A lista de Schindler
A lista de Schindler (en inglés: Schindler's List) é un filme de 1993 baseado no libro Schindler's Ark de Thomas Keneally (o libro foi máis tarde renomeado como Schindler's List). Dirixido por Steven Spielberg, relata a historia de Oskar Schindler, un checo que foi instrumento para salvar a vida de máis de mil xudeus polacos durante o Holocausto. O título refírese á lista de 1 200 xudeus que Schindler contratou para traballar na súa fábrica, quitándoos do campo de concentración.
| A lista de Schindler | |
|---|---|
 | |
| Ficha técnica | |
| Título orixinal | Schindler's List |
| Director | Steven Spielberg |
| Produtor | Steven Spielberg Gerald R. Molen Branko Lustig |
| Guión | Steven Zaillian |
| Baseado en | Schindler's Ark de Thomas Keneally |
| Intérpretes | Liam Neeson Ben Kingsley Ralph Fiennes Caroline Goodall Jonathan Sagall Embeth Davidtz |
| Música | John Williams |
| Fotografía | Janusz Kamiński |
| Montaxe | Michael Kahn |
| Estudio | Amblin Entertainment |
| Distribuidora | Universal Pictures |
| Estrea |  30 de novembro de 1993 |
| Duración | 195 minutos |
| Orixe |  Estados Unidos |
| Orzamento | $22 000 000[1] |
| Recadación | $321 200 000 |
| Na rede | |
| http://www.universalstudiosentertainment.com/schindlers-list/ | |
            | |
A maior parte do filme foi producido en branco e negro (con cores no prólogo e no epílogo e unha cor vermella en dúas escenas). Está protagonizado por Liam Neeson como Oskar Schindler, Ben Kingsley como Itzhak Stern e Ralph Fiennes como Amon Goeth. O seu subtítulo é "Quen salva unha vida salva o mundo enteiro", unha cita do Talmud. Foi aclamado pola crítica, o filme gañou fama polo seu detalle gráfico da horrible brutalidade do holocausto. Nomeado a doce Óscars, gañou sete, incluíndo o de Mellor Filme e Mellor Director para Steven Spielberg.
Sinopse
editarSegunda guerra mundial (1939-1945). Oskar Schindler (Liam Neeson), un home de enorme astucia e talento para as relacións públicas, organiza un ambicioso plan para gañar a simpatía dos nazis. Despois da invasión de Polonia polos alemáns (1939), consegue, grazas ás súas relacións, a propiedade dunha fábrica de Cracovia. Alí emprega a centos de operarios xudeus, cuxa explotación faino prosperar axiña. O seu xerente (Ben Kingsley), tamén xudeu, é o verdadeiro director na sombra, pois Schindler carece completamente de coñecementos para dirixir unha empresa.
Personaxes
editarPrincipais
editar- Liam Neeson como Oskar Schindler, un home de negocios nazi que salvou a vida de arredor de 1 100 xudeus empregándoos na súa fábrica.
- Ben Kingsley como Itzhak Stern, o contable de Schindler e o seu compañeiro de negocios.
- Ralph Fiennes como Amon Göth, o principal antagonista do filme; Goeth e un oficial das SS asignado a construír o campo de concentración de Płaszów.
- Embeth Davidtz como Helen Hirsch, unha rapaza xudía que traballa para Göth como serventa.
- Caroline Goodall como Emilie Schindler, a muller de Schindler.
- Jonathan Sagall como Poldek Pfefferberg, un home que sobrevive coa súa muller que aprovisiona de todo o que Schindler necesita do mercado negro.
Secundarios
editar- Ezra Dagan como Rabino Lewartow
- Malgoscha Gebel como Wiktoria Klonowska
- Shmuel Levy como Wilek Chilowicz
- Mark Ivanir como Marcel Goldberg
- Béatrice Macola como Ingrid
- Andrzej Seweryn como Julian Scherner
- Friedrich von Thun como Rolf Czurda
- Krzysztof Luft como Herman Toffel
- Harry Nehring como Leo John
- Norbert Weisser como Albert Hujar
- Adi Nitzan como Mila Pfefferberg, a muller de Poldek Pfefferberg.
- Michael Schneider como Juda Dresner
- Miri Fabian como Chaja Dresner
- Anna Mucha como Danka Dresner
- Ben Darby como Home de gris
- Albert Misak como Mordecai Wulkan.
- Hans-Michael Rehberg como Rudolf Höss
- Daniel Del Ponte como Doutor Josef Mengele
Galardóns e nomeamentos
editar- 1993: 7 Oscars: Filme, director, guión, montaxe, música, dirección artística e fotografía.
- 1993: 3 Globos de Ouro: Filme: drama, guión e director. 6 nomeamentos.
- 1993: 7 premios BAFTA, incluíndo filme, fotografía, montaxe e bso. 13 nomeamentos.
- 1993: Nomeada ó Cesar: Mellor filme estranxeiro.
- 1993: National Board of Review: Mellor filme.
- 1993: 3 premios Círculo de críticos de Nova York, incluíndo actor secundario (Ralph Fiennes).