacacións escolares no Brasil. Moitos xubilados que traballaron na capital do estado múdanse para Santos despois da xubilación. Así, as persoas de máis de 65 anos representan hoxe case 20 % da súa poboación total.

O Santos Futebol Clube é o principal equipo da cidade, onde xogou un dos xogadores brasileiros de fútbol máis coñecidos de todos os tempos: Pelé.