Castrelo do Val

Castrelo do Val
Localización
	41°59′26″N 7°25′27″O / 41.990555555556, -7.4241666666667
Estado	España
Comunidade autónoma	Galicia
Provincia	provincia de Ourense
Capital	Castrelo do Val
Poboación
Poboación	989 (2023) (8,11 hab./km²)
Xeografía
Parte de	Mancomunidade de concellos da comarca de Verín
Superficie	122 km²
Altitude	419 m
Comparte fronteira con	A Gudiña ; Monterrei ; Laza ; Verín ; Riós ; Vilardevós ; Vilariño de Conso
Organización política
• Alcalde	Vicente Gómez García (2019–)
	Eleccións municipais en Castrelo do Val
Identificador descritivo
Código postal	32625
Fuso horario	UTC+01:00
Código INE	32021
Páxina web	castrelodoval.gal

Para outras páxinas con títulos homónimos véxase: Castrelo do Val.

Castrelo do Val é un concello da provincia de Ourense, pertencente á comarca de Verín. Segundo o IGE en 2015 tiña 1079 habitantes (1263 en 2003). O xentilicio é castrelexo.^[1]

Localización

O concello de Castrelo do Val atópase nunha zona de transición entre Cabeza de Manzaneda e a serra de Queixa polo nordeste e o val do Támega (ou de Verín ou de Monterrei) no suroeste. As alturas máximas son as de Cabeza de Valdefeira (1288 m), Peña Nofre (1291 m) e Cabezo do Sogral (1369 m), mentres que as alturas mínimas non baixan dos 400 m. O río Támega diríxese cara ao sur. O río Camba está represado no encoro das Portas.

A temperatura media anual é de 9 °C, con oscilación térmica de 14 °C e altas precipitacións anuais (1.700 mm.)

O camiño de ferro de Ourense a Zamora atravesa o concello.

Historia

Até 1842 coñecíase como Castrelo, pero nese ano engadíuselle "del Valle" para diferencialo de Castrelo de Miño. Foi galeguizado a finais do século XX.

Patrimonio

Estela do Guerreiro de Castrelo do Val

No lugar de Pedra Alta atopouse unha estela da Idade de Bronce, ata agora único en Galiza.^[2] Está tallada con forma antropomorfa (con catro rebaixes que queren expresar brazos e pernas) e representa un guerreiro con escudo con escotadura en V, unha espada e unha posible lanza, así como un carro tirado por animais. Clasifícase dentro das chamadas "estelas do suroeste" por abundar no suroeste da península.

Hai restos dun castro en Cabanca, Casteliños. Destacan as igrexas parroquiais de Servoi e Campobecerros, xunto a varios cruceiros (dos que o máis destacábel é o de Pepín) e a fonte e o casco antigo de Nocedo.

Entre o patrimonio natural destaca o Parque do Invernadeiro, que comparte con outros concellos veciños. Hai viñedos que producen para a Denominación de Orixe Monterrei.

Poboación

Censo total	1079 ⁽²⁰¹⁵⁾
Menores de 15 anos	77 (7,13 %)
Entre 15 e 64 anos	545 (50,51 %)
Maiores de 65 anos	457 (42,35 %)

Evolución da poboación de Castrelo do Val Fontes: INE e IGE.
1900	1930	1950	1981	2004	2009	2011	2012	2013	2014	2015	2016	2017	2018	2019	2020	2021	2022	2023
2975	2913	3227	2455	1239	1241	1177	1169	1138	1109	1079	1067	1028	1001	984	958	979	969
(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Galería de imaxes

Artigo principal: Galería de imaxes de Castrelo do Val.

Lugar de Ribas na parroquia de Pepín.
Río Camba.
Nevada no lugar de Vilar na parroquia de Servoi.
Lugar de San Paio na parroquia de Servoi.

Parroquias

Galicia \| Provincia de Ourense \| Parroquias de Castrelo do Val
Campobecerros (Santiago) \| Castrelo do Val (Santa María) \| Gondulfes (Santa Cruz) \| Nocedo do Val (San Salvador) \| Parada da Serra (San Lucas) \| Pepín (San Vicente) \| Piornedo (Santa Eufemia) \| Portocamba (San Miguel) \| Servoi (Santa María)

Lugares de Castrelo do Val

Para unha lista completa de todos os lugares do concello de Castrelo do Val vexa: Lugares de Castrelo do Val.

Notas

↑ Costas González, Xosé-Henrique (2016). Os xentilicios de Galicia e dos outros territorios de lingua galega (PDF). Vigo: Universidade de Vigo. p. 45. ISBN 978-84-8158-706-7.
↑ Lamas, Jorge (2011-05-07). "Hallan por primera vez en Galicia una estela de guerrero con carro". La Voz de Galicia (en castelán). Consultado o 2023-09-19.

Véxase tamén

Outros artigos

Eleccións municipais en Castrelo do Miño

Ligazóns externas

Páxina oficia do Concellol
Pedra Alta de Castrelo do Val (Museo Arqueolóxico de Ourense) Arquivado 17 de abril de 2021 en Wayback Machine.

Este artigo sobre concellos de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír.

[1] Costas González, Xosé-Henrique (2016). Os xentilicios de Galicia e dos outros territorios de lingua galega (PDF). Vigo: Universidade de Vigo. p. 45. ISBN 978-84-8158-706-7.

[2] Lamas, Jorge (2011-05-07). "Hallan por primera vez en Galicia una estela de guerrero con carro". La Voz de Galicia (en castelán). Consultado o 2023-09-19.

[1]