Juwelier

In juwelier is immen dy't juwielen en sieraden makket en/of deryn hannelet. Alle goud- en sulversmidden binne dus juweliers, mar net alle juweliers binne goud- of sulversmid. Oarspronklik makken juweliers inkeld juwielen op bestelling en hiene se selden ferkeapartikelen op foarried (wol toanstikken, om potinsjele klanten harren feardichheid sjen te litten). Ut eangstme foar dieverij hiene se abslút gjin ferkeapstikken útstald yn fitrines, sa't hjoed-de-dei wizânsje is.

Tsjintwurdich wurdt it wurd 'juwelier' of 'de juwelier' ek wol brûkt as oantsjutting foar in winkel (of juwelierssaak) dêr't men juwielen, sieraden, horloazjes en oanbesibbe guod keapje kin of oanpasse of reparearje litte kin. By guon juwelierssaken kin men ek terjochte foar it sjitten fan gatsjes yn 'e earlellen om it dragen fan earbellen mooglik te meitsjen.