Rotsterhaule
| Rotsterhaule | ||
| ||
| Komboerd Rotsterhaule | ||
| Bestjoer | ||
| Lân |  Nederlân
| |
| Provinsje |  Fryslân
| |
| Gemeente |  De Fryske Marren
| |
| Sifers | ||
| Ynwennertal | 590 (1 jannewaris 2023)[1] | |
| Oerflak | 9,79 km² (8,8 km² lân, 0,99 km² wetter) | |
| Befolkingsticht. | 60 ynw. /km² | |
| Oar | ||
| Ferkearsieren | N924 | |
| Postkoade | 8463 | |
| Netnûmer | 0513 | |
| Tiidsône | UTC +1 | |
| Simmertiid | UTC +2 | |
| Koördinaten | 52° 56' NB, 5° 51' EL | |
| Offisjele webside | ||
| https://www.sintjut.frl/ | ||
| Kaart | ||
  Lokaasje Rotsterhaule yn Fryslân
| ||
| Kaart | ||
| ||
| Lokaasje Rotsterhaule (grien) yn 'e eardere gemeente Skarsterlân. | ||
Rotsterhaule is in streekdoarp yn de gemeente De Fryske Marren, noardeast fan de Tsjûkemar. It doarp leit fuortendaliks westlik fan Sint-Jânsgea, dêr't it in twillingdoarp mei foarmet. De buorskip Unlân oan 'e Kadyk rint parallel noardwestlik fan it doarp en falt foar it grutste part ûnder de himrik fan Rotsterhaule.
Rotsterhaule hat 590 ynwenners (1 jannewaris 2023).
Skiednis
[bewurkje seksje | boarne bewurkje]De namme ferwiist nei in hichte by Rottum, dêr't it in dochterdelsetting fan is. It doarp waard yn 1393 foar it earst neamd. It doarp komt as Rotster Haula (1490), Hauwela (1538) en Retsterhaule (1579) foar. It doarp Reahel is op syn bar wer in dochterdelsetting fan Rotsterhaule.[2]
It doarp is ûntstien by de ûntfeaning fan in leechfeangebiet. By de ferfeanting binne in soad minsken út de kop fan Oerisel, benammen Gitersken, nei it gebiet komd. Nei de feanterij rûnen de polders fol wetter dat by hurde wyn de bebouwing bedrige. Om 1860 hinne is de Grutte Feanpolder troch fjouwer wynmûnen drûchmeald. Fan dy mûnen is noch ien stean bleaun: De Hersteller.
Nei it drûchmeallen wurdt it gebiet yn haadsaak foar feehâlderij brûkt. By it doarp is in oarspronklik feangebiet bewarre bleaun dat opgiet yn it natoergebiet Easterskar, ûngefear 500 bunder grut en beheard wurdt troch It Fryske Gea. Op de hoeke fan De Streek en de Lange Dyk stie yn 1490 tsjerke dy't foel ûnder it kleaster by Haskerdiken, it Hasker Konvint. It tsjerkje waard brûkt oant 1580 brûkt. De doetiidske pastoar woe net oerskeakelje fan roomsk op protestantsk en moast dêrnei flechtsje. It tsjerkje waard dêrnei net mear brûkt.
De mear as 100 jier âlde koeke- en pipernutefabryk fan Modderman is rûnom bekend.
Rotsterhaule hearde oant 1934 ta de griternij sawol de gemeente Skoatterlân, oant 198 de gemeente Haskerlân en oant 2014 ta de gemeente Skarsterlân dy't doe opgie yn de gemeente De Fryske Marren.
Mienskip
[bewurkje seksje | boarne bewurkje]It doarp hat mei Sint-Jânsgea ien feriening foar Doarpsbelang. Yn 'e Doarpsfinne is it multyfunksjonele sintrum. It doarp hat in eigen basisskoalle, Iepenbiere Skoalle De Schakel.
Ferienings
[bewurkje seksje | boarne bewurkje]- Change - sjongen
- ODI - gymnastyk
- De Lege Wâlden - fierljeppen
- 't Haskelân & 't Haske - hynsteriden
Befolkingsferrin
[bewurkje seksje | boarne bewurkje]| 1954 | 1959 | 1964 | 1969 | 1973 | 2004 | 2013 | 2024 |
|---|---|---|---|---|---|---|---|
| 741 | 835 | 728 | 687 | 640 | 400 | 589 | 590 |
Boarne: Alle Cijfers (2013 en 2024)
Strjitten
[bewurkje seksje | boarne bewurkje]- Boerestreek - bline wei mei wat huzen en pleatsen
- Boskpaad - paad nei de Haulster bosken
- Gaasterwei - ferbining fan De Pôle yn Rotsterhaule mei Rotstergaast.
- Hylke Bangmawei - Hijlke Bangma wie fan 1943-1935 opsichter yn de Grutte Sint Jânsgeaster Feanpolder. Die in soad foar it doarpslibben en wie riedslid en steatelid foar de PvdA.
- Hege Dyk - heech lizzende polderdyk nei Rottum. Dêrnjonken lei de Hegedyksterfeart dy't yn 1962 tichtsmiten waard.
- Yn 'e Doarpsfinne - wenmienskip op sport- en feestterrein de Doarpsfinne. In 'finne' is in stik lân dat net foar healân brûkt waard.
- Kadyk - dyk oer it ferfeante efterlân, de âlde folksnamme wie Kaardyk.
- Kampwei - nei kamp De Wite Peal. In wite peal is in grinsskieding yn feangebieten. Earst wie it in kamp foar wurkleazen, doe foar Joaden en as lêste foar Ambonezen (Molukkers). Yn de nacht fan 2 op 3 oktober 1942 waarden alle Joaden ôffierd nei Westerbork.
- Langedyk - lange rjochte dyk sûnder huzen.
- Liemdyk - Unferhurde dyk mei balstiensân as deklaach.
- Lytse Wei - stikje ûnbeboude dyk fan de Tsjerkewei nei de Pôle
- Nije Wei - oant 1953 'De Stelle' neamde wei.
- Pôle - nei de sânhichte yn fergroeven feangebiet.
- Prinses Marijkewei - nei prinsesse Christine dy't de ropnamme Marijke hie.
- Richard Jungwei - Richard Jung wie in Tsjech dy't hjir ûnderdûkt siet en oan it ferset meidie. Sneuvele op 15 april 1945 by Skarsterbrêge.
- Streek - de lange dyk mei lintbebouwing troch Sint-Jânsgea en Rotsterhaule
- Tsjerkewei - âld sânpaad nei Alde Ouwer lâns de tsjerke fan Reahel.
- Wolvedyk - neamd nei feanbaas Wolf.
Sjoch ek
[bewurkje seksje | boarne bewurkje]Keppeling om utens
[bewurkje seksje | boarne bewurkje]| Boarnen, noaten en/as referinsjes: |
|
|
Ofbylden dy't by dit ûnderwerp hearre, binne te finen yn de kategory Rotsterhaule fan Wikimedia Commons. |
