Skraard

Skraard


Flagge	Wapen

Gemeente

Súdwest-Fryslân

Ynwennertal (2011)

194

Webstee

http://www.wunseradiel.nl

Skraard is in terpdoarp yn de gemeente Súdwest-Fryslân, besuden Wytmarsum. Oant 2011 lei Skraard yn de eardere gemeente Wûnseradiel. It doarp hat likernôch 180 ynwenners (2004) en hat sûnt 1988 de status fan beskerme doarpsgesicht. It is ûntstien op de súdlike ouwer fan de Marneslinke en wurdt yn de earste geskriften Scadawerth neamd.

Hjir stie eartiids de Aylvastate.

De protestantske tsjerke wurdt yn 1270 foar it earst neamd en is yn 1954 restaurearre. Hjir spilet in ferhaal fan in hosty-wûnder, dat twa kear troch de paus erkend waard. Dit kaam trochdat de pastoar en de fikaris yn 1414 in bliedende hosty op it alter fûnen. Der kamen letter dan ek pylgers op beafeart op ôf. Minsken dy't in ôflaat krigen koenen boete dwaan troch dêr hinne te gean en in offer te bringen. De tsjerke datearret foar in grut part út de let romaanske perioade en is fan giele friezen boud, lykas de toer. Yn de tsjerke stiet meubilêr út de 17e iuw. De renêssânse kânsel, doopstek, lessener, jildtaffeltsje en nachtmielbanken foarmje in harmonieus gehiel. Moai houtsnijwurk binne de sydwangen fan tsien tsjerkebanken fan ± 1565 mei ingelen, duvels en mûnsters.

Skraard wie yn de achttjinde en njoggentjinde iuw in sintrum foar handel yn hea. Súdeast fan de tsjerke stie tusken 1860 en ûngefear 1950 in spinnekopmûne.

Mienskip

Tsjerke

Protestantske tsjerke fan Skraard

De eardere grifformearde tsjerke wurdt as wenhûs brûkt.

Ferienings

Excelsior - muzyk

Befolking

1954 - 301
1959 - 251
1964 - 244
1969 - 234
1974 - 181
2004 - 180

Berne yn Skraard

Jenne Langhout (1848), Predikant
Hotse Bartlema (1911), Roeier

Strjitten

Doarpsstrjitte, Easterleane, Skoalstrjitte, Smidstrjitte, Wûnserwei, Suderleane.

Sjoch ek

Boarnen, noaten en referinsjes

Boarnen, noaten en/as referinsjes:

53° 5' NB, 5° 27' EL

	Súdwest-Fryslân
Stêden: Boalsert • Drylts • Hylpen • Snits • Starum • Warkum
Doarpen en útbuorrens: Abbegea • Aldegea • Allingawier • Arum • Blauhús • Boazum • Breesândyk • Britswert • Burchwert • Dearsum • Dedzjum • Easterein • Easterwierrum • Easthim • Eksmoarre • Ferwâlde • Folsgeare • Gaast • De Gaastmar • Gau • Goaiïngea • Greonterp • Hartwert • Heech • It Heidenskip • Hichtum • Hidaard • Hieslum • Himmelum • Hinnaard • De Hommerts • Idzegea • Iens • Yndyk • Ypekolsgea • Ysbrechtum • Itens • Jutryp • Kimswert • Koarnwert • Koarnwertersân • Koudum • Kûbaard • Kûfurderrige • Laaksum • Lytsewierrum • Loaiïngea • Lollum • Longerhou • Makkum • Molkwar • Nijhuzum • Nijlân • Offenwier • Parregea • Penjum • Piaam • Poppenwier • Raerd • Reahûs • Rien • Sânfurd • Sibrandabuorren • Skarl • Skearnegoutum • Skettens • Skraard • Skuzum • Smelbrêge • Surch • Tersoal • Toppenhuzen • Tsjalhuzum • Tsjerkwert • Turns • Twellingea • Waaksens • Wâldsein • Warns • Westhim • Wytmarsum • Wiuwert • Wolsum • Wommels • Wûns
Buorskippen: Aaksens • Abbegeasterketting • Andelahuzen • Annebuorren • Arkum • Atsebuorren • Baarderbuorren • De Band • Barsum • Beabuorren • Bessens • Bernsterbuorren • De Bieren • Bittens • De Blokken • Blomkamp • Boatlân • Bonjeterp • Boppebuorren • De Burd • Dyksterbuorren • Doanjebuorren • Doanjewier • Draeisterhuzen • Eangterp • Easthim (Wytmarsum) • Eksmoardersyl • Feytebuorren • Fiifhûs • Fiskersbuorren • Fjouwerhuzen • Flânsum • It Fliet • Galamadammen • Goaiïngamieden • Goaium • Grauwe Kat • De Grits • Grutte Wiske • Greate Wierrum • Haaium • Harkesyl • De Hel • Hiemert • Hidaardersyl • Hiddum • Hoekens • Hoarnsterbuorren • Hou • Idserdabuorren • Iemswâlde • Yndyk (Boazum) • Ingwert • Ingwier • Jeth • Jonkershuzen • Jousterp • Jouswert • Kâldehuzum • De Kampen • De Kat • Klaeiterp • De Kliuw • Knossens • Koaihuzen • Kromwâl (Boalsert) • Kromwâl (Britswert) • Laerd en Saerd • Lippenwâlde • De Lytse Gaastmar • Lytse Wiske • Lytshuzen • Makkum (Boazum) • Meilahuzen • Montsamabuorren • Mountsjewier • De Nes • Nijbuorren • Nijekleaster • Nijesyl • Osingahuzen • Pikesyl • De Pôle • Rea Skuorre • Remswert • Rytseterp • Saard • Sânfurder Ryp • Syswert • Sjongedyk • Skearnebuorren • Skrok • Sotterum (Koarnwert) • Sotterum (Skettens) • Spears • Spyk • It Strân Swaanwert • Swarte Beien • Trijehuzen (Hidaard) • Trijehuzen (Snits) • Trijehuzen (Wommels) • Tsjerkebuorren • De Wearen • Westerbuorren • Westerlittens • De Wieren • Wolsumerketting • Wonnebuorren
· ·